Sokneprest i Hardanger og Voss prosti med Stamnes og Vaksdal sokn som tenestestad
Den norske kirke, Bjørgvin bispedøme
5725 Vaksdal
Om jobben
Stillingstittel
Sokneprest i Hardanger og Voss prosti med Stamnes og Vaksdal sokn som tenestestad
Type ansettelse
Fast
Arbeidsspråk
Norsk
Antall stillinger
1
Vil du bli vår nye sokneprest?
Du er velkomen til vakre Vaksdal kommune. Soknepresten i Stamnes og Vaksdal vil ha sokneprestoppgåver i to sokn. I tillegg vil du
samarbeide nært med den andre soknepresten i kommunen om kyrkjelege tenester. Trusopplærar, kyrkjemusikarar og frivillige samarbeidar om kyrkjeleg arbeid. Du
vil få varierte oppgåver, men det er i stor grad rom for å forme sin eigen
arbeidskvardag.
Våre sokn ønskjer å vere kyrkjer der alle kan finne sin plass, der det er rom
for både tru, håp og undring. I våre kyrkjer skal heile bygdefolket kjenne seg
heime. Vi ønskjer å løfte blikket og sjå framover, for vi ønskjer å nå
våre unge og våre familiar med bodskap om fellesskap, glede, frimod og fred. Vi
vil inspirere til engasjement og arbeid for andre, vi vil utfordre, sleppe til
og utruste frivillige, både unge og gamle, til å bidra i og utvikle det
kristne livet i soknet.
Vi søkjer ein sokneprest som vil vere med oss på dette.
Vaksdal er ein langstrakt kommune som ligg midt mellom Voss og
Bergen, med kort veg til kulturelle attraksjonar og friluftsliv der. Vi har
både flott natur og eit mangfald av lag og organisasjonar, variert musikkmiljø,
store bedrifter og gode skular og oppvekstsenter. Sjekk
gjerne www.vaksdal.kommune.no
Det er to sokneprestar (100%), ei kyrkjeverje (100%), to organistar (100% og
50%), skretær (100%), trusopplærar (50%), kyrkjetenar /vaktmeistar i 50% og
kyrketenarar i mindre stillingar. Staben har sine kontor på Dale.
Det er i alt 105 gudstenester i året. Prestane leier konfirmantførebuingane.
I 2023 var det 16 konfirmantar i Vaksdal og 8 i Stamnes. Prestane held andaktar på to institusjonar i kommunen.
Vaksdal sokn har ei vakker steinkyrkje med godt tenlege tilhøyrande rom der sokneråd og andre arrangerer
konsertar og ulike sosiale, faglege og kulturelle samkomer. Kyrkja har gode
instrument og god akustikk, og digitale hjelpemiddel er på plass. Vaksdal sokn
har eit aktivt og engasjert sokneråd, eit godt samarbeid med det lokale
bedehuset og er ein positiv faktor i bygda.
Stamnes sokn har to kyrkjer,
Eidsland kapell, ligg på Eidslandet, og Stamnes kyrkje i bygda Stamnes som er
hovedkyrkja i soknet, og den elste av dei 7-sju kyrkjene i kommunen. Stamnes
har vore kyrkjestad heilt frå 1300-talet.
Som faste aktivitetar i kyrkjelydane, kan me nemne barnekor og baby-song og
andre trusopplæringstiltak utført i godt samarbeid med organist og
trusopplærar. Det er også barneforeining, søndagskule, strikkekafé og
måndagskaffi, konsertar og andre kulturarrangement. Alle med godt oppmøte.
I Vaksdal kommune er det tre bedehus. Det er godt samarbeid mellom kyrkje og
bedehus.
Vaksdal høyrer til Hardanger og Voss prosti. Her er det 15 prestar. Prosten
leier prestetenesta. Prostekontoret er på Voss og prost samlar prestane 7 gonger kvart år til
fagleg fornying, sosialt og åndeleg fellesskap. Det har òg vore tverrfaglege
samlingar for tilsette i prostiet.
Målforma er nynorsk.
Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du
ønskjer unnatak for denne, må du grunngje det i søknaden. Søkjarlista kan bli
offentleg sjølv om du ber om unnatak. Grunnlag for handsaming etter
personvernforordninga er artikkel 6 nr. 1 bokstav b og artikkel 9 nr. 2 bokstav
b og g.
Den som blir tilsett må vise tilfredsstillande politiattest
(barneomsorgsattest) jf. politiregisterloven § 39 jf. trossamfunnsloven § 20.
Vi ber om at søknad med CV, vitnemål og referansar vert sendt elektronisk via
Webcruiter. Den som vert tilsett må ha førerkort og tilgang på
bil.
Arbeidsoppgåver
- føre vidare det gode samarbeidet med skule og barnehage
- bidra til at kyrkja skal vere ein naturleg del av samfunnslivet
- gudstenester og kyrkjelege handlingar
- konfirmantundervisning
- trusopplæring
- beredskap etter gjeldande ordning for Den norske kyrkja
Kvalifikasjonar
- Cand. Theol. Med praktikum eller tilsvarande/master i teologi med praktikum
- Medlemskap i Den norske kyrkja
Personlege eigenskapar
- evne og vilje til samarbeid
- god gjennomføringsevne
- evne til å motivere
- Søkjar må og kunne samarbeide liturgisk med kollegaer uavhengig av kjønn eller teologisk usemje
Vi tilbyr
- Stillingskode 1555 etter KA sitt tariffområde
- Pensjonsinnskot i Statens pensjonskasse
- Reiseutgifter godtgjort etter gjeldande regulativ
- Til løna kjem særskilde regulativmessige godtgjersler
- Arbeidsvegleiing (ABV)
Kontaktinformasjon
Arild Hellesøy, Prost i Hardanger Voss prosti, 906 99 533, ah539@kyrkja.noTherese Nesse Mokkelbost, HR-sjef i Bjørgvin bispedøme, +47 93612276
Arbeidsstad
Voss
Nøkkelinformasjon:
Arbeidsgivar: Den norske kirkeReferansenr.: 4836018169
Stillingsprosent: 100%
Fast
Søknadsfrist: 11.08.2024
Om bedriften
Sektor
Offentlig
Nettsted
Annonsedata
Rapporter annonse- Stillingsnummer
2698654
- Sist endret
12. august 2024
- Hentet fra
talentech
- Referanse
583ff3db53b346ca8dae12bd284668c4