Helsefagarbeidarstillingar ved Vik Helse- og omsorgssenter - 2. gangs utlysing
Vik helse- og omsorgssenter
Flatbygdi 19, 6893 Vik i Sogn
Om jobben
Vik Kommune har ledig to (2) faste 100 % stillingar som helsefagarbeidar ved Vik Helse- og omsorgssenter, institusjon. Kommunen tilbyr tilskot til flytting og buutgifter kr. 40 000,- årleg i to år.
Stillingstittel
Helsefagarbeider
Oppstart
Etter avtale
Type ansettelse
Fast, heltid 100%
Arbeidstid
Turnus, dagtid, kveld og natt, alle dager
Arbeidsspråk
Norsk
Antall stillinger
2
Søk på jobben
Søk senest onsdag 15. mai
Hva vi ser etter
Me ser etter deg som:
- er norsk autorisert helsefagarbeidar
- har god norsk munnleg og skriftleg kompetanse
- er ryddig, strukturert og systematisk
- har evne til å arbeide sjølvstendig
Gyldig politiattest må leggast fram ved tilsetjing.
Personlege eigenskapar
- Du er engasjert og positiv.
- Du er fagleg trygg, modig og raus, og evnar å gjera tenesta, tilsette og brukarar gode.
- Du likar å arbeide kunnskapsbasert og sjølvstendig, og tek ansvar på vakter.
- Du har gode kommunikasjonsferdigheiter og evnar å samarbeide i eit tverrfagleg perspektiv.
- Du er løysingsorientert med god evne til gjennomføring.
Er du oppteken av faget ditt og har ynskje om fagleg og personleg utvikling ynskjer me at du kjem og arbeidar saman med oss i vakre Vik kommune sine helse og velferdstenester. Bli med på spanande framtidsretta utvikling i kommunen!
Arbeidsoppgaver
Arbeidsoppgåver vil vera:
- Utføra arbeidsoppgåver i tråd med lovverk, rutinar og prosedyrar som gjeld for avdelinga
- Heilheitleg pleie og omsorg, kartleggingar, behandling og observasjon av brukarar, med fokus på brukarmedverknad
- Helsefaglege utfordringar i arbeid med alvorleg sjuke og eldre pasientar
- Arbeid med velferdsteknologiske løysingar i deler av helse- og omsorgssenteret, og i heile helse og omsorgssenteret ved ferdigstilling i 2026
- Bidra til fagleg utvikling og godt arbeidsmiljø i tenesta
- Tverrfagleg samarbeid
Om arbeidsstaden
Kommunen er liten men tenkjer stort, og bygger nye og moderne lokale med sjukeheim, lokale til heimetenester, psykiatri, psykolog, institusjonskjøkken, dagtilbod, rehabilitering og omsorgsbustader.
Vik Helse- og omsorgssenter - institusjon yter tenester til alle typar pasientgrupper, og jobbar mellom anna med demensomsorg, rehabilitering og avlastning, samt behandlingar retta mot kroniske, somatiske tilstandar. Me har eitt KAD-rom, og eitt rom for lindrande behandling, som også er med inn i nybygget. Me jobbar med alle typar sjukepleiefaglege prosedyrar, og gir både avansert lindrande behandling, intravenøse behandlingar, sårbehandlingar og mykje meir. Det er tett samarbeid mellom sjukeheim, heimeteneste, psykiatri/rus og rehabiliteringsavdeling. Me har tilsynslege i 1,5 dag per veke på sjukeheimen.
Vi tilbyr
- Tilskot til flytting og buutgifter på kr. 40 000,- årleg i to år
- Støtte til relevant vidareutdanning, fadderordning og sirkulering mellom ulike avdelingar om ynskjeleg
- Varierte og meiningsfylte oppgåver i eit fagfelt i stadig utvikling
- Mogelegheit for fagleg utvikling og kompetanseheving
- Dyktige kollega og godt tverrfagleg samarbeid
- Gode lønnsvilkår
- Gode pensjons- og forsikringsordningar
Stillingane er tredelt (ca 6-10 nattevaktsbolkar à 2 vakter/3 på helg per år, dersom ein ikkje har anna ynskje), og inngår i årsturnus med arbeid kvar 3. helg.
Andre opplysningar: Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.
Søknadsprosedyre: Alle søknader på ledige stillingar i Vik kommune skal registrerast elektronisk. Dersom du treng hjelp med søknaden, kan du ta kontakt på tlf. 57 69 82 00.
Kontaktperson for stillingen
Om bedriften
Vik kommune har omlag 2560 innbyggjarar. Hovudnæringane er landbruk og industri, i tillegg til reiseliv og andre tenesteytande næringar. Vik ligg ved innfallsporten til Stølsheimen landskapsvernområde og er ein av fire vertskommunar for Nærøyfjorden verdsarvområde.
Kommunen er elles kjend for eit rikt organisasjonsliv med gode og varierte tenestetilbod.
Tenestemålet er nynorsk.
Vik kommune er ein stor arbeidsplass med omlag 270 årsverk fordelt på 330 tilsette og eit brutto driftsbudsjett på 330 mill.kr.
Nettsted
Del annonsen
Annonsedata
Rapporter annonse- Stillingsnummer
2634102
- Sist endret
26. april 2024
- Hentet fra
Stillingsregistrering
- Referanse
832a4549-53e1-405d-b3ea-191061341d6b