St. nr. 9/2024 - Høgskulelektor/ førstelektor / førsteamanuensis i rettsvitskap
Om stillinga
Ved Høgskulen i Volda (HVO), Avdeling for samfunnsfag og historie, er det ledig inntil to faste stillingar som førsteamanuensis/førstelektor/høgskulelektor i rettsvitskap. Oppstart så snart som råd.
Stillingane er delte mellom Institutt for sosialfag (ISF) og Institutt for planlegging, administrasjon og skuleretta samfunnsfag (IPAS).
Arbeidsoppgåvene for begge stillingane er undervisning, rettleiing, vurdering, fagadministrativt arbeid, forsking og formidling innan fagfelta til institutta. Det er forventa at den som blir tilsett bidreg til utvikling av fagfeltet sitt.
Undervisningsoppgåvene er i studieprogramma:
- Bachelor i sosialt arbeid: barnevernspedagog og sosionom (ISF)
- Master i barnevernsarbeid (ISF)
- Årsstudium i samfunnskunnskap (IPAS)
- Bachelor i samfunnsutvikling (IPAS)
- Master i samfunnsplanlegging og leiing (IPAS)
Kvalifikasjonar
Det er eit krav for tilsetting i stilling som høgskulelektor, førstelektor og førsteamanuensis at søkjaren har utdanning som jurist i Noreg, med master i rettsvitskap eller juridisk embetseksamen.
For kvalifikasjonar på ulike kompetansenivå (førsteamanuensis, førstelektor og høgskulelektor), viser vi til: Forskrift om ansettelse og opprykk i undervisnings- og forskerstillinger.
Søkjarar til stilling som høgskulelektor som ikkje innfrir kravet til pedagogisk kompetanse, kan bli tilsett med vilkår om å opparbeide seg dette etter tilsetjing.
Når det gjeld kravet om pedagogisk basiskompetanse for tilsetjing i stilling som førsteamanuensis, viser ein til HVO sine interne retningslinjer for pedagogisk basiskompetanse.
For arbeidsoppgåver som ligg til institutt for sosialfag er det ønskeleg med kompetanse og erfaring frå fagområde som er relevante for utdanningane. For den eine stillinga blir kompetanse innan barnevern vektlagt.
Personlege eigenskapar som blir vektlagde er:
- Gode samarbeidsevner
- Evne til å jobbe sjølvstendig
- Engasjement for undervisning og forsking
- Strukturert og målretta
- Evne til å formidle faget
Søkjaren må ha gode norskkunnskapar, både skriftleg og munnleg. Undervisings- og administrasjonsspråket ved høgskulen er norsk. Dagleg arbeidsstad er Høgskulen i Volda.
Aktuelle søkarar kan bli kalla inn til intervju og prøveundervising. Tilsetjing vil skje i tråd med dei faglege behova ved instituttet.
Søkjar må dokumentere eigen kompetanse frå utdanning, relevant arbeidserfaring, undervisningserfaring og ev. forsking/utviklingsarbeid.
Arbeidsfelt
For begge stillingane vil relevante arbeidsoppgåver vere:
- Undervisning og rettleiing av studentar på bachelor- og masternivå på dei to institutta
- Forsking og fagleg utviklingsarbeid innan rettsvitskap og dei andre fagområda til institutta
- Bidra til utvikling av studieprogram
- Administrativt arbeid i samband med undervisning og forsking
Vi tilbyr
Høgskulen i Volda tilbyr varierte arbeidsoppgåver i ei stor, spanande og samfunnsviktig verksemd. Avdeling for samfunnsfag og historie har eit inkluderande og godt fagleg arbeidsfellesskap, der det er høve til fagleg og personleg utvikling. Vi tilbyr:
- Eit godt og fagleg sterkt miljø
- Gode vilkår for forsking, fagleg og personleg utvikling
- Gode pensjons- og forsikringsordningar
- Fleksibel arbeidstid
Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodane ved Høgskulen i Volda:
Stillingskode 1011 høgskulelektor kr. 553 500 - 740 988, stillingskode 1198 førstelektor kr. 665 000 – 759 100 og stillingskode 1011 førsteamanuensis kr. 663 159 – 759 100.
Generell informasjon
Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.
Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
Om søknaden
Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga
Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.
Følgjande dokument/filer skal leggjast ved den elektroniske søknaden:
- Vitnemål og attestar, samla i ei fil
- CV
- Masteroppgåve og evt. doktorgradsavhandling
- Andre vitskapelege arbeid
Då dette er fast stilling, vil dei faglege kvalifikasjonane til søkjarane bli vurderte av eit sakkunnig utval. Aktuelle søkarar kan bli kalla inn til intervju og prøveundervising. Søkarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
Tilsetjing vil skje i tråd med dei faglege behova ved instituttet/seksjonen.
Kontakt
Nærare opplysningar om stillingane får ein ved å kontakte
- leiar/dekan Jorunn Sem Fure , tlf.: 97 79 71 94 e-post: jorunn.sem.fure@hivolda.no
- instituttleiar ISF Finn Ove Båtevik, tlf. 70 07 52 13, e-post: finn.ove.batevik@hivolda.no
- instituttleiar IPAS Ingvild Sande Lillebø, tlf. 70 07 51 74, e-post: ingvild.sande.lillebo@hivolda.no
Om instituttet
Om institutt for sosialfag (ISF)
Institutt for sosialfag er ein del av Avdeling for samfunnsfag og historie. Institutt for sosialfag har ca. 500 studentar. Instituttet tilbyr to bachelorutdanningar i sosialt arbeid: barnevernspedagog og sosionom. Instituttet tilbyr elles mastergradutdanningar i helse- og sosialfag og i barnevernsarbeid samt ulike vidareutdanningar innafor sosialt arbeid. I samarbeid med Høgskolen i Molde driv Høgskulen i Volda ph.d.-programmet ‘Profesjonsutøving - vilkår og utvikling’. Ved HVO er ph.d.-programmet lagt til Institutt for sosialfag.
Instituttet har fleire etablerte forskingsgrupper. Sentrale forskingstema er barnevern, sosialt arbeid, rus, familie og oppvekst, tverrprofesjonelt arbeid.
Om institutt for planlegging, administrasjon og skuleretta samfunnsfag (IPAS)
Instituttet har pr. i dag 20 fast tilsette, og om lag 470 studentar.
Kjernefaga ved instituttet er:
Samfunnsfag; sosiologi, geografi, historie, statsvitskap, organisasjonsteori og fagdidaktikk
Samfunnsplanlegging, med vekt på lokal og regional utvikling og partnarskap
Offentleg organisering og leiing
Offentleg administrasjon, juss og økonomi
Lokal og regional nærings- og samfunnsutvikling, regionaløkonomi
IPAS tilbyr årsstudium i kunnskap, bachelor i samfunnsutvikling og master i samfunnsplanlegging og leiing. Vidare har instituttet ansvar for årsstudium i samfunnsfag i grunnskulelærarutdanninga 5-10, samfunnsfag i barnehagelærarutdanninga og i praktisk pedagogisk utdanning. Fleire av studieprogramma inneheld juridiske emne, eller har juss som tema innanfor i eit emne.
Om avdelinga
Avdeling for samfunnsfag og historie har undervisningsansvar for ca. 1300 studentar, fordelte på tre institutt: Institutt for planlegging, administrasjon og skuleretta samfunnsfag (IPAS), Institutt for sosialfag (ISF) og Historisk institutt (HI).
Studiebygda Volda
Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.
Les meir på www.hivolda.no
Om bedriften
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 380 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.