Ledige vikariat som lege i spesialisering i radiologi

Helse Bergen, Haukeland universitetssjukehus har ledige to vikariat som lege i radiologi med varigheit 6 - 12 månadar med moglegheiter for forlenging. Oppstart etter avtale. Vikariat kan telje som del av spesialistutdanninga.

Radiologisk avdeling er ei høgteknologisk avdeling i stadig utvikling. Avdelinga har ein ny og moderne utstyrspark og eit eige senter fornukleærmedisin og PET. Vi har 6 MR-maskinar, 6 CT-maskinar. Vi nyttar SectraPACS og RIS. Det er til ein kvar tid tilknytta Ph.d-stipendiatar til avdeling, og avdelinga deltar i både nasjonale og internasjonale forskingsnettverk. Avdelinga har fokus på HMS og kvalitetsarbeid.

Avdelinga er inndelt i 7 legeseksjonar:
Seksjon for Barneradiologi
Seksjon for Uro/kar/intervensjonsradiologi
Seksjon for Gastroenterologisk og onkologisk radiologi
Seksjon for Thoraxradiologi
Seksjon for Mammaradiologi og screening
Seksjon for Nevroradiologi
Seksjon for Ortopedisk radiologi

LIS har teneste på alle seksjonar, rotasjon kvar 6 månad. Nye utan erfaring LIS vil ha ein opplæringsperiode på 12 veker før dei startar i vakt. Stillingane inngår for tida i ei 16-delt vaktordning. Viser elles til Helsedirektoratet sin utdanningsplan for spesialiteten.

Arbeidsoppgåver

• Arbeid på seksjonane, beskriving av undersøkingar, vurdering av tilvisingar og demonstrasjonsførebuing saman med overlege
• Relevante prosedyrar som tilhøyrer dei ulike seksjonane, etter opplæring og under supervisjon
• Arbeid på ultralyd og i Mottaksklinikken etter gjeldande plan
• Vaktarbeid, for tida i 16-delt tilstadevakt
• Du vil få personleg rettleiar og delta i avdelinga sitt utdanningsprogram, inkludert internundervisning
• Deltaking i undervisning og kurs relevante for spesialiteten

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS stilling i Radiologi
• Søkarar må ha gode kunnskapar i norsk, B2-nivå både munnleg og skriftleg

Personlege eigenskapar

• Du har god fagleg vurderingsevne, og arbeider strukturert og målretta på jobb
• Du har interesse og motivasjon for fagfeltet
• Du etablerer gode samarbeidsrelasjonar til alle nødvendige yrkesgrupper i og utanfor avdelinga
• Du har oversikt over eigne oppgåver, også under skiftande omstende. Du følger opp delegerte oppgåver
• Du kommuniserer tydeleg og forståeleg overfor pasientar, pårørande og samarbeidspartnarar

Vi tilbyr

• Lønn i samsvar med gjeldande overeinskomst
• Fagleg og personleg utvikling
• Triveleg arbeidsmiljø i ei travel avdeling

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.         
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

Kontaktinformasjon

Eric Alexander Resnes, Overlege, 55 97 09 07, eric.alexander.resnes@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen

Referansenr.: 4852867088
Stillingsprosent: 100%
Vikariat
Søknadsfrist: 13.10.2024