Kommuneoverlege

Vi ser etter ein kommuneoverlege som brenn for folkehelse og vil gjere ein forskjell i lokalsamfunnet – som leiar for legetenesta vår.

Stillingsstorleiken er 100 prosent. Anna stillingsstorleik kan avtalast.

Viktige oppgåver for kommuneoverlegen vert å vidareutvikle det samfunnsmedisinske arbeidet. Folkehelse, smittevern, miljøretta helsevern og helsemessig beredskap vil stå sentralt. Som leiar for legetenesta vil du ha økonomiansvar for heile avdelinga, i tillegg til personalansvar for fastløna fastlegar og seksjonsleiar i tenesta. Som kommuneoverlege med leiaransvar vil du bli ein del av leiargruppa i sektor helse og omsorg.

Legeplanen i Herøy, med mål om ei samordna legeteneste, vart vedtatt i 2021. Sentrale element i planen er:

• rekruttere nye legar
• utvikle gode og attraktive arbeidsvilkår for nye og etablerte legar
• satse målretta på strukturert vidare- og etterutdanning for legar og hjelpepersonell i legetenesta
• utvikle felles møteplassar og gode samhandlingsrutinar for legetenesta og helse- og omsorgstenesta

Planen finn du her: bit.ly/legeplanen

Kommunen har to kommunalt drivne legesenter: Myrvåg legesenter i indre Herøy, og Herøy legesenter i ytre Herøy. Det er i tillegg ein sjølvstendig praksis i ytre Herøy: Fosnavåg helsehus.

Totalt er det elleve fastlegeheimlar i Herøy, og per i dag tre LIS1-stillingar fordelt på dei tre legesentera. Kommunen tilbyr ALIS-avtalar til legar som ønsker det, og det er i dag fire ALIS-legar i tenesta vår. Det er også tilsett faste sjukeheimslegar i kommunen.

Vi har vertskommunesamarbeid med Søre Sunnmøre legevakt, som omfattar legevakt på kveld, natt og helg. Volda kommune er vertskommune.

Arbeidsoppgåver

• medisinskfagleg rådgiving for heile kommunen
• smittevern og helseberedskap
• miljøretta helsevern
• personalansvar for fastløna fastlegar og seksjonsleiar
• økonomiansvar for avdelinga
• folkehelse- og planarbeid
• godkjenning av verksemder
• kvalitetsutvikling og samarbeid
• helsetenesteplanlegging
• vedtak om tvungen legeundersøking etter lov om psykisk helsevern

Om du ynskjer det, vil du få høve til å delta i legevakt.

Kvalifikasjonar

• ha norsk autorisasjon som lege
• det er ein fordel at du er spesialist i samfunnsmedisin eller vil ta ei slik spesialisering
• må ha god skriftleg og munnleg framstillingsevne

Kommunen har nynorsk som administrasjonsspråk.

Vi ber om at vitnemål og attestar vert lasta opp i Webcruiter saman med søknaden.

Personlege eigenskapar

• ein god lagspelar som trivst i rolla som leiar og motivator
• har ein inkluderande kommunikasjonsstil og evne til å bygge gode relasjonar til dei rundt deg
• er ein pådrivar og er løysingsorientert
• er både sjølvstendig og arbeider godt i team

Vi vil legge stor vekt på personlege eigenskapar.

Vi tilbyr

• ei legeteneste i positiv utvikling
  
• godt samarbeid med dei andre kommuneoverlegane på søre Sunnmøre
• stor fleksibilitet i organiseringa av arbeidsdagen og oppgåvene (stor grad av medverknad på eigen arbeidssituasjon)
• attraktive pensjonsordningar
• løn etter avtale
• fleksitid

Dersom du ikkje er spesialist i samfunnsmedisin, vil vi legge til rette for at du kan ta slik spesialisering.

Vi tilset på dei vilkår som går fram av tariffavtale, lover og reglement.

Aktuelle kandidatar kan bli kalla inn til intervju. Søkarlista kan bli offentleggjort.

Kontaktinformasjon

Gro-Anette Frøystad Voldsund, Kommunalsjef helse og omsorg, +47 90802649

Arbeidsstad

Eggesbøvegen 11
6092 FOSNAVÅG

Nøkkelinformasjon:

Arbeidsgivar: Herøy kommune

Referansenr.: 4920889901
Stillingsprosent: 100%
Fast
Søknadsfrist: 04.03.2025