Miljørettleiar
Ål kommune Ål ungdomsskule
Sundrevegen 42, , 3570 Ål
Om jobben
Type ansettelse
Fast
Arbeidsspråk
Norsk
Antall stillinger
1
Ål ungdomsskule ser no etter ein engasjert og motivert miljørettleiar i ein 100 % fast stilling.
Arbeidsoppgåver:
- oppfølging av enkeltelevar
- oppfølging grupper
- støtte i undervisning
Kvalifikasjonar:
- relevant utdanning som t.d. vernepleiar, barnevernspedagog, sosionom eller tilsvarande, eller relevant fagbrev og/eller arbeidserfaring
- kompetanse og erfaring frå arbeid med barn med behov for tilrettelagt støtte er ønskeleg
Personlege eigenskapar:
Personlege eigenskapar blir vektlagde. Vi søkjer deg som
- har interesse for, og aller helst erfaring med arbeid med barn og unge
- har evne til å skape gode relasjonar til enkeltelevar, føresette og kollegaer
- er positiv, fleksibel og løysingsorientert
- ønsker å delta i skulen sitt fellesskap, både fagleg og sosialt
- har engasjement for elevane sitt læringsfellesskap
- kan vera både tydeleg og omsorgsfull i møte med elevane
Våre medarbeidarar må ha god evne til munnleg og skriftleg framstilling. Ål kommune nyttar nynorsk som målform.
Vi tilbyr:
- arbeidsplass med gode og utviklande arbeidsmiljø
- ein skule som er engasjert i pedagogisk utviklingsarbeid og kompetanseheving
- hjelp til å finne bustad
- lønn etter gjeldande tariffavtale
Søknad og politiattest:
- vitnemål og attestar legg du inn saman med søknaden
- den som vert tilsett må legge fram politiattest ikkje eldre enn tre månader
- intervju kan bli gjennomført fortløpande i søknadsperioden
- kommunen følgjer offentleglova § 25 ved eventuell offentleggjering av søkjarlista
Velkomen som søkjar!
Link til søknadsskjema: Søk her
Om bedriften
Ål ungdomsskule er ein skule med omlag 170 elevar, fordelt i tre klassar på kvart trinn. Dette gir oss klassar som varierer frå 16 til 22 elevar, der 8.trinn er minst med klassar på 16 og 17 elevar. I faga norsk, engelsk og matematikk har me lagt opp til eit to-lærarsystem. Det vil seie at det alltid er to utdanna faglærarar inne i klassen desse timane, som saman planlegg, tilpassar og evaluerer undervisninga i faga. Blir du tilsett hos oss, vil mellom anna ei slik rolle som to-lærar vere ei av oppgåvene du kan få.
Skulen har omlag 40 tilsette dette skuleåret. Av desse er størsteparten lærarar, men me har også fagarbeidarar og miljørettleiarar med annan fagkompetanse som ein viktig del av laget vårt. I tillegg samarbeider me tett med Familiens hus på Ål, og har kvar dag helsesjukepleiar eller ungdomslos på skulen. Me er ein gjeng med god kjønnsbalanse, som med variert bakgrunn, alder, utdanning og interesser jobbar saman for eit inkluderande og kjekt arbeidsmiljø.
Ål ungdomsskule har i tillegg til dei ordinære klasseromma ei stor avdeling for kunst og handverk, me har eit godt skulekjøkken, naturfagsal, bibliotek, kantine og auditorium. Me har eit romsleg uteområde, ligg vegg i vegg med Ål idrettshall og med symjehallen på Nedre Ål skule. Alt i alt gir dette oss gode rammefaktorar for variert undervisning i alle fag.
Sektor
Offentlig
Annonsedata
Rapporter annonse- Stillingsnummer
2703401
- Sist endret
2. august 2024
- Hentet fra
visma-easycruit
- Referanse
3381731_219451_nn