Lærling IKT-Servicefag
Vi søkjer etter lærling i IKT-servicefag med oppstart i slutten av juni, men seinast 3 august. Tilsetjinga er tidsavgrensa til læretida på 2 år og tar utgangspunkt i utdanningsprogram for service og samferdsel, læreplan i IKT-servicefag/opplæring i bedrift. IT-avdelinga ved skulen består av ein systemansvarleg i 100% stilling, ein læringsansvarleg i 20% stilling og 2 lærlingar.
Vi tilbyr eit allsidig og godt arbeidsmiljø, med oppfølging, rettleiing, givande og spennande arbeidsoppgåver. Vi har moderne IT-løysingar (Microsoft, HP, Lenovo) og profesjonelle samarbeidspartnarar.
Lærlingane vil mellom anna jobbe med følgjande arbeidsoppgåver
- IT-support/1.linje helpdesk for tilsette og elevar
-Utarbeide IKT-kurs og -materiell for brukarar
-Utarbeide skriftlege rutiner og rettleiingar for eige bruk og for tilsette og elevar
-Installasjon, dokumentasjon og vedlikehald av skrivarar, maskiner og programvarer
-Anna arbeid etter læreplan
Krav til kompetanse
-Har fullført og greidd Vg2 IKT-servicefag
-Har god fagleg kompetanse og er lærevillig
-Kan jobbe sjølvstendig og er god til å samarbeide
-Er positiv, serviceinnstilt og løysningsorientert
Om skulen
Ulstein vidargåande skule ligg høgt og fritt i Høddvollområdet, nokre km frå sentrum av Ulsteinvik. Skulen har ca 550 elevar og har tilbode innan studiespesialisering, idrettfag, elektrofag, service og samferdsel, TAF mekaniske fag og påbygging til generell studiekompetanse.
Skulen er ein del av ein allsidig og spennande region, der blant anna den maritime industrien står sterkt. Skulen har godt samarbeid både med lokalsamfunnet, det maritime miljøet og næringslivet elles. Flott natur, hav og fjell er innanfor korte reiseavstandar. Området har elles eit rikt kulturliv.
Vi tilbyr
-Introduksjonsprogram
-Utvikling for kvar medarbeidar
-Løn etter avtale
Tilsettinga er elles på fylkeskommunale vilkår og i tråd med gjeldande lover, avtaler og reglement.
Mangfald
Vi har som mål å spegle mangfoldet i befolkninga. Alle med kompetansen vi etterspør er velkomne til å søkje ledig stilling hos oss.
Politiattest
Den som blir tilsett må levere politiattest jf.opplæringslova §10-9
Søkjarliste
Vi gjer merksam på at søkjarlista kan bli offentleg sjølv om søkjar ber om anonymitet jf. Offentleglova §25,2. Om dette blir tilfelle, vil vi ta kontakt med søkjaren før offentleggjering.
Søknad
Møre og Romsdal fylkeskommune nyttar elektronisk søknadsbehandling. Vi ber difor om at du sender elektronisk søknad. Kallar vi deg inn til intervju, må du ta med deg orginale vitnemål og attestar.
Kontaktpersonar
Jon Arne Garshol Haram, Ass.rektor, telf: +4771281005, mobil: 99627897, jon.arne.garshol.haram@mrfylke.no
John Helge Grevstad, IT-ansvarleg Ulstein vgs, telf: +4771281011, mobil: 41655912, john.helge.grevstad@mrfylke.no