Fysioterapeut - Eit års vikariat med moglegheit for forlenging/fast tilsetjing
Org.nr.: 964967458 Stillingsident: Presentasjon av stillingen :
Solund kommune har ledig 100% stilling som fysioterapeut. Stillinga er eit vikariat i 12 månader, med moglegheit for forlenging/fast tilsetjing.
Stillinga er eit ledd i ein bevisst satsing på gode og framtidsretta tenester til innbyggarane i Solund kommune.
Arbeidsoppgåver
- Førebyggande og helsefremmande arbeid.
- Kartlegge og vurdere brukar sine ressursar og funksjonsnivå og moglegheit for aktivitet og deltaking i omgjevnaden.
- Iverksette målretta funksjonstrening, rettleie til sjølvtrening og eigenaktivitet og følge opp igangsette tiltak i ein tidsavgrensa periode.
- Delta i fagutvikling og kvalitetssikring.
- Være ein ressursperson og arbeide i eit tverrfagleg team.
Kvalifikasjonar
- Fysioterapeut med norsk autorisasjon.
- God medisinsk fagleg innsikt og rehabiliteringskompetanse.
- Erfaring og kompetanse på helsefremmande og førebyggande arbeid.
- God formidlingskompetanse.
- God norsk munnleg og skrifteleg framstillingsevne.
- Førarkort kl. B.
Personlege eigenskapar
- God evne til å kommunisere og motivere menneske i ein krevjande livsituasjon.
- Fleksibel.
- Sjølvstendig.
- Gode samarbeidsevner.
- God datakunnskap.
Erfaring og kjennskap til kommunal fysioterapiteneste er ein fordel.
Vi tilbyr
- Gode pensjons- og forsikringsordningar.
- Løn etter avtale.
- Fagleg utfordrande og spanande arbeidsoppgåver.
- Arbeide saman med dyktige kollegaer i eit tverrfagleg team.
- God oppfølging av næraste leiar.
- Hjelp til å skaffe bustad
Tilsetting elles i tråd med HTA. Løns- og arbeidsvilkår er i h.h.t. gjeldande lover, reglement og tariffavtalar. Prøvetid med 6 månader.
Ved tilsetjing vert det krevd politiattest, ikkje eldre enn 3 mnd, og utfylt MRSA-skjema.
Offentleg søkjarliste:
Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.
Solund kommune nyttar elektronisk søknadssystem. For å søkje på stilling hjå oss, må du opprette eigen brukeridentitet og passord i EasyCruit.
For nærare informasjon om stillinga ta kontakt med:
Fysioterapeut Ann Helen Kvammen, tlf. 400 34 833
Velkomen som søkjar.
Solund kommune har vurdert marknadsføring av stillinga, og ynskjer berre kontakt med søkjarar. Link til søknadsskjema: Send søknad For mer informasjon kontakt: , Yvonne Bell, Tlf: +47 57786225, Epost: yvonne.bell@solund.kommune.no
Om bedriften
Solund er eit øyrike ytst i Sognefjorden. Folketalet aukar og vi er no om lag 830 innbyggjarar. Vi har gode kommunikasjonar til fastlandet, inkl. hurtigbåt til Bergen.
Sjøen er ein del av både sjela og landskapet i Solund. Aktivitetar knytt til sjøen er mange og rett utanfor døra, enten det er båtliv, kajakkpadling eller fiske. På nybygde Solund Idrettspark finn du kunstgrasbane, friidrettsanlegg, skatepark, discgolfbane og klatreanlegg. Vi har òg idrettshall med symjebasseng, eit aktivt skyttarlag, kulturskule og mykje meir. Merka turstiar finn du rundt om i heile kommunen.
I Solund investerer vi for framtida. I løpet av dei neste åra skal vi bygge ny ungdomsskule og nye omsorgsbustadar, binde saman kommunen ved å realisere Ytre Steinsund bru og fortsette utbygginga av breiband. I løpet av 2019 vil om lag 90% av innbyggjarane ha tilgang til breiband.
Klikk på lenken for å sjå ei film om det flotte øyriket vårt: http://www.youtube.com/watch?v=E3RbqQhfrQQ