ID 1611 Byggesakshandsamar - Eining for regulering, byggjesak og oppmåling
Det er ledig eit 100% vikariat som Byggesakshandsamarar fram til 18.06.2021 Stord kommune er ein kommune i vekst og utvikling og har nær 19.000 innbyggjarar. Byen Stord er regionsenter i Sunnhordland og ligg mellom Bergen og Stavanger. Stord har mange og varierte tilbod innanfor privat og offentleg tenesteyting, handel og undervisning, idrett og kultur. Byen sitt unike fortrinn er at alt er nært; fjord og fjell, tilrettelagte friluftsområde, kulturtilbod, arbeidsplassar, offentlege instansar, handelssentra og uteliv.
Eininga stillinga er tilknytt har 12 tilsette, og er kommunen si fag- og forvaltningseining innanfor regulering, byggjesak, oppmåling og kart.
Hovudoppgåver:
- Sakshandsaming av byggesaker og plansaker etter plan- og bygningslova, inkl. klagesakshandsaming
- Rettleiing/service mot publikum og bygge- og anleggs-bransjen
- Kontroll og tilsyn i byggesaker samt følgja opp ulovleg byggeverksemd
- Sakshandsaming og oppfølging av private og offentlege reguleringsplanar samt delingssaker, i periode med vakanse på planavdelinga.
Ønska kvalifikasjonar:
- Høgskule eller universitetsutdanning som byggingeniør, Master i rettsvitskap eller annan relevant høgare utdanning. Nyutdanna vert oppmoda om å søkja.
- Personar med anna relevant utdanning og praksis vert og oppmoda om å søkja. Relevant erfaring frå tilsvarande off. forvaltning og/eller konsulentbransje/byggebransjen kan til ein viss grad kompensera for manglande formell kompetanse.
- God kjennskap til plan- og bygningslova
- Erfaring med offentlege prosessar og forvalting
Personlege eigenskapar:
- Strukturert
- Serviceinnstilt
- Målbevisst
- God munnleg og skriftleg framstillingsevne (nynorsk målform)
- Gode samarbeidsevner
Me kan tilby:
- Varierte arbeidsoppgåver i eit tverrfagleg og triveleg arbeidsmiljø
- Medlemskap i Velferdsklubben Ve og Vel som tilbyr ulike velferdstilbod. T.d. utleige av leilegheiter i Røldal, hytte på Husøya inkludert båt, samt utlån av diverse utstyr.
- Løns- og arbeidsvilkår i samsvar med kommunalt avtaleverk
Pensjon i KLP
I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjoner kun vert utbetalt i 10 år, er offentleg tenestepensjon ei utbetaling som gjeld frå den dagen du slutter å jobbe og livet ut. Pensjonen inkluderer og uføre- og etterlatnepensjon om noko uventa skulle skje
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
For nærare opplysningar om stillinga ta kontakt med einingsleiar Anne Randi Naurstad, tlf. 53 49 69 43 eller mobil 916 44 165.
Søknadsfrist: 19.07.2020