Frivilligkoordinator
Hå kommune har nyleg oppretta ei eiga eining for frivillighet. Frivilligsentralen er ein del av denne eininga. Stillinga er 100 %.
Me ynskjer å auka den frivillige aktiviteten i kommunen, få tettare samarbeid mellom kommunen og det frivillige livet og gjera den frivillige innsatsen i kommunen meir synleg.
Det er nyleg godkjend ein plan for frivillig arbeid i kommunen.
Arbeidsområde
Koordinatoren skal legga til rette for frivillig aktivitet gjennom kontakt med frivillige, organisasjonar og einingar i kommunen.
Koordinatoren vil vera eit bindeledd og vera kontaktperson for frittståande frivillige og for representantar for frivillige organisasjonar.
I tillegg vil det vera oppgåver knyt til dagleg drift av frivilligsentralen, diverse arrangement og aktivitetar.
Nokre av oppgåvene vil vera rekruttering av frivillige, bistand i oppretting av frivillige aktivitetar og deltaking i større prosjekt.
Kvalifikasjonar
- høgare utdanning
- gode datakunnskap
- relasjonsbyggar - kunna samarbeida med frivillige, organisasjonar og kommunalt tilsette
- engasjert - i å byggja eit godt lokalsamfunn
- kunnskap - om frivillig sektor og kommunen.
- sjølvstendig - i arbeidsoppgåver og prosjekt
- fleksibel - i problemløysing og arbeidsoppgåver
- kreativ og initiativrik - sjå løysingar og moglegheiter
- evne og vilje - til å løysa praktiske oppgåver og situasjonar.
Personlege eigenskapar vil tilleggast stor vekt.
Nærare opplysingar kan du få ved å kontakte leiar Linn Økland, mob. 993 98 645.
Attestar og vitnemål tas med til intervju.
Politiattest
Du må levera politiattest som er nyare enn 3 månader, før du begynner i stillinga.
Tilsetjingsvilkår
Tilsetjinga skjer på dei vilkår og med dei pliktar som går fram av utlysinga, og dei til ei kvar tid gjeldande lover, reglement og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har prøvetid på 6 månader og reglar for flyttegodtgjersle.
Søknad
Hå kommune oppfordrar alle til søkje elektronisk på web www.ha.no/stilling. Ta kontakt med lonn@ha.kommune.no viss du har problem med innlogging.
Om bedriften
Hå kommune sitt administrasjonssenter ligg på Varhaug, ca. 40 minutt med tog frå Stavanger. Kommunen har 18 500 innbyggjarar, velfungerande skuledrift, full barnehagedekning, gode helsetilbod og gode levekår. I tillegg til eit rikt og variert kultur- og idrettstilbod finn ein flotte tur- og friluftsområder. Hå kommune sin visjon er "Me løfter i lag". Våre verdiar er Open, Driftig og Stolt. Me ønskjer oss medarbeidarar som kan identifisera seg med vår visjon og våre verdiar!