Student -trainee for sjukepleiar - og vernepleiarstudentar
Alver kommune
Kvernhusmyrane 25, 5914 Isdalstø
Om jobben
Stillingstittel
Student -trainee for sjukepleiar - og vernepleiarstudentar
Type ansettelse
Fast, deltid 20%
Arbeidsspråk
Norsk
Antall stillinger
4
Vi vil satse på nettopp deg
Alver kommune startar dette løpet frå hausten. Vi har allereie to sjukepleiararstudentar som skal delta, og ønskjer å gjere avtale med inntil fire studentar til. Dersom du startar studiet til hausten eller har kome godt i gang med studiet, kan du melde di interesse.
Du arbeider i ei 20 % stilling medan du studerar, og etter fullført utdanning går du inn i ei 100% trainee-stilling i 18 månader. Etter traineeløpet går du over i ei fast sjukepleiar/vernepleiarstilling. På denne måten opparbeider du deg ein unik kompetanse i kommunen.
Du får:
- Arbeidserfaring frå ulike tenester
- Stabil inntekt i 20 % fast stilling som student
- Ekstra kompetanseutvikling i studietida og rettleiing
- 18 månader traineestilling etter fullført utdanning
- 100% fast sjukepleiar-/vernepeiarstilling i Alver kommune med mentorordning
Våre forventningar til deg
- Du er sjukepleiar- eller vernepleiarstudent på fulltid
- Du har lyst og tid til å arbeide med relevant arbeid under studietida og fortsette hjå oss etter fullført utdanning
- Du er fleksibel
- Du arbeider sjølvstendig og tar ansvar
- Du er positiv og ønksjer å bidra i arbeidsmiljøet
I studietida: Ekstra kompetanseutvikling og stabil inntekt for deg
20% fast helgestilling i studietida vil gje deg ei minimum inntekt på kr. 8 000,- pr. månad. Du vel sjølv om du vil arbeide anna kvar helg laurdag/sundag, 3.kvar helg fredag - sundag eller langvakter kvar 4.helg. Turnusen kan leggast opp fleksibelt, ved at du t.d i praksisperiode kan bytte arbeidshelg og overføre timane til timebank. Fri til eksamen etter avtaleverket.
Du kan ha same arbeidsstad i heile studietida, eller prøve deg på fleire omområder. Dersom du i periodar ønkjer å arbeide meir, er det sjølvsagt rom for det. Om sommaren arbeider du i full stilling i 4 veker, og som fast tilsett har du i kalenderåret 5 veker ferie.
I studietida får du tilgang til 40 t. e-læringskurs, som du kan gjennomføre når det passar deg. Du kan delta på avdelinga sine kompetansehevingstiltak og vert innvitert inn på gruppebasert rettleiing ein gong i halvåret saman med andre student-trainear.
Som tilsett i stundentperioden har du ansvar for å utføre oppgåver saman med andre i avdelinga. Arbeidet vil innhalde både sjølvstendig arbeid og arbeid i team.
I traineeperioden: Unik kompetanse
Etter at du er ferdig utdanna og har mottatt autorisasjon vert du lønna som sjukepleiar/vernepleiar, og den første sommaren som ferdig utdanna held du fram med å arbeide der du var i studietida, før traineeperioden startar opp.
Vi tilbyr traineeordning innanfor områda: sjukeheim, heimeteneste, omsorg pluss og habilitering.
Traineeperioden varer i 18 månader, frå medio august til medio februar. Du vel deg tre ulike tenesteområde der du arbeider i 6 månadar på kvar arbeidsplass i traineeperioden.
I traineeperioden vil du jobbe med erfarne sjukepleiarar eller vernepleiarar. Som trainee vil du delta i mentorprogram for nytilsette der du vil få fast rettleiing på arbeidsplassen. Du vil også delta i grupperettleiing/fagdagar saman med andre traineear og blir følgt opp av koordinator.
Vi ønskjer å investere i deg, og medan du er trainee tilbyr vi i tillegg 3 hospiteringsdagar i andre av kommunen sine områder innan helse og omsorg. Du kan mellom anna velje legevakt, helsesjukepleiar, psykisk helse og rus, kreftkoordinator, demens, hukommelsesteam, dagsenter, palliasjon og forvaltning.
Gunstige vilkår vidare:
Etter traineeløpet er du tilsett i ei 100 % stilling i kommunen. Vi har gode pensjon- og forsikringsvilkår gjennom KLP. Ønskjer du etter kvart vidareutdanning vil du kunne få støtte til dette, så lenge det er i tråd med vedtatt kompetanseplan for kommunen.
Interessert?
Vi vil gjerne høyre frå deg. Søkjarar vert kontakta undervegs i utlysingsperioden.
Om bedriften
Alver kommune - Ein spennande organisasjon for engasjerte og kompetente medarbeidarar!
Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare.
Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv.
Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.
Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss.
Nettsted
Annonsedata
Rapporter annonse- Stillingsnummer
2657436
- Sist endret
7. juni 2024
- Hentet fra
jobbnorge
- Referanse
10211675