ID 2272 Lærlingar 2025 - Stord kommune

Stord kommune er ein spanande og variert arbeidsplass der du vil få utvikla deg både fagleg og personleg. I våre einingar vil du som lærling jobba saman med dyktige rettleiararar og kollegaer som meir enn gjerne deler sin kunnskap og erfaring med deg. Som lærling i Stord kommune er du med på å levera og vidareutvikla kommunens viktige tenenester til innbyggarane.

Stord kommune skal ta inn 31 nye lærlingar i 2025. Me søker lærlingar i fylgjande lærefag:

• Helsearbeidarfaget - oppstart 18.08.2025

• Barne- og ungdomsarbeidarfaget - oppstart 04.08.2025

• IT-driftsfaget - oppstart 18.08.2025

• Malar og overflateteknikk -- oppstart 18.08.2025

• Brannførebyggjarfaget (feiar).

I helsearbeidarfaget vil du væra innom ulike arbeidsplassar, som blant anna institusjon, habilitering og heimebaserte tenester. I barne- og ungdomsarbeidarfaget vil læreløpet verte delt mellom barnehage og skule.

Me ser etter:

• Deg som har eit rett utdanningsløp

• Deg som har eit sterkt ynskje om å bli fagarbeidar

• Du som er villig til å læra

• Du som er ansvarsbevisst, nøyaktig, og strukturert

• Deg som har høg arbeidskapasitet, er påliteleg, fleksibel, og har gode kommunikasjons- og samarbeidsevner

• Har gode norskkunnskapar både munnleg og skriftleg

• Har evne til å arbeide målretta og sjølvstendig

• Har gode datakunnskapar

Les meir om faga her: Bli lærling i Stord kommune - Stord kommune

Elevar i vidaregåande skule søkjer gjennom www.vigo.no innan 1. mars og sender i tillegg elektronisk søknad til Stord kommune.

OBS! I tillegg til elektronisk søknad til Stord kommune, må du senda inn kompetansebevis og relevante attestar innan 1. mars. Desse skal sendast saman med søknaden eller ettersendast via eDialog: Send sikker digital post til Stord kommune

Frist for å sende søknad til kommunen er 1. mars.