Einingsleiar drift og vedlikehald
Tysnes kommune
Uggdalsvegen 301, 5685 Uggdal
Om jobben
Stillingstittel
Einingsleiar drift og vedlikehald
Type ansettelse
Fast
Arbeidsspråk
Norsk
Antall stillinger
1
Tysnes kommune søkjer etter ein positiv og engasjert person, som ønskjer å leia eining drift og vedlikehald.
Eininga me søkjer ny leiar til, har ansvar for drift og vedlikehald av kommunale bygg, vegar, kyrkjegardar, avlaupssystem og vassverk. Eininga har tilsaman 20 tilsette og er delt i to avdelingar, der reinhaldsavdelinga har eigen avdelingsleiar. Eininga har ansvar for små og store prosjekt, og har viktige investeringar framover, særskilt innan vatn og avlaup. Samstundes skal ein sikra dagleg drift, vedlikehald og reinhald, og legga til rette for at kommunen leverer eit godt tenestetilbod innanfor fagområda.
Som einingsleiar har du eit overordna ansvar for eininga og er ein del av kommunalsjef teknisk sitt leiarteam. Du blir ein av to einingsleiarar i teknisk, men skal samarbeida på tvers med einingar innan oppvekst og helse og omsorg.
Me har som mål at Tysnes kommune skal vera eit attraktivt samfunn å bu i, og søkjer ein leiar som tenkjer heilskapleg og har forståing for kor viktig samarbeid og samskaping er for å kunne yta gode og treffsikre tenester.
Arbeidsoppgåver til stillinga
- Personal-, økonomi- og budsjettansvar.
- Langsiktig og strategisk planlegging innanfor eininga sine fag-/ansvarsområder.
- Sikra god drift for kommunale bygg og tekniske anlegg.
- Saksutgreiing - fagleg og politisk.
- Kontaktperson for publikum og fagkontakt mellom einingar.
- Sikra eit godt samarbeid og samspel både i eiga organisasjon og utad.
- Ivareta strukturert partssamarbeid.
- Gjennomføra naudsynte endringar som krevst for å oppnå mål.
- Fleire oppgåver kan bli tillagt stillinga ut frå søkjar sin kompetanse og arbeidsgjevar sine behov.
Kompetanse som er viktig
- Relevant universitets- eller høgskuleutdanning.
- Relevant leiarerfaring og gjerne leiarutdanning.
- Fagkompetanse innan eitt av områda og relevant erfaring kan kompensera for utdanningskrav.
- Gode samarbeidsevner og evne til å byggja lag gjennom gode prosessar.
- God økonomi-, samfunns- og organisasjonsforståing og evne til heilskapleg tenkning.
- God innsikt i offentleg forvaltning og kjennskap til gjeldande lovverk er ein føremon.
- Førarkort klasse B.
Dette ser me etter hos deg
Me søkjer deg som:
- er trygg i leiarrolla og har eit samlande og tydeleg leiarskap.
- er god på å motivera, er tydeleg og ivaretakande.
- er systematisk og strukturert med god planleggings- og gjennomføringsevne.
- har god gjennomføringskraft, er effektiv og strukturert, og handterar mange oppgåver på same tid.
- er løysingsorientert og evnar å sjå på tenesteområda i eit heilskapleg perspektiv.
- har god skriftleg og munnleg framstillingsevne.
Kvifor skal du velja oss?
Blir du blir motivert og engasjert av hektiske dagar, der du må løysa oppgåver innan ulike fagområde? Då trur me at du vil trivast hos oss! Hos oss blir du leiar for ei eining med bredt ansvarsområde og for gruppe med godt kvalifiserte og kjekke tilsette. Det er ein spanande og viktig jobb der du vil får eit overordna ansvar for fagområda, må samarbeida på tvers internt, samt med eksterne samarbeidspartnere og entrepenørar.
Du blir tilsett som einingsleiar med personal- og budsjett- og økonomiansvar for drift og vedlikehald. Stillinga ligg til lønskapittel 3.4.2, med løn etter avtale og årleg lønsregulering gjennom lokale forhandlingar. Det vert i tillegg gjeve 5 avtaledagar pr år, som kompensasjon for arbeid utanfor ordinær arbeidstid.
Tilsetjing hos oss gjer deg medlemskap i KLP - Kommunal Landspensjonskasse. Det betyr blant anna at du får ein av dei beste pensjonsordningane i Noreg, samt høve til å søkja om bustadlån med gunstige vilkår.
Me veit at mange ønskjer seg ein hybrid og fleksibel arbeidskvardag med høve til å veksla mellom å jobba heimafrå og møtast på kontoret. Me ønskjer fortrinnsvis at tilsette har sin arbeidsstad i arbeidsgjevar sine lokaler, for å sikra samstundes tilstedevære og godt samarbeid. Me kan likevel legga til rette for kombinasjon av heimekontor og fast kontorarbeidsplass når arbeidsoppgåvene tilseier at det let seg gjera.
Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsa.
Mangfaldserklæring
Tysnes kommune ønskjer å spegle mangfaldet i befolkninga i rekrutteringa vår. Me oppmodar alle som er kvalifiserte til å søkje ledige stillingar uansett kjønn, alder, funksjonshemming, og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å leggja til rette for inkluderande rekruttering.
Kontaktinformasjon
Christophe Sundal, Kommunalsjef teknisk, +47 97 50 14 06Arbeidsstad
Uggdalsvegen 3015685 Uggdal
Nøkkelinformasjon:
Arbeidsgivar: Tysnes kommuneReferansenr.: 4820730774
Stillingsprosent: 100%
Fast
Søknadsfrist: 04.08.2024
Om bedriften
Draumen om livet på landet, finn du på Tysnes!
Tysnes er ein sentralt øykommune sør for Bergen, og om du spør oss: verdas beste kommune å veksa opp i!
Når me tel med store og små, er me i dag omlag 2900 godlyndte innbyggjarar i Tysnes. Tysnes kommune har ca. 330 tilsette innan helse- og omsorg, skule og barnehage, tekniske tenester og offentleg administrasjon. Me er oppteken av å skapa gode arbeidsplassar og gjere Tysnes til ein god stad å leva og bu i.
Tysnes er ein hjarteforma kommune nord i Sunnhordland. Perfekt for deg som er på jakt etter ein roleg og eventyrleg livsstil. Me har kort veg til kringliggande byar, og me trur du vil bli overraska over kor mykje kystkommunen har å tilby.
Me har flotte badeplassar og skianlegg på fjellet, frodig natur og skiftande landskap. Frå høgfjell til idylliske hamner, med gode moglegheiter for friluftsliv.
Eit rikt lags- og organisasjonsliv gjer eit variert fritidstilbod til både vaksne og unge. Småskalaprodusentar byr på ekte og økologiske smaksopplevingar. Øya byr på eit riktig kulturliv gjennom heile året, med Tysnesfest om sommaren som den største.
Sentralt plassert, men likevel langt nok unna kjaset og maset til bylivet. Det betyr at du kan nyta frisk luft, kulturelle storhendingar og avslappande ro. Med uendelege høve til å utforska fjell og fjord, er Tysnes den perfekte staden å kalla heim.
Sektor
Offentlig
Nettsted
Annonsedata
Rapporter annonse- Stillingsnummer
2690524
- Sist endret
5. august 2024
- Hentet fra
talentech
- Referanse
a34b965321bb456b99bed52728cc493c