Assisterande avdelingsleiar
Brenn du for god eldreomsorg? Ønsker du å være med på å forme framtidas sjukeheim?
Det er nå ledig stilling som assisterande avdelingsleiar - Avdeling Gjestetunet. Her vil du få ein fantastisk moglegheit til å aktivt leie som avdelingsleiar sin næraste støttespelar.
Kva er jobben?
Assisterande avdelingsleiar skal bidra til det heilskaplege tenestetilbodet i avdelinga.
Dette vil innebere mellom anna å:
- ha særleg ansvar for oppfølging av brukarretta vedtak, fagoppfølging og bruk av dokumentasjon og styringsreiskap
- saman med avdelingsleiar ha ansvar for den daglege, praktiske drifta av avdelinga, organisering av personalet/arbeidsfordeling
- legge til rette for internundervisning
- bidra til innovasjon og tenesteutvikling
- saman med avdelingsleiar sørgje for at avdelinga blir drive innanfor tildelte økonomiske rammer
- bidra til at drifta blir gjennomført etter gjeldande kvalitetskrav og lovverk
- sjå til at ernæringsjournalar, tiltaksplanar m.m. bli gjort, og rettleie og støtte personalet i dette
- leggje til rette for godt tverrfagleg samarbeid mellom de ulike yrkesgruppene og instansar
- representerer /leie avdelinga i interne og eksterne møter etter avtale med avdelingsleiar og vere avdelingsleiar sin vikar
Kven er du?
- du har norsk autorisasjon som sjukepleiar eller vernepleiar, gjerne med relevant vidareutdanning (for eksempel klinisk avansert, rehabilitering, geriatri, psykiatri og demens). Søkjarar med annan bachelor innan helse -og/eller sosialfag vil og bli vurdert
- du har god norsk skriftleg og munnleg framstillingsevne, minimum C1- nivå
- du har erfaring, god innsikt og forståing for menneskjer med ulike helseutfordringar
- du er fleksibel, samarbeidsvillig og har evne til nytenking
- du trivst med utfordringar og er løysingsorientert
- du kan arbeide sjølvstendig, strukturert og målretta
- du kan tenke langsiktig
Kanskje har du og…
- leiarutdanning
- rettleiarkompetanse
- kunnskap og erfaring knytt personalforvaltning.
- kjennskap til turnuslovgjevnad og økonomisk styring
Personlege eigenskapar blir vektlagt.
Kva tilbyr vi?
- konkurransedyktig lønn og pensjonsordning i KLP
- fagleg spennande, utfordrande og varierte arbeidsoppgåver med positive og trivelege kollegaer i eit godt arbeidsmiljø
- høve til fagleg og personleg utvikling.
- høgt fagleg nivå og god fagdekking
- tilrettelagde og nye lokalar
- hjelp til å skaffe bustad
- fadder på jobb og fadder for nytilflytta, velkomsttreff og personleg oppfølging av deg som ny i Ål
- rabattert pris på treningssenter
Vil du vite meir om å flytte, bu og jobbe i Ål? Meir info finn du på vår heimeside.
Politiattest og søknad
- vitnemål og attestar legg du inn saman med søknaden. Den som vert tilsett må legge fram politiattest ikkje eldre enn tre månader
- intervju og tilsetting kan bli gjennomført fortløpande i søknadsperioden
- kommunen følgjer offentleglova § 25 ved eventuell offentleggjering av søkjarlista
Ta gjerne kontakt med oss.
Link til søknadsskjema: Søk her
Om bedriften
Avdeling Gjestetunet er ei aktiv korttidsavdeling som tilbyr tilrettelagd og individuell oppfølging av pasientar både innan behandling, palliasjon, demens, psykiatri og rehabilitering. Avdelinga har 16 plassar, fordelt på 12,6 årsverk. Natttenesta er og knytt til avdelinga med 6 årsverk.
Som tilsett i Ål kommune blir du en del av eit team som legg vekt på fagleg kvalitet. Hjå oss får du høve til å arbeide i eit tverrfagleg, innovative fagmiljø som stadig er i utvikling. Det er tett samarbeid med fysioterapeut, ergoterapeut og sjukeheimslegen, som for øvrig er tilsett på fulltid.
Her er du garantert ein variert og spanande jobb. Du har gode kollegaer rundt deg som står klar for å hjelpe og støtte deg.
Som distriktskommune med lagt reiseveg til sjukehus blir det utført avansert faglege prosedyrar. Me har pasientgrupper med mange ulike og samansette diagnosar, ingen dag vil vere lik.
Det blir lagt til rette for at du kan vidareutvikle din kunnskap gjennom god opplæring, internkurs og vidareutdanning.
Hallingdal er ein spennande møteplass mellom aust og vest med eit rikt mangfald av arbeidsplassar og tilbod sumar og vinter. Draumeplass for deg som likar friluftsliv, kultur og eit kortreist og køfritt kvardagsliv.