Fagkonsulent
Poliklinikk psykisk helse DPS Ålesund, Helse Møre og Romsdal HF
Geilebergveien 20, 6017 Ålesund
Om jobben
Stillingstittel
Fagkonsulent
Oppstart
1. september 2024
Type ansettelse
Fast
Arbeidsspråk
Norsk
Antall stillinger
1
DPS Ålesund psykiatriske poliklinikk søkjer no ein engasjert og dyktig medarbeidar til vårt ROP-team, i ei 100 % fast stilling.
Som fagkonsulent i ROP teamet vil du i tett samarbeid med teamet utgreie og behandle personar med psykisk liding og samtidig rusliding. Teamet består av ein overlege, to psykologar og to fagkonsulentar. Teamet er eit av DPS poliklinikk Ålesund sine sju team. Her er til dømes fire spissa allmennteam, eitt GBT-team (gruppebehandling) og eit nyleg oppretta Tidleg avklaringsteam.
Har du 3-årig helse- og sosialfagleg utdanning med klinisk erfaring eller vidareutdanning innan psykisk helse og rus, kan du vere den vi ser etter.
Vi ber om at attestar og vitnemål vert lasta opp som vedlegg til søknaden din.
Arbeidsoppgåver
- Poliklinisk utgreiing og behandling av menneske med rusavhengigheit og psykiske lidingar
- Tverrfagleg samarbeid i team for behandling av pasientar
- Samarbeid med aktuelle samarbeidspartnarar i kommunar og innan eiga avdeling
- Ambulant verksemd må påreknast
Kvalifikasjonar
- 3-årig utdanning innan helse- og sosialfag, og klinisk vidareutdanning innan rus eller psykisk helse
- Psykiatrisk sjukepleiar eller klinisk sosionom vert oppmoda til å søkje
- Påbegynt klinisk vidareutdanning
- Erfaring frå poliklinisk arbeid med pasientar med rus og psykiske lidingar
Personlege eigenskapar
- Evne til sjølvstendig arbeid, men også gode samarbeidsevne
- Lyst til å utvikle deg saman med oss
- Evne til å sette pasienten sitt behov i fokus
- Å vere personleg eigna vil bli vektlagt
Vi tilbyr
- Godt arbeidsmiljø
- Spennande arbeidsoppgåver
- Engasjerte, dyktige og erfarne kollegaer
- Løn etter gjeldande overeinskomst
- Medlemskap i god offentleg pensjonsordning og fordelaktige forsikringsvilkår
- Ein inkluderande arbeidsplass
Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir om Ålesund og omegn her.
Kontaktinformasjon
Håvard Helgesen, Seksjonsleiar, havard.helgesen@helse-mr.no
Arbeidssted
Geilebergveien 20
6017 Ålesund
Nøkkelinformasjon:
Arbeidsgiver: Helse Møre og Romsdal HF
Referansenr.: 4832656489
Stillingsprosent: 100%
Fast
Startdato: 01.09.2024
Søknadsfrist: 12.08.2024
Om bedriften
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal
Sektor
Offentlig
Nettsted
Annonsedata
Rapporter annonse- Stillingsnummer
2688381
- Sist endret
13. august 2024
- Hentet fra
talentech
- Referanse
008f75fee9214a93a400d77afebc162f