Sommarjobb - Skaalurensamlinga
Sommarjobb?
Har du lyst på sommarjobb i Skipsbyggjarmuseet/Skaalurensamlinga?
Skipsbyggingsmuseet/Skaalurensamlinga frå rundt 1890 ligg på kaia i Rosendal. Sjøhuset rommar ei unik samling av verktøy og anna utstyr for bygging av større trefartøy, såkalla halvmodellar av fartøyskrog, byggjeteikningar og fotografi av ulike båttypar. I tillegg er det og ei mindre samling frå den gamle handelsbua på staden.Om sommaren kjem det mange folk hit, gjester som vil høyre om skipsbygging, om båtbygging og lokal historie elles.
Ved Skipsbyggjarsmuseet/Skaalurensamlinga ventar sommarjobb til personar som er interessert i lokalt folkeliv og historie, og har lyst til å formidle dette til gjester. På travle dagar vil det vera aktuelt å hjelpa til i turistinformasjonen. Fordeling av arbeidstid vert avtala ved tilsetjing.
Arbeidsperiode: 18/5-23/6 (helger), 24/6-18/8 (alle dagar). Dei som skal jobbe her må være blide og omgjengelege, kunne litt engelsk og like å ha det litt travelt i periodar.
Dei som får sommarjobb får løn etter gjeldande tariff med dei reglar og rettar som gjeld. Dei som søkjer må ha fylt 16 år. Opplæring og anna informasjon vil bli gitt.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Om bedriften
Kvinnherad kommune har 13.200 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.