Helsefagarbeidar ved institusjonstenester

Om stillinga

Me har ledig 100% fast stilling som helsefagarbeidar  eller mellombels stilling som pleiemedarbeidar. Stillinga er ved institusjonstenester, og tilsetjing er frå snarast. 

Har du ikkje fagbrev som helsefagarbeidar så søk likevel. Me vil vurdere deg dersom det ikkje er søkarar med fagutdanning. 

Fast tilsetjing gjeld berre for fagutdanna, ufaglærte vil få tilbod om mellombels stilling. Dette med grunnlag i at me ynskjer å rekruttere helsefagarbeidarar.

Søkarar utan fagbrev som ynskjer å ta fagutdanning blir prioritert framfor dei som ikkje ynskjer slik utdanning. Me vil legge til rette for at du kan ta fagbrev som helsefagarbeidar i tida du er mellombels tilsett. Du kan då vere i posisjon til fast tilsetjing når du er ferdig utdanna.

Helsetunet har 24 plassar fordelt på tre avdelingar, korttid/langtid, sjukeheimsavdeling og avdeling for personar med kognitiv svikt. 

Me har lyse og trivelege lokaler med gode fasilitetar og utstyr. 

Her har vi eige kjøkken, der det blir laga god og næringsrik tradisjonsmat frå botnen av.

Institusjonstenesta er organisert under  kommunalområde helse og omsorg. Det er om lag 30 tilsette ved institusjonen. 

Me jobbar etter årsplan, som blir laga etter ynskje frå dei tilsette så langt det let seg gjere.

Håpar at du vil bu i den fine kommunen vår, passar det likevel ikkje for deg, så søk stillinga likevel. Me kan prøve å tilpasse vaktene slik at du kan pendle.

Arbeids- og ansvarsområde

• varierte arbeidsoppgåver mellom anna som primærkontakt
• faglege oppgåver blant anna som: sårstell, medikamenthandtering etter delegering frå avdelingsleiar,  
• miljøarbeid og aktivitetar med pasientane
• samarbeide om og fylgje opp tiltaksplan
• vurdering og kartlegging av behov
• dokumentering og rapportering i journalsystemet Visma profil
• rådgjeving og rettleiing 
• tverrfagleg samarbeid med andre som til dømes fysioterapeut, heimetenester

I tillegg kan avdelingsleiaren og sjukepleiarane delegere fleire interessante oppgåver.

Me tilbyr

• ei utfordrande stilling med moglegheit for utvikling og fagleg påverknad 
• bli ein del av ein triveleg arbeidsplass der arbeidsmiljø står i sentrum 
• gode pensjons- og forsikringsordningar
• løn etter etter tariff
• ekstra laurdag og søndagstillegg (+ kr 10 over tariff)
• funksjonstillegg til praksisrettleiar
• gratis inngang til treningsrom i Aurlandshallen 
• gratis inngang til symjehallen
• hjelp til å skaffe bustad 
• hjelp til å skaffe jobb til partnar 

Sjå gjerne informasjonsbrosjyre om kommunen vår  her.

Kvalifikasjonar

Fagutdanna søkarar vert prioritert i rekkefylgja under, og kan få fast tilsetjing:

• du har fagbrev som helsefagarbeidar, eller tilsvarande utdanning, og har relevant erfaring
• du har fagbrev som helsefagarbeidar, eller tilsvarande utdanning, og manlar relevant erfaring 

Ufaglærte søkarar vert prioritert i rekkefylgja under, og kan få mellombels tilsetjing:

• du ynskjer å ta fagbrev som helsefagarbeidar, og har relevant erfaring
• du ynskjer å ta fagbrev som helsefagarbeidar, men manglar relevant erfaring
• du har relevant erfaring
• du manglar relevant erfaring

Personlege eigenskapar

Me søkjer deg som er motivert til å jobbe innan eldreomsorg, og er engasjert og interessert i faget. Me søkjer deg som er fleksibel og løysingsorientert. Me legg stor vekt på personlege eigenskapar og er opptatt av gode samarbeids- og kommunikasjonsevner, at du tek initiativ, og har evne til å arbeide både sjølvstendig og i team. Me vonar du har godt humør, er til å stole på, og er engasjert.  Likar du å arbeide i eit godt arbeidsmiljø med nye utfordringar,  og i tillegg brenn for faget - då ynskjer me deg velkomen på laget vårt.

Verdiane våre er:  L-Æ-R, som står for Likeverd, Ærlegdom og Respekt.  

Løns- og tilsetjingsvilkår

• tilsetting, løn og arbeidsvilkår i samsvar med gjeldande lovverk, reglement og tariffavtale
• tredelt turnus med arbeid kvar 3. helg, eller langvakter kvar 4. helg. Dette etter ditt ynskje 
• krav om politiattest etter helse- og omsorgstenestelova av nyare dato

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Me tek kontakt med søkjarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.