Operativ kriminalanalytikar
Felles eining for etterretning, førebygging og etterforsking, seksjon for etterforsking - Avsnitt for digitalt politiarbeid, Møre og Romsdal politidistrikt
Strandgata 2, 6415 Molde
Om jobben
Stillingstittel
Operativ kriminalanalytikar
Type ansettelse
Fast, heltid 100%
Arbeidstid
Turnus
Antall stillinger
1
Søk på jobben
Søk senest i morgen
Møre og Romsdal politidistrikt styrkjer arbeidet innan kamp mot organisert kriminalitet, kriminelle gjengar og kriminelle nettverk som del av den Nasjonale innsatsen mot kriminelle nettverk (KN). Politidistriktet har oppretta 15 nye stillingar til dette formålet.
Vi ser etter deg som:
- brennar for etterforskingsfaget og analyse
- er motivert til å arbeide kunnskapsdrive
- er kreativ
- er engasjert for – saman med andre - å skape resultat i denne satsinga
- er heilskapsorienterte
Det er vedteke at i Møre og Romsdal vil stillingane blir organisert under Felles eining for etterretning, førebyggjande og etterforsking (FEFE). Stillingane vil stedsplasserast i Molde.
FEFE består i dag av fire seksjonar, under dette seksjon for etterforsking, der avsnitt for digital politiarbeid er plassert. Det kan komme organisasjonsendringar som endrar dette som følgje av satsinga.
Om stillinga
Grunna komplekse straffesaker inneheld store mengder informasjon treng vi medarbeidarar som har kurs/utdanning innan operativt kriminalanalyse til å inngå i innsatsgruppa til seksjonen. Innsatsgruppa skal jobbe med både skjulte og opne straffesaker, og dessutan drive innhentingsarbeid i etterretningsøyemed.
Den som ansettast vil primært styrkje etterforskingskapasiteten til politidistriktet gjennom bearbeiding og nedbryting av informasjon i straffesaker og presentasjonar i retten. Operativ kiminalanalytikar er ofte beskrevet som høgrehanda til politifagleg etterforskingsleiar, og er definitivt ofte høgrehanda til aktor i straffesaker.
Arbeidsbelastninga vil variere, og kan i periodar vere krevjande, med kontinuerleg oppfølging av saker som krev innsats over lengre periodar. Du må rekna med reiseverksemd i og utanfor distriktet. Det leggast opp til turnusteneste med nokre helgevakter.
Arbeidsoppgåver
Drive operativ kriminalanalyse ved å samanlikne, analysere og visualiserar relevant innhenta informasjon i ein straffesak
- Trafikkdataanalyse
- Saksanalyse
- Komparativ analyse
- Bidra til omarbeidd informasjon som blir tilført registera til politiet
- Presentasjon og vurdering av ferdig etterforska materialet for påtalemakt og domstolar
- Andre oppgåver i avsnittet kan illegges av leiar
Kvalifikasjonar
Nødvendig
- Fullført og bestått Politihøgskule/politikule
- God kjennskap til Indicia og andre aktuelle datasystem
- Kurs i operativ kriminalanalyse
- Du må ha plettfri vandel og vere skikka for teneste i politiet. Politiattest (uttømmande og utvida) må innhentast ved eventuell tilsetjing, jf. politilova § 18 og politiregisterlova § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Ønska
- Vidareutdanning innan etterforsking eller tilsvarsande studiar
- Erfaring som operativ kriminalanalytikar
- Erfaring med skjult etterforsking
Personlege eigenskapar
- Du har gode samarbeidsevner
- Du er nøyaktig og etterretteleg
- Du er systematisk, analytisk og tolmodig
- Du er utviklingsorientert og evnar å sjå heilheitleg på samfunnsoppdraget
- Du brenner for etterforskingsfaget, er motivert til å arbeide kunnskapsdrive, er utoverretta, er engasjert for å skape resultat i denne satsinga og er heilskapsorientert
Som medarbeider i politiet har du høy etisk bevissthet, du kjennetegnes av å være modig og helhetsorientert, du viser respekt og er tett på. Du kan lese mer om våre etiske retningslinjer og medarbeiderplattform her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spennande arbeidsplass for deg som vil vere med på å forme politiet i framtida
- Stillinga blir lønna som politiførstebetjent, stillingskode 0285, i Møre og Romsdal politidistrikt med brutto årslønn frå kr 548 600,- til 646 000,-
- For særskilt kvalifiserte kan høgare lønnsplassering bli vurdert
- Godtgjersle etter gjeldande ATB
- Du vil bli medlem i Statens pensjonskasse som gir deg mange gode i tillegg til livsvarig alderspensjon. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du døyr, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsetjingsgoda dine på spk.no/medlemskap-i-spk.
- Fleksibel arbeidstid
- Mogelegheit for trening i arbeidstida
- Møre og Romsdal politidistrikt er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.
Kontaktinformasjon
Tom Erik Erlandsen, Avsnittsleiar, 92 41 02 57Linn Breivik Erstad, Fungerande driftseiningleiar, 92813729
Arbeidssted
Strandgata 26415 Molde
Nøkkelinformasjon:
Arbeidsgiver: Møre og Romsdal politidistriktReferansenr.: 4858728408
Stillingsprosent: 100%
Fast stilling
Søknadsfrist: 07.10.2024
Kontaktpersoner for stillingen
Linn Breivik Erstad
Fungerande driftseiningleiar
92813729
Tom Erik Erlandsen
Avsnittsleiar
92 41 02 57
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Sektor
Offentlig
Nettsted
www.politiet.no/jobb
Del annonsen
Annonsedata
Rapporter annonse- Stillingsnummer
2749698
- Sist endret
4. oktober 2024
- Hentet fra
talentech
- Referanse
0949e782f8a84faba6593e1dae206b8f