Fastlege
Kvinnherad kommune Helse
Rosendalsvegen 10, 5470 Rosendal
Om jobben
Type ansettelse
Fast
Arbeidsspråk
Norsk
Antall stillinger
1
Ledig deleliste ved Halsnøy Helsesenter for snarleg tiltreding
Kvinnherad kommune har vel 13.100 innbyggjarar. Kommunen ligg mellom Bergen, Haugesund og Odda. Rosendal er administrativt senter. Husnes er største tettstaden, har to barnehage, grunnskule, vidaregåande skule og handelssenter. Kvinnherad har eit mangfaldig kulturliv. Sjø, skjergard, fjell og bre gjev naturtilhøve for friluftsliv heile året.
Kommunen har i mange år hatt ei god og stabil legedekning. For tida har vi 18 fastlegar i kurativ teneste, både med private avtaleheimlar og tilsett i kommunen med fastløn og % andel av pasientinntekter. I tillegg har kommunen ein stilling for LIS1, 3 sjukeheimslegar i totalt 210% stilling og kommuneoverlege i 100 % stilling. Offentlege oppgåver ved helsestasjonar og i eldreomsorga ellers er fordelt slik at 6 av legane har 8 - 20 % stilling til offentleg allmennlegeteneste.
Kvinnherad kommune er registrert utdanningsvirksomhet i allmennmedisin. Ved å tiltre i stillingen vil man kunne tegne ALIS-avtale med kommunen.
Kvinnherad er ein vidstrakt kommune. Legane er fordelt på fire legekontor. Det er eit godt fagleg og kollegialt fellesskap i legegruppa, god vegleiing og bakvaktordning i forhold til legevakt, godt samarbeid og samtrening med lokal ambulanseteneste. Kvinnherad legevakt er bemanna med sjukepleiar på kveldstid og helgedagar. Kvinnherad legevakt ligg vegg i vegg med ambulansestasjon.
Kommunen har etablert ein Frisklivsentralen og har tilsett folkehelsekoordinator.
Ledig fastlegeheimel ved Halsnøy helsesenter for snarleg tiltreding
Me søkjer etter lege med spesialisering eller ALIS til 100% fast stilling til deleliste på 600 og kommunale oppgåver i 30% for snarleg tiltreding. Når seniorlegen pensjonerer seg vil lege med delelisten betena ei liste på til saman 800 pasientar. Heimelen er lokalisert ved kommunalt legesenter som per i dag består av 3 fastlegeheimlar med til saman eit listetak på 2400 pasientar, innbyggjartal i området er om lag tilsvarande.
Me har fleksible arbeidsvilkår og tilbyr fast lønn og fast arbeidstid, nødvendig tilrettelegging for deltaking i vidareutdanning og rettleiingsgruppe. Kommunen legg opp til eit tilpassa listetak. Gradert stilling er også mogleg, dersom dette er ynskjeleg. Kommunen ynskjer med dette å leggja til rette for ein enklare start som allmennlege. Samtidig er kommunen også open for tilsetjing som sjølvstendig næringsdrivande.
Stillinga inneber deltaking i legevaktordning. Vaktordninga er for tida 13-delt. Kvinnherad legevakt er bemanna med sjukepleiar på kveldstid og helgedagar. Kvinnherad legevakt ligg vegg i vegg med ambulansestasjonen.
Alle sjølvstendig næringsdrivande fastlegar har økonomisk samarbeid og driftsavtale med kommunen. Dette inneber m.a. at kommunen held lokale, tilset og har arbeidsgjevaransvar for hjelpepersonell i forholdstal 1 hjelpepersonell per 1100 listepasientar.
For stillinga søkjer vi lege som har:
· norsk autorisasjon
· fullført turnuspraksis/LiS1-praksis i allmennmedisin. Det er en fordel å være under spesialisering eller ferdig spesialist
· gode norskkunnskapar, skriftleg og munnleg. Søkjarar som beherskar nordisk språk skriftleg og munnleg kan søkje
· gode ferdigheiter i kommunikasjon og samhandling
Personlege eigenskapar, kjennskap til norsk helsevesen og erfaring frå primærhelsetenesta i Norge vil verta vektlagt. Søkjar må ha førarkort for bil.
Tilsetjing skjer på dei vilkår som går fram av gjeldande lover, reglar og tariffavtalar.
Kvinnherad kommune hjelper til med å skaffa bustad, og flytting vert betalt etter gjeldande reglar.
Kvinnherad kommune gir SVÆRT GODE BETINGELSER. Ta kontakt med oss for nærmare avklaring rundt dette.
Nærare opplysningar om stillinga, økonomiske vilkår m.m. kan ein få hos:
Avdelingsleder Halsnøy helsesenter Wanda Medhus tlf. 414 52 380 wanda.eliassen.medhus@kvinnherad.kommune.no
Kommuneoverlege Glenn A. Opland tlf. 977 09 308 glenn.opland@kvinnherad.kommune.no
Einingsleiar Irina Zimina tlf. 488 94 055 irina.zimina@kvinnherad.kommune.no
Søknadsfrist: 19.08.2024
Bruk elektronisk søknadsskjema, det finn du under ledige stillingar på Kvinnherad kommune si heimeside: www.kvinnherad.kommune.no
Link til søknadsskjema: Søk her
Om bedriften
Sektor
Offentlig
Annonsedata
Rapporter annonse- Stillingsnummer
2692888
- Sist endret
20. august 2024
- Hentet fra
visma-easycruit
- Referanse
3374427_226021_nn