Barnehagelærar - 30% vikariat - Myrane barnehage
Omtale av stillinga
Myrane barnehage har ledig vikariat som barnehagelærar ifrå 01.08.2019-31.07.2020 i 30 % stilling.
Myrane barnehage er ein 4 avdelingsbarnehage som ligg ved skuleområdet på Husnes. Barnehagen ligg sentralt
mellom Opsangervatnet, Kaldestadåsen og elles skogområdet rundt oss. Det gjev oss unike muligheter for turar og
friluftsliv rett utafor dørene.
Barnehagen har fire avdelingar, to avdelingar for born 1-3 år og to avdelingar for born 3-5 år. Det er plass til om lag 70
born .
Satsingområdet dette året er: "Borna si språkutvikling gjennom leik og bruk av barnelitteratur". Her er vidare fokus på
god språkstimulering gjennom barnehagekvardagen, leik, samtalar og språkfremjande aktivitetar. Gjennom satsinga
"Vera saman" arbeider personalet med å opptre autoritativt i møte med det enkelte barn. Vidare i satsinga
"Inkluderande barnehagemiljø" vert det jobba mot utestengning/mobbing og fremja inkludering.
Arbeidsoppgåver
Ansvar for det pedagogiske arbeidet på avdelinga i nært samarbeid med pedagogisk leiar.
Arbeida målretta i samsvar med Lov om barnehager med forskrifter.
Utviklingsarbeid i samsvar med overordna planar.
Samarbeid med foreldre/føresette og andre samarbeidspartnarar.
Inspirera, motivera og rettleia assistentar/fagarbeidarar.
Kvalifikasjonar
Godkjent barnehagelærarutdanning (førskulelærarutdanning).
Personlege eigenskaper
Er tydeleg og konsekvent som vaksen ovanfor barn og unge.
Er sjølvstendig, lærevillig og utviklingsorientert.
Bør ha gode samarbeidsevner, er positiv og møter kollegaer, barn, foreldre/føresette med respekt og forståing.
Er positiv, lojal og bidreg til eit godt arbeidsmiljø.
Generell god helse.
Personlege eigenskapar vert vektlagt ved tilsetjing.
Vi tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.