Rådgivar/seniorrådgivar ved servicetorget i Oslo
Er du oppteken av god service og ønskjer å jobbe i ein etat i utvikling?
Tolletaten er ein kontrolletat i spennande utvikling og med mange endrings- og utviklingsprosessar.?Etaten er i ferd med å ferdigstille ein omorganiseringsprosess.?Den nye organiseringa skal mellom anna bidra til meir effektiv ressursutnytting, likebehandling og auka fagleg og teknologisk utviklingskraft.?
Ved fellestenesteavdelinga i administrasjonsdivisjonen i Oslo er det ledig ei fast stilling som rådgivar/seniorrådgivar tilknytt servicetorget.
Servicetorget er ei eining som forvaltar og utviklar landsdekkjande lokalitetsdrift, servicetenester og forsyningar til alle lokalitetar i tolletaten. Dei tilsette i seksjonen skal utføre serviceoppgåver og sikre at etaten har det han treng for å utføre oppgåvene sine. Seksjonen har mange arbeidsområde, mellom anna driftar han bygga til tolletaten og har ansvar for tilgang, sikkerheit, innkjøp, on- og off-boarding, kurs og konferansar.
Servicetorget søkjer ein engasjert medarbeidar som trivst i ein hektisk kvardag, og som vil jobbe breitt innanfor fagområda til servicetorget. Du vil mellom anna handtere saker som kjem inn til servicetorget, og jobbe med leiarstøtte. Det er ei spennande stilling som du i stor grad vil kunne vere med og påverke, og du vil ha gode høve til å utvikle deg fagleg.
Sentrale arbeidsoppgåver:
- delta i planlegging, koordinering og oppfølging av oppgåvene og ansvarsområda til seksjonen
- delta i kontering og attestering i Basware og e-handel
- hjelpe til med innkjøp og anskaffingar
- delta i saksbehandling innanfor arbeidsområda til seksjonen og gjere andre oppgåver etter behov
Kvalifikasjonskrav:
Det er nødvendig at du har
- fullført bachelorgrad. (Eittårig høgare utdanning eller bestått fordjupingsnivå på kompetansesenteret til tolletaten og svært god realkompetanse kan erstatte kravet om bachelorgrad. Særleg god realkompetanse kan kompensere for kravet om eittårig høgare utdanning.)
- god økonomisk forståing
- relevant arbeidserfaring
- gode strategiske og analytiske ferdigheiter
- forståing for rammevilkåra som offentleg tilsette må rette seg etter
- svært god IKT-kompetanse
- svært god skriftleg og munnleg framstillingsevne på norsk
Det er ein fordel at du har
- erfaring med å gjere vurderingar og tilrå konkrete tiltak
- erfaring med prosjektarbeid og/eller prosjektleiing
- erfaring med å handtere eksterne leverandørar og forvalte kontraktar
- førarkort klasse B
Eigenskapane dine:
- tillitsskapande og inkluderande
- evne til å utarbeide, strukturere og presentere dokumentasjon til avgjerdsprosessar
- tydeleg, strukturert og analytisk
- trivst i eit hektisk miljø
- evne til å byggje nettverk og gode relasjonar med interne og eksterne samarbeidspartnarar
I tillegg blir du motivert av samfunnsoppdraget til etaten, og du identifiserer deg med dei personalpolitiske verdiane våre ved å ha integritet og vere mål-, resultat- og utviklingsorientert og inkluderande.
Vi tilbyr:
- varierte oppgåver og gode høve til utvikling i ein etat i endring
- eit inspirerande arbeidsmiljø med hyggjelege og engasjerte kollegaer
- fleksibel arbeidstidsordning og trening i arbeidstida
- gode pensjons-, forsikrings- og låneordningar i Statens pensjonskasse
- lønn som rådgivar/seniorrådgivar avhengig av kvalifikasjonar, kr 480 000-550 000
- (For særleg godt kvalifiserte søkjarar kan høgare lønn vurderast.)
- arbeidsplass i nyoppussa lokale midt i Oslo sentrum
Vi utfører SEMAC bakgrunnssjekk på aktuelle kandidatar. Den som blir tilsett, må kunne tryggleiksklarerast for graden hemmeleg.
Inkludering og mangfald
I tolletaten er vi opptekne av mangfald. Vi jobbar for eit inkluderande arbeidsliv og oppfordrar kvalifiserte kandidatar til å søkje, uavhengig av kjønn, funksjonsevne og kulturell bakgrunn.?Vi bidreg i inkluderingsdugnaden og er med på å realisere regjeringa sitt mål om at 5 prosent av faste nytilsetjingar i staten skal vere personar med funksjonsnedsetjing og kandidatar som av ulike årsaker ikkje kan dokumentere ein samanhengande yrkeskarriere.
Dersom du har behov for tilrettelegging, prøver vi å oppfylle dette så langt det lèt seg gjere. Vi gjer merksam på at opplysningar om funksjonsnedsetjing, innvandrarbakgrunn eller hòl i CV-en kan bli brukte til statistikkformål.
Nærmare informasjon om stillinga kan du få ved å kontakte Jasmina Borkovic på tlf. 930 37 626.
Du finn meir informasjon om å jobbe hos oss på www.toll.no.
Om bedriften
Tolletatens samfunnsoppdrag er å sikre etterlevelse av lover og regler for grensekryssende vareførsel. Vi bidrar til at det skal være lett å gjøre rett, og vet hjelp av etterretning og ny teknologi kontrollerer vi målrettet. Vi tilbyr spennende arbeidsoppgaver i en organisasjon i endring. Etaten har i 2020 en samlet budsjettramme på 1,765 milliarder kroner og ca. 1530 ansatte.