Er du vår nye personvernrådgiver?
Stab for verksemdsstyring - Møre og Romsdal politidistrikt
Nedre Strandgate 50, 6005 Ålesund
Om jobben
Stillingstittel
Er du vår nye personvernrådgiver?
Antall stillinger
1
Vi søkjer etter ein engasjert personvernrådgivar som har erfaring med personvern eller som har ei sterk interesse for fagfeltet. Stillinga er organisert ved Stab for verksemdsstyring (SVS) i Møre og Romsdal politidistrikt.
I politiet møter du mange spennande personvernutfordringar. Samfunnsoppdraget til politiet er breitt samansett. Vi samhandlar med offentlege og private aktørar og innhentar og deler opplysningar om enkeltmenneske. Integriteten og rettstryggleiken i enkeltmennesket står sentralt i arbeidet vårt.
Som personvernrådgivar blir du ein del av Stab for verksemdsstyring. Stab for verksemdsstyring skal mellom anna sikre at overordna mål og resultatkrav blir vareteke innanfor tildelt økonomisk ramme. Vi er ein stab på 11,5 stillingar som arbeider innanfor fagfelt som økonomi, tryggleik, eigedom, materiell, innkjøp, internkontroll, personvern, dokumentasjonsforvaltning og arkiv.
Personvernrådgivaren si overordna oppgåve er å bidra til at politiet si behandling av opplysningar skjer i tråd med personvernregelverket. Som personvernrådgivar skal du gi dine sjølvstendige og uavhengige råd til leiinga og andre om korleis personverninteressene kan varetakast best mogleg. Du skal også kontrollere etterlevinga av regelverket. Som personvernrådgivar blir du ein del av tryggingsutvalet i politidistriktet.
Til denne stillinga er det også lagt til andre arbeidsoppgåver innanfor funksjon som juridisk leiarstøtte.
Arbeidsoppgåver
- Gjennomføre oppgåvene beskrive i politiregisterforskrifta § 43-1 i eige distrikt
- Være ein fagleg kontaktperson som er synleg og tilgjengeleg for spørsmål vedrørande personvernlovgivinga
- Ivareta lokalt behandlingsansvar og rettane til borgarane, her under rettleiing, retting, sletting, innsyn m.v.
- Utvikle godt samarbeid og vareta kontakt med Politidirektoratet, Datatilsynet m.fl.
- Gjennomføre opplæring og rettleiing i politidistriktet
- Koordinere høyringssaker og kvalitetssikre høyringssvar
- Yte annan juridisk bistand innan ansvarsområda tillagt stabane ved behov
- Andre oppgåver kan påleggjast av leiar
Kvalifikasjonar
Nødvendige:
- Juridisk embetseksamen eller master i rettsvitskap
- Meget god skriftleg og munnleg framstillingsevne på norsk og engelsk
Ønska:
- Relevant erfaring innan fagfeltet personvern.
- Erfaring frå andre relevante fagområde blir vektlagd dersom du ikkje har arbeidd med personvern før.
- Erfaring frå juridisk rådgiving
- Erfaring frå offentleg forvaltning og god forvaltningsforståing
- Kunnskap om informasjonssikkerheit og internkontroll
Den som blir tilsett må kunne tryggleiksklarerast for nivå Hemmelig.
Du må ha plettfri vandel og vere skikka for teneste i politiet. Politiattest (uttømmande og utvida) må innhentast ved eventuell tilsetjing, jf. politilova § 18 og politiregisterlova § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga
Personlege eigenskapar
- Metodisk og strukturert
- Tek initiativ der behov oppstår og har evne til å arbeide sjølvstendig
- Gode analytiske evner
- Gode samarbeids- og kommunikasjonsevner
- God rolleforståing
Personlege eigenskapar og motivasjon vil bli vektlagt
Vi tilbyr
- Ein utfordrande og spennande arbeidsplass for deg som vil vere med på å forme politien i framtida
- Stillinga blir lønt som seniorrådgivar (stillingskode 1364), frå kr 708 000 - kr. 796 600,- brutto per år.
- For særleg kvalifisert søkjar kan høgare lønn vurderast.
- Du vil bli medlem i Statens pensjonskasse som gir deg mange gode i tillegg til livsvarig alderspensjon og AFP. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du døyr, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsetjingsgoda dine på spk.no/medlemskap-i-spk.
- Fleksibel arbeidstid,
- Trening i arbeidstida
Kontaktinformasjon
Siri Krohn Dalen, Stabsleiar SVS, 92407858Arbeidssted
Nedre Strandgate 506005 Ålesund
Nøkkelinformasjon:
Arbeidsgiver: Møre og Romsdal politidistriktReferansenr.: 4838291387
Stillingsprosent: 100%
Fast stilling
Søknadsfrist: 25.08.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Nettsted
www.politiet.no/jobb
Annonsedata
Rapporter annonse- Stillingsnummer
2710009
- Sist endret
26. august 2024
- Hentet fra
talentech
- Referanse
34f64a95884d43189ad6206e960e571c