Inntil 120% faste lærarstillingar frå 01.01.2025 - Tokke skule

LÆRARSTILLINGAR

Tokke kommune har ledige 2 lærarstillingar fordela på inntil 120% fast på Tokke skule, frå 01.01.25.

Tokke kommune har sett fokus på fagleg utvikling, med ulike pedagogiske innfallsvinklar.

Skulane i Tokke er opptekne av å vera ein inkluderande skule for alle, og ha eit godt skulemiljø med mange aktivitetar for elevane.

Kollektiv kompetanseutvikling står sentralt, no nyttar ein to timar kvar veke av den bundne tida til fagutvikling.

Tokke kommune har to skular. Tokke skule som ligg i Dalen, og Høydalsmo skule som ligg i Høydalsmo. Kommunen tilbyr gratis SFO for alle elevar i småskulen.

Tokke skule:

1-10 skule med 166 elevar og om lag 24 årsverk for pedagogisk personale.

På skulen arbeider vi kontinuerlig med å skape best mogleg lærings -- og utviklingsmiljø der elevane skal oppleve meistring og tryggleik. For å få til dette er vi oppteken av klasseleiing med tydelege vaksne, gode relasjonar, samt fokus på tidleg innsats og tilpassa undervisning.

Tokke skule har uteskule annan kvar fredag for 1 til 7. klasse.

Det er ynskjeleg med undervisningskompetanse i:

Norsk og matematikk i 8. -- 10. klasse.

Ynskjer ein meir informasjon kan ein ta kontakt med konst. rektor, Mona Seltveit på e-post: mona.seltveit@tokke.kommune.no mob. 916 99 148

Me legg vekt på følgjande kvalifikasjonar og eigenskapar:

• Adjunkt - lektorutdanning med kompetanse for å undervise på ungdomstrinn.

• Tilfredstillande Ikt -- ferdigheitar

• Fokus på tydeleg klasseleiing og evne til skape gode relasjonar til både elevar og kollegaer.

• Stor arbeidskapasitet og evne til å arbeide sjølvstendig og i team.

• Positiv, fleksibel og inkluderande.

• Gode samarbeids- og kommunikasjonsevner

Me kan tilby:

• Utfordrande arbeidsoppgåver i ein service- og utviklingsorientert etat

• Ein spanande og variert kvardag saman med flotte born og dyktige medarbeidarar

• Eit godt arbeidsmiljø

• Gode forsikrings- og pensjonsordningar

Det vil bli lagt vekt på personlege eigenskapar.

Blir det fleire ledige stillingar fram til nytt skuleår, vil ein nytte same søkjarliste.

Vi i Tokke kommune er oppteken av mangfald, og oppfordrar difor alle som er kvalifisert til å søkje, uansett alder, kjønn, funksjonshemming og nasjonal eller etnisk bakgrunn. Vi tilpassar arbeidsplassen om du har behov for det.

Aktuelle søkjarar vert kalla inn til intervju. Dei som vert tilsett, må leggje fram politiattest, før ein kan ta til i jobben.

I samsvar med Offentleglova §25 kan namn på søkjarane offentleggjerast.

Søknad vert å sende på elektronisk skjema, sjå www.tokke.kommune.no

Søknadsfrist: 7. desember 2024

Velkomen som søkjar!