Sjukepleiarvikariat 64% ved Husnes Helsesenter og Legevakta
Omtale av stillinga
64% vikariat som sjukepleiar ved Husnes helsesenter og Kvinnherad legevakt frå 01.05.2021 til 01.03.2022 med moglegheit for forlenging.
Husnes helsesenter og Kvinnherad legevakt søker sjukepleier 64% stilling og vil inngå i 2-delt turnus. Husnes legesenter har i dag 7 fastlegar og 8 helsepersonell som betjener ca. 5700 pasientar. Vi er opptatt av å møta heile pasienten. Vi søker deg som har ekte og oppriktig engasjement for menneske som er akutt sjuke, som er ansvarsbevisst og har gode kommunikasjons- og samarbeidsevner. Vi ønsker oss engasjerte kollegaer som liker å jobba i eit hektisk miljø, og som kan vera med å utvikla helsesenteret vidare.
Arbeidsoppgåver
Arbeidsoppgåver på helsesenteret:
· Handtere førespurnader frå innbyggarar i Kvinnherad kommune, som treng medisinsk hjelp. Kunne rettleia og gi råd til pasientar. Vidare prioritera og setja i verk behandlingsnivå
· Ivareta dokumentasjonsplikt og kvalitetssikring av verksemda
· Laboratoriearbeid
· Behandle kroniske og akutte tilstandar på skadestove
· Hjelpa og assistera lege ved kirurgiske inngrep og undersøkingar
· Administrering av medikament etter ordinasjonen frå legen
Hovudoppgåvene på legevakta:
· Ta imot alle førespurnader på telefon og i ekspedisjon.
· Kunne klinisk prioritere, observera og behandla pasient på skadestove/akuttstove
· Gi råd og rettleiing, vurdera og avklara pasientar ut frå «Norsk Index for medisinsk nødhjelp» .
· Ta imot, stabilisera, gi sjukepleie og behandling til akutt sjuke pasientar som kjem med ambulanse eller kjem sjølv til legevakta.
· Hjelpe lege ved målinger, ta blodprøvar, assistera ved enkel inngrep.
Kvalifikasjonar
Det vert stilt krav om autorisasjon som sjukepleiar.
Søkjar må ha sertifikat klasse B.
· Vi ønsker personar som har erfaring frå tilsvarande arbeid, men nødvendig opplæring vil bli gitt. Det vil vera ein stor fordel om søkjar har erfaring i bruk av Info-Doc som journalsystem
· Må kunna handtera akutt-situasjonar og inneha høg arbeidskapasitet. Ha interesse for å jobba med akutt sjuke pasientar
· IKT- kunnskapar
· Ha gode kommunikasjons og samarbeidsevne. Meistra norsk munnleg og skriftleg
Personlege eigenskapar
Vi ønsker kreative og engasjerte tilsette med eit positivt og inkluderande menneskesyn.
Personleg eigenskapar for stillinga som: sjølvstende og tryggleik i rolla som sjukepleiar, men samtidig ha evne til å jobba i tverrfaglege team.
Søkjarar må vera førebudd på å stilla til intervju. Ta med originale dokument, attestar og identifikasjon ved intervju/frammøte.
Du må gi opp minimum to referansar (namn og kontaktinformasjon) i kompetanseregistreringa
Vi tilbyr
- 2-delt turnus med 5.kvar helg
- Lønn i samsvar med gjeldande avtaleverk
- Gode pensjons- og forsikringsordningar
- Utviklande og spennande stilling der få dagar er like
- Eit godt fagmiljø
- IA-avtale og bedriftshelsetenester
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.