Vegplanleggar - prosjektering
Org. nr: 923722890 Stillingsident: 4198541936 Presentasjon av stillingen:
Vestland fylke skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylket skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Den nye fylkeskommunen skal bidra til å bygge ein sterkare felles kultur og identitet på tvers av dagens fylkesgrenser, samtidig som innbyggarane si tilknyting til lokalsamfunna vert tatt vare på.
Avdelinga skal gjennomføre planlegging, utbygging, drift og vedlikehald av om lag 5600 km fylkesveg. Ivareta fylkeskommunen sine forvaltningsoppgåver som vegeigar. Vi skal samordne aktørar med ansvar for trafikksikring i fylket. Ta i vare heilskapleg utbygging av transportinfrastruktur i arbeidet med Nasjonal transportplan og ha naudsynt beredskap i samband med hendingar på vegnettet.
Planlegging- og utbyggingsseksjonen har ansvar for planlegging og bygging av fylkesvegar, gang- og sykkelvegar, tunnelar og bruer i Vestland fylke. Seksjonen dekker alle fagområde knytt til dette arbeidet; planlegging, prosjektering, grunnerverv, landmåling, geologi, geoteknikk og utbygging/byggherre. Byggherremiljøet er delt i tre geografiske einingar, Prosjekt Nord (Sogn og Fjordane), Prosjekt Sør (Hordaland) og Prosjekt Bergen.
Vi søkjer etter 3 vegplanleggarar med arbeidsstad i Bergen og Leikanger.
Arbeidsoppgåver
- Prosjektering av vegar, gater og tunnelar
- Utarbeiding av konkurransegrunnlag i form av skildringar og modell/teikningar for byggefase
- Innhente, kvalitetsikte, følgje opp og koordinere faglege delbidrag og ressursar som er nødvendige for prosessen
- Oppgåvene kan variere frå mindre kollektivtiltak, kompliserte byprosjekt til større strekningsvise vegprosjekt
Kvalifikasjonskrav
- 3 år teknisk utdanning frå universitet eller høgskule. Om du har sterk og allsidig praksis eller etterutdanning og gode personlege føresetnader for stillinga, kan vi sjå bort frå kvalifikasjonskravet
- Førarkort klasse B. I særskilte tilfelle kan kravet om førarkort fråvikast.
Ønska kvalifikasjonar
- Arbeidserfaring frå prosjektering og dimensjonering av veganlegg, blant anna veg- og gateutforming og handtering av overvatn
- Erfaring med modellbasert prosjektering
- Kompetanse i relevante fagsystem som AutoCAD, Novapoint og 3D-verktøy
Personlege eigenskapar
Vi er ute etter medarbeidarar som er fleksible, sjølvstendige, og har gode samarbeidsevner. Du er løysingsorientert, strukturert og har god gjennomføringsevne.
Vi tilbyr
- Spanande arbeidsoppgåver og gode vilkår for fagleg utvikling
- Eit sterkt og inkluderande fagmiljø
- Løn etter avtale
- Gode forsikrings- og pensjonsvilkår
- Fleksibel arbeidstid
Andre opplysningar
- I søknadsprosessen blir du spurt om hvilke arbeidsstader som er aktuelle for deg.
- Administrasjonsmålet i fylkeskommunen er nynorsk.
- Alle nytilsetjingar i fylkeskommunen blir gjort med ei prøvetid på 6 månader.
- Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om du har oppmoda om ikkje å stå på offentleg søkjarliste. Dersom du har bedt om unntak frå offentleg søkjarliste vil du alltid verte varsla før søkjarlista vert offentleggjort
- Spørsmål om stillinga rettast til leiar. Dersom du har spørsmål knytt til søknadsprosessen, kontakt Ruben Nordvik ved HR avdelinga.
Kontaktinformasjon
Ruben André Nordvik, Fagarbeider, 96943099
Annicke Bergh Monsen, Leiar, 92237372
Arbeidsstad
5254
Søk på stillinga:Klikk her
Nøkkelinformasjon:
Arbeidsgjevar:Vestland fylkeskommune
Referansenr.:4198541936
Stillingsprosent: 100%
Fast
Søknadsfrist: 15.03.2020