Avdelingssjef
Kreftavdelinga, Helse Førde
Svanehaugvegen 2, 6812 Førde
Om jobben
Stillingstittel
Avdelingssjef
Type ansettelse
Fast
Arbeidsspråk
Norsk
Antall stillinger
1
Vi har ledig stilling som avdelingssjef i kreftavdelinga i Helse Førde.
Avdelinga er ei av 11 avdelingar i medisinsk klinikk. Avdelinga har eit stort spenn i aktiviteten med drift av sengepost, poliklinikk og dageining for kreftbehandling i Førde, ambulerande team og forsking-/studieverksemd. Ein samarbeider tett med lokalsjukehusa i Lærdal og Nordfjord slik at kreftpasientar også kan få behandling ved infusjonspoliklinikkane der. Avdelinga dekkjer 3 fagområder: Kreftsjukdomar (onkologi), blodsjukdomar (hematologi) og lindrande behandling (palliasjon). Avdelinga har eit tverrfagleg miljø med om lag 80 tilsette.
Kreftområdet er i ei rivande og spennande utvikling, og mange pasientar har fleire behandlingsalternativ no enn for berre få år sidan. Aktiviteten aukar, og dette inneber at kreftavdelinga både planlegg for utviding av kapasitet, men også deltek i fleire ulike utviklings- og forbetringsprosjekt. Forsking er ei prioritert oppgåve.
Fagfolk og leiarar i kreftavdelinga samarbeider med øvrige avdelingar i helseføretaket, dei andre kreftavdelingane i Helse Vest, Sjukehusapoteket og primærhelsetenesta.
Kreftavdelinga er del av Nye Førde sjukehus, og vi gler oss til at sengeposten får flytte til eit nytt og moderne sjukehusbygg hausten 2024.
Arbeidsoppgåver
- Avdelingssjef har overordna ansvar for fag, økonomi og personal og er medlem av medisinsk klinikk si leiargruppe. Direktør i medisinsk klinikk er næraste overordna. Avdelingssjef samarbeider tett med seksjonsleiarane i avdelinga.
- Helse Førde er eit foretak i omstilling og deltaking/bidrag i utviklingsarbeidet er ein sentral del av arbeidsoppgåvene.
Kvalifikasjonar
- Vi ønskjer søkjar med helsefagleg bakgrunn og utdanning innan organisasjon og leiing
- Høgskule/universitet, hovudfag/mastergrad
- Anna leiarkompetanse eller -leiarerfaring frå komplekse organisasjonar kan vege opp for formell kompetanse
- Avdelingssjefen må ha god munnleg og skriftleg framstillingsevne
- Gode kunnskapar i norsk både munnleg og skriftleg
Personlege eigenskapar
- Motivasjon for leiaroppgåva
- Strukturert, resultatorientert og beslutningsdyktig. Evne til å tenke heilskap
- Gode kommunikasjons- og samarbeidsevner. Initiativrik og engasjert
- Endringsvilje
- Evne til teamarbeid
Vi tilbyr
- Fagleg og personleg utvikling
- Leiarutviklingsprogram
- Løn etter avtale
- Gode pensjons- og forsikringsordningar
- Utfordrande og spennande stilling i samspel med mange engasjerte og dyktige kolleger
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Kontaktinformasjon
Monika Staberg Sunde, Kst. avdelingssjef/seksjonsleiar kreft poliklinikk, 959 49 287, monika.staberg.sunde@helse-forde.noTrine Hunskår Vingsnes, Direktør Medisinsk klinikk, 900 10 462, trine.hunskar.vingsnes@helse-forde.no
Arbeidsstad
Svanehaugvegen 26812 Førde
Nøkkelinformasjon:
Arbeidsgivar: Helse FørdeReferansenr.: 4840145981
Stillingsprosent: 100%
Fast
Søknadsfrist: 15.08.2024
Om bedriften
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Sektor
Offentlig
Nettsted
Annonsedata
Rapporter annonse- Stillingsnummer
2705343
- Sist endret
16. august 2024
- Hentet fra
talentech
- Referanse
46b188977e664b6b885a7e5026d70ec8