Utviklingsorientert teknolog søkes!
Attvin
Ålesund
Om jobben
Stillingstittel
BI-rådgiver
Type ansettelse
Fast
Arbeidsspråk
Norsk
Antall stillinger
1
Attvin er i sterk utvikling, på lik linje med renovasjonsbransjen ellers.
Heile bransjen står ovanfor eit stort digitaliseringsløft, og Attvin har kome eit godt stykke på veg i si digitale transformasjon. Gjennom dei siste to åra er det lagt ned mykje godt arbeid, og no er vi på jakt etter din kompetanse for å få best mogleg utbyte av dette arbeidet.
Det ligg enormt mange moglegheiter i verksemda sitt datagrunnlag, og det er difor vi treng deg som både evnar å identifisere og realisere desse moglegheitene. Vi er på jakt etter deg som gjennom kunnskap om digitalisering vil vere med å løfte organisasjonen til å bli mest mogleg datadreven og eigna til å ta innsiktsbaserte strategiske avgjerder.
Som BI-rådgjevar vil du jobbe i grensesnittet mellom forretningsutvikling, økonomi og analyse.
Viktige oppgåver vil vere:
- Hente og bearbeide rådata, og samanstille desse i analyse- og visualiseringsverktøy
- Bidra til å utvikle løysingar for dataflyt og datavarehus
- Dataanalyse for å finne årsaker, avvik og kvalitetsbristar
Vi ser gjerne at du har:
- Relevant høgare teknisk eller administrativ utdanning
- God BI-kompetanse og erfaring frå bruk av BI-verktøy
- Erfaring med å utvikle løysingar for dataflyt og datavarehus
- God forretningsforståing
Personlege eigenskapar:
Attvin ønskjer tilsette som både utfordrar og spelar kollegaene sine gode. Det er likevel nokre personlege eigenskapar som er nødvendige for å fylle denne stillinga:
- Du samarbeider og kommuniserer godt med andre -- både kollegaer, kundar og samarbeidspartnarar
- Du er utviklingsorientert med høg gjennomføringsevne
- Du er strategisk, med evne til å sjå utviklingsmoglegheiter for Attvin
Vi tilbyr:
- Moglegheita til å vere med å skape gode løysingar i eit selskap med samfunnskritisk funksjon og over 100 000 kundar
- Ein interessant jobb med eit viktig samfunnsoppdrag
- Svært gode personlege og faglege utviklingsmoglegheiter
- Fleksibel arbeidskvardag
- Gode pensjons- og forsikringsordningar
Om bedriften
Attvin arbeider for å gjere avfall om til nye ressursar. Selskapet skal gjere det mogleg for innbyggjarar og næringsliv å skape ei sirkulær framtid, i eit godt lokalmiljø.
Attvin er eit av dei største miljøselskapa på Nordvestlandet og ein totalleverandør innan avfallsløysingar for nærings- og hushaldskundar. Selskapet legg vekt på ansvarleg og effektiv drift, og har 100 tilsette fordelt på innsamling, miljøstasjon, avfallsbehandling og administrasjon.
Vi jobbar kvar dag for å bidra til eit samfunn med mindre avfallsproduksjon og betre kjeldesortering. Når ressursane kjem til vårt anlegg, er det vesentleg med effektiv behandling og prosessar som bidrar til at verdiane i avfallet vert gjenvunne og på ny går inn i ein sirkulær verdikjede.
Attvin er eigd av kommunane Ålesund, Giske, Sula, Fjord, Vestnes, Sykkylven, Haram og Stranda.
Attvin sin eigarstrategi har tre hovudmål:
-
Gode og effektive tenester til innbyggjarane til akseptabel pris
-
Lokal verdiskaping som sikrar avkastning på investerte verdiar
-
Redusere klimautslepp, samt auke grad av gjenbruk og gjenvinning
Sektor
Offentlig
Nettsted
Annonsedata
Rapporter annonse- Stillingsnummer
2697271
- Sist endret
17. august 2024
- Hentet fra
FINN
- Referanse
359944127