Ferievikar i Fellessekretariatet Kvam rådhus
Fellessekretariatet har ansvaret for sentralbord, posthandsaming og arkivteneste for Kvam rådhus. I samband med ferieavikling i sommar har me behov for vikar, hovudsakleg juli måned. Det kan verta moglegheiter for å jobba som vikar komande år, og det kan verta behov for vikar til andre feriar som jul og påske.
Arbeidsoppgåver
Sentralbordteneste, posthandsaming, kundehandsaming og arkivteneste
Kvalifikasjonar
Du må vera fylt 18 år og har du litt arbeidserfaring er det ei føremon. Du må ha evne til å arbeida sjølvstendig og til å samarbeida med andre.
Personlege eigenskapar
- Serviceinnstilt og engasjert
- Fleksibel og løysingsorientert
- Nøyaktig og strukturert
- Likar utfordringar i arbeidet
- Møter andre på ein respektfull og open måte
Me tilbyr
- Travel og lærerik sommarjobb
- Verdifull og nyttig arbeidserfaring
- Løn etter sentral tariffavtale
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad er ein inkluderande arbeidslivsbedrift (IA) og ønskjer å leggja til rette for personar med nedsett funksjonsevne.
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Kontaktinformasjon
Trude Birknes Buene, Arkivleiar, +47 938 51 445Arbeidsstad
Grovagjelet 165600 Norheimsund
Nøkkelinformasjon:
Arbeidsgivar: Kvam heradReferansenr.: 4800770515
Stillingsprosent: 100%
Sommarjobb
Søknadsfrist: 01.05.2024
Om bedriften
Kvam er inngangsporten frå Bergen for alle som ønskjer å oppleva Hardanger.
Berre ein times køyring via Kvamskogen - eit område for aktiv fritid både sommar og vinter, ligg kommunen ved Hardangerfjorden. Me har eit variert næringsliv med jordbruk, industri og handel. Kopla med eit rikt kultur og organisasjonsliv gjev dette eit mangfaldig og levande samfunn for dei 8500 innbyggjarane våre. Me har eit godt utbygd skuletilbod med to vidaregåande skular. Norheimsund er regionsenteret i kommunen og her kan du oppleva «bygda med bypuls», handlegate, strandveg og bystrand. Les meir