Ønskjer du ein meiningsfull deltidsjobb? Me har ledig stilling som personleg assistent (BPA)
Tysnes kommune
5685 Uggdal
Om jobben
Stillingstittel
Ønskjer du ein meiningsfull deltidsjobb? Kvinne søker personleg assistent (BPA).
Type ansettelse
Fast, deltid 56.6%
Arbeidsspråk
Norsk
Antall stillinger
1
Tysnes kommune har ledig stilling som brukarstyrt personleg assistent i fast 56,6 % stilling.
Som brukarstyrt personleg assistent bidreg du til gode og meiningsfulle dagar. Oppgåva di er å yta praktisk hjelp etter instruks, slik at arbeidsleiar kan leva sitt liv på den måten ho ønskjer og har behov for.
Arbeidsleiar er ei eldre kvinne som bur sentralt, i eiga leilegheit. Ho er ressurssterk, men nedsett funksjonsevne gjer at det er behov for hjelp og bistand i og utanfor heimen, for å hennar behov i kvardagen. Ho nyttar rullestol, men er for det meste sjølvhjelpt i forflytning. Behov for hjelp til bilkøyring.
Ho er opptatt av planter/blomar, og å ha det fint rundt seg. Musikk betyr ekstra mykje for ho. Ho liker å sjå litt på TV og bruker datamaskin.
Arbeidstida er i hovudsak på dagtid. Ved ønskje om å delta på sosiale tilstellingar, er det, etter nærare avtale, moglegheit for noko arbeid kveld, evt. helg.
Me ser etter deg som er positiv, initiativrik og sjølvstendig. Arbeidsleiar er opptatt av tryggheit og stabilitet, og håper å finne ein assistent som ønskjer å stå i stillinga over tid. Personleg eignaheit og kjemi blir vektlagt.
Tenesta ligg til eining for open omsorg, og du blir tilsett i Tysnes kommune og får leiar i open omsorg. Aktuelle kandidatar vert invitert til intervju fortløpande.
Ønskjer du høgare stilling?
For person med rett kompetanse, kan det være aktuelt å auke opp stillinga med arbeidsoppgåver ved andre arbeidsplassar innan helse. I tilfelle vil det inkludere turnus og arbeid kvar tredje helg.
Kva går stillinga ut på?
- Bidra til eit sjølvstendig liv.
- Husarbeid, matlaging og anna praktisk hjelp i heim og hage.
- Vere med i butikken å handle (mat, kler, sko)
- Køyre bil til ulike avtalar.
- Hjelpe med løfting og bæring.
- Pustetekniske hjelpemidler.
- Vask og vedlikehold av, samt passe på at det blir tatt service på ulike tekniske hjelpemidler.
- Av-/påkledning.
Kva kompetanse er viktig i rolla?
- Gode norskkunnskapar.
- Må ha førarkort klasse B.
- Gode samarbeidsevne.
- Evne til å arbeida sjølvstendig, målretta og ha struktur.
Kva ser me etter hos deg?
- Positiv.
- Stabil, påliteleg og ansvarsfull.
- Fleksibel og sjølvgåande.
- God evne til å kommunisera og samarbeide.
- Personlege eigenskapar vert vektlagt.
Me tilbyr
- Fast 56,6% stilling.
- Ein meiningsfylt jobb.
- Opplæring.
- Løn etter regulativ.
- God pensjonsordning gjennom KLP.
Mangfaldserklæring
Tysnes kommune ønskjer å spegle mangfaldet i befolkninga i rekrutteringa vår. Me oppmodar alle som er kvalifiserte til å søkje ledige stillingar uansett kjønn, alder,
funksjonshemming og fleirkulturell bakgrunn. Det same gjeld dersom ein
har hatt eit lengre opphald frå arbeidslivet. Me ønskjer å leggje til
rette for inkluderande rekruttering.
Kontaktinformasjon
Margrete Klemmetsby, Einingsleiar open omsorg, 95 70 95 13Kristine Trane, Kommunalsjef helse og omsorg, 90 04 15 61
Arbeidsstad
Tysnes
Nøkkelinformasjon:
Arbeidsgivar: Tysnes kommuneReferansenr.: 4831455378
Stillingsprosent: 56,6%
Fast
Søknadsfrist: 24.07.2024
Om bedriften
Draumen om livet på landet, finn du på Tysnes!
Tysnes er ein sentralt øykommune sør for Bergen, og om du spør oss: verdas beste kommune å veksa opp i!
Når me tel med store og små, er me i dag omlag 2900 godlyndte innbyggjarar i Tysnes. Tysnes kommune har ca. 330 tilsette innan helse- og omsorg, skule og barnehage, tekniske tenester og offentleg administrasjon. Me er oppteken av å skapa gode arbeidsplassar og gjere Tysnes til ein god stad å leva og bu i.
Tysnes er ein hjarteforma kommune nord i Sunnhordland. Perfekt for deg som er på jakt etter ein roleg og eventyrleg livsstil. Me har kort veg til kringliggande byar, og me trur du vil bli overraska over kor mykje kystkommunen har å tilby.
Me har flotte badeplassar og skianlegg på fjellet, frodig natur og skiftande landskap. Frå høgfjell til idylliske hamner, med gode moglegheiter for friluftsliv.
Eit rikt lags- og organisasjonsliv gjer eit variert fritidstilbod til både vaksne og unge. Småskalaprodusentar byr på ekte og økologiske smaksopplevingar. Øya byr på eit riktig kulturliv gjennom heile året, med Tysnesfest om sommaren som den største.
Sentralt plassert, men likevel langt nok unna kjaset og maset til bylivet. Det betyr at du kan nyta frisk luft, kulturelle storhendingar og avslappande ro. Med uendelege høve til å utforska fjell og fjord, er Tysnes den perfekte staden å kalla heim.
Sektor
Offentlig
Nettsted
Annonsedata
Rapporter annonse- Stillingsnummer
2699525
- Sist endret
25. juli 2024
- Hentet fra
talentech
- Referanse
c4f6cb804fa646e3aa80d80a131caea9