Vil du være leiar for avdeling samferdsle, veg og VA?
Kort om stillinga
Avdelinga har 7 tilsette og er ein av fire avdelingar i tenesteområdet Eigedomsforvaltning. Tenesteområdet har ansvar for forvaltning av heile eigedomsmassen til Alver kommune, både bygningsmasse, areal, veg-, vatn-, og avløpsanlegg. Arbeidsstad er Kommunehuset på Frekhaug.
Avdelinga forvaltar distribusjonsnettet for vatn og avløp, tekniske anlegg, reinseanlegg, pumpestasjonar og høgdebasseng. Avdelinga forvaltar og alle kommunale vegar, over 300 km med veg, og tilstøtande infrastruktur som bruer og kaier.
Avdelinga er inne i omfattande planarbeid og spennande utbyggingsoppgåver, særleg i regionsenteret Knarvik. Det pågår arbeid med veg, vatn og avløp og nytt hovudavløpsreinseanlegg for heile søre delen av Alver Kommune. I tillegg er det ei rekkje utbyggingsprosjekt som er lagt inn i hovudplanar/temaplanar for veg, vatn og avløp framover i tid.
Arbeidsoppgåver
- Du vil være ein del av leiargruppa til Eigedomsforvaltning, rapportere til tenesteleiar og samarbeide i det daglege med tenesteleiar og kommunalsjef for sektoren
- Du vil ha ansvar for forvaltning og planlegging knytt til alle kommunale vegar, samferdselsanlegg og VA-anlegg
- Du vil ha ansvar for alt som omhandlar økonomi, personalansvar og fag innanfor eiga avdeling
- Du vil være ansvarleg for den daglege drifta, årsplanlegging, fordeling av oppgåver internt, utviklingsoppgåver, budsjettarbeid, rapportering, forvalte og følgje opp gebyrregelverket, oppfølging i politiske råd og utval, arbeidsmiljø, kulturbygging og samarbeidsrutinar
- Du vil samarbeider tett med andre avdelingar i og utanfor eige tenesteområde og på tvers av sektorar
- Du vil ha ansvar for god overlevering av saker mellom avdelingane, noko som er viktig for å sikre god flyt i sakshandsaminga
- Du vil ha ansvar for å sikre bruk av dei systema kommunen har innanfor sitt område
- Du må kunne arbeide effektivt, systematisk og målretta mot dei måla som ligg i overordna føringar og mål for sektoren/tenesteområdet
Ønskt kompetans
- Relevant universitets- eller høgskuleutdanning. Særskilt relevant arbeidserfaring kan erstatte kravet om høgare utdanning
- Leiarerfaring
Vi ser etter deg som
- Har god forståing av leiarrolla
- Evne til å kommunisere godt både skriftleg og munnleg
- Du er endringsvillig
- Du arbeider effektivt, systematisk og målretta
- Du har evne til sjå dei tilsette og er god til å motivere
- Du er løysingsorientert
- Du legg vekt på god service både internt og eksternt
Vi tilbyr
- Ein utviklande arbeidsplass i eit hektisk, men godt arbeidsmiljø
- Du vil få fagleg dyktige og engasjerte medarbeidarar og kollegaer
- Lønn- og tilsetjingsvilkår etter kommunalt lov- og avtaleverk
- Pensjonsordning gjennom KLP
Slik søker du
Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00. Rekrutterarar ber aldri om BankID i samband med rekrutteringsprosessen. Som jobbsøkjar må du aldri avgje sånn informasjon i samband med søknadsprosessen. Om du opplever dette, ber vi deg ta kontakt.
Bli kjent med Alver kommune
Link til søknadsskjema: Søk her