Politioverbetjent/politiførstebetjent - Tilrettelagte avhøyr
FEFE - Seksjon for etterforsking, Møre og Romsdal politidistrikt
Nedre Strandgate 50, 6005 Ålesund
Om jobben
Stillingstittel
Politioverbetjent - Tilrettelagte avhøyr
Type ansettelse
Fast
Antall stillinger
2
Har du erfaring eller vidareutdanning innan tilrettelagte avhøyr? Vi søkjer deg som vil bruke dei gode kommunikasjonsevnene dine innanfor eit viktig fagområde til fast stilling eller vikariat som politioverbetjent/politiførstebetjent.
I stillinga vil du ha tilrettelagte avhøyr av barn som primæroppgåve. Du vil også kunne utføre anna taktisk etterforsking i saker innan feltet seksuelle overgrep (SO) og grov vald. Arbeidsstad for stillinga er fortrinnsvis anten Ålesund, Ulsteinvik, Molde eller Kristiansund, men annan arbeidsstad kan bli vurdert dersom du ønskjer det.
Vi kan tilby eit sterkt fagmiljø med kollegaer som har lang erfaring og høg kompetanse innen fagområdet. Arbeidsoppgåvene er givande og krevande som følge av at ein ofte jobbar med mennesker i krise, og vi må levere arbeid av høg kvalitet for å ta vare på rettstryggleiken. Vi har eit særleg fokus på HMS, og vektlegg å ha eit godt arbeidsmiljø.
Avhengig av ønskt arbeidsstad vil du anten tilhøyre avsnitt for etterforsking av SO og grov vald Sunnmøre (Ålesund) eller avsnitt for etterforsking av SO og grov vald Nordmøre og Romsdal (Molde og Kristiansund). I stillinga vil du også ha eit tett samarbeid med seksjon for Statens barnehus i Ålesund, samt med avsnitt for kriminalteknikk og avsnitt for digitalt politiarbeid. Du må pårekne noko reiseverksemd.
Lengd på vikariatet er minimum seks månadar.
Arbeidsoppgåver
- Planlegge, gjennomføre og evaluere tilrettelagte avhøyr av barn
- Utføre anna taktisk etterforsking i saker innan eige spesialfelt
- Kan påleggast andre arbeidsoppgåver av leiar
Kvalifikasjonar
Nødvendig:
- Politi(høg)skulen
- Erfaring som etterforskar
- Norsk og engelsk skriftleg og munnleg
- Generell god IKT kunnskap, medrekna i politiet sitt saksbehandlingssystem og prosjektstyringsverktøy
Ønskeleg:
- Gjennomført vidareutdanning i tilrettelagte avhøyr av barn ved politihøgskulen eller kunne ta denne utdanninga
- Vidareutdanning innan etterforsking
- Erfaring som barneavhøyrer
- Gjennomført eller under utdanning i sekvensielle avhøyr
- Tilleggsutdanning innan fagfeltet grov vold, seksuelle overgrep eller digital etterforskning
Personlege eigenskapar
- Primæroppgåva i stillinga er arbeid med tilrettelagte avhøyr av barn. Derfor treng vi deg som har svært gode kommunikasjonsevner og tryggleik i yrkesrolla som kan kommunisere formålstjenlig med barn i avhøyr
- Det er også viktig med gode samarbeidsevner, då stillinga krev ei tett og god samhandling med Statens barnehus i Ålesund og dei geografiske driftseiningane i politidistriktet, samt eksterne samarbeidsparter
- Du er fleksibel og likar å finne løysingar når det oppstår akutte saker som krev umiddelbar respons frå avsnittet
- Du kan jobbe sjølvstendig og i team
Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og meiningsfylt arbeidsplass for deg som vil vere med på å forme politiet for framtida
- Fast stilling eller vikariat som politioverbetjent, stillingskode 0287 med brutto årslønn frå kr. 635 400 til kr. 720 100 / politiførstebetjent, stillingskode 0285, med brutto årslønn frå kr. 584 500 til kr. 679 700
- For særskilt kvalifiserte kan noko høgare lønnsplassering bli vurdert
- Godtgjersle etter gjeldande ATB
- Du kan få dekt eventuelle nødvendige flyttekostnadar etter nærmare avtale
- Medlemskap i Statens pensjonskasse, med blant annet gode pensjons- og forsikringsordninger (www.spk.no)
- Møre og Romsdal politidistrikt er ei IA-bedrift og er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar
Kontaktinformasjon
Hans Martin Gridseth, Fung. seksjonsleiar, 40236218Linn Breivik Erstad, Fung. driftseiningsleiar, +47 92813729
Arbeidssted
Nedre Strandgate 506005 Ålesund
Nøkkelinformasjon:
Arbeidsgiver: Møre og Romsdal politidistriktReferansenr.: 4835981616
Stillingsprosent: 100%
Fast stilling, Vikar
Søknadsfrist: 04.08.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Sektor
Offentlig
Nettsted
www.politiet.no/jobb
Annonsedata
Rapporter annonse- Stillingsnummer
2701261
- Sist endret
5. august 2024
- Hentet fra
talentech
- Referanse
2a6764d7d5d54457bf7e5cb79a6ea4cd