Hopp til innhold

Bibliotekar/bibliotekmedarbeidar

Arbeidsgiver

Vang folkebibliotek

Sted

Tyinvegen 5161, 2975 Vang i Valdres

Stillingsannonsen er inaktiv.

Om jobben

Stillingstittel

Bibliotekar/Bibliotekmedarbeidar - 100 % fast stilling

Type ansettelse

Fast, heltid 100%

Arbeidstid

Turnus, dagtid

Antall stillinger

1

Vang kommune i Valdres har ledig 100 % fast stilling som bibliotekar/bibliotekmedarbeidar.

Vang folkebibliotek, som held til på Vangstunet i Vang sentrum, er ei avdeling i etat for utdanning og kultur og har ca. 2 årsverk. Biblioteket har lyse og flotte lokale, og er ein aktiv kulturinstitusjon i kommunen.
Biblioteket ynskjer å ha ei aktiv samfunnsrolle, og driv brei formidlingsaktivitet. Vi har godt samarbeid med ulike institusjonar, frivillige organisasjonar og har eit regionalt samarbeid med biblioteka i Valdres. Det siste året har vi m.a. hatt barnehagebesøk, høgtlesing på aldersheim, festivalbibliotek på Vinjerock og i tett samarbeid med skulen og skulebiblioteket arrangert 3 veker litteraturfestival for 1.-10. klasse og barnebokbad.

Vang frivilligsentral er samlokalisert med biblioteket. Saman tilbyr vi mange ulike arrangement som digikafe, språkkafe, kviss, kreative verkstad og konsertar m.m.


Arbeidsoppgåver

I denne stillinga skal du mellom anna: 

  • ha faste skrankevakter med vanleg publikumsarbeid, også kveld og helg (kvar 3-laurdag)
  • formidle litteratur både i og utanfor det fysiske biblioteket
  • vere med å halde biblioteket sine samlingar allsidige og aktuelle
  • samarbeide og samskape med innbyggarar, lag og foreiningar
  • delta i arbeidet med å utvikle biblioteket til ein attraktiv og inkluderande stad å vere
  • vere med på å marknadsføre biblioteket i sosiale media
  • katalogisere m.m., dersom du har bibliotekutdanning

Kvalifikasjonar

Du som skal jobbe hjå oss

  • er levande oppteken av litteratur og formidling
  • har gjerne relevant utdanning
  • har gjerne erfaring med bibliotekarbeid
  • har interesse for litteratur og biblotekarbeid
  • har god digital kompetanse
  • har gode norskkunnskapar, munnleg og skriftleg tilsvarande minimum B2

Personlege eigenskapar

Vi ønsker ein kollega med godt humør, kreativitet og lyst til å utvikle bibliotektenester for og med innbyggarane i Vang. Du har gode samarbeidsevner, er allsidig og glad i folk. Du bør vere komfortabel med å snakke i forsamlingar. Personlege eigenskapar og eignaheit for stillinga blir vektlagt. 

Vi tilbyr

  • eit godt arbeidsmiljø
  • arbeidstid i arbeidsplan som omfattar kveldsvakter og laurdagsvakter. Ein må også rekne med noko arbeid på kveld i samband med arrangement
  • løn etter tariff og arbeidsvilkår etter gjeldande lov- og avtaleverk
  • gode pensjons- og forsikringsordningar

Vang kommune nyttar nynorsk som målform
Tilsetting skjer på gjeldande vilkår i kommunal sektor

Kontaktinformasjon

Marianne Riste, Bibliotekssjef, 93249763, marianne.riste@vang.kommune.no

Arbeidssted

Tyinvegen 5161
2975 Vang i Valdres

Nøkkelinformasjon:

Arbeidsgiver: Vang Kommune

Referansenr.: 4783829398
Stillingsprosent: 100%
Fast
Søknadsfrist: 07.04.2024

Om bedriften

Vang kommune som arbeidsgjevar: 

  • Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
  • Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!

Å bu i Vang kommune: 

  • Ei storstilt satsing på barn og unge!
  • Ein kombinert barne - og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
  • Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr
  • Helse og omsorgstenester av god kvalitet
  • Vang kommune har personalbustadar til leige, med butid opptil 3 år
  • Byggeklare tomter fleire stadar i kommunen, alle med fantastisk utsikt!
  • I Vang finn du 2 solide kontorfellesskap, gjer som fleire andre og ta med deg arbeidet til Vang!
  • Både i Vang og resten av Valdres finn du eit yrande kulturliv, der tradisjon står i høgsete,  med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
  • I Vang står lag, foreiningar og idrett sterkt, her finn du aktivitetar for einkvar smak!
  • Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg!  Vang blir sagt å ha "vestlandsfjell med austlandsklima", og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
  • I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
  • Meir info om korleis det er å bu i Vang og kva som skjer i Vang finn du her på VangiValdres. Kontakt gjerne Innovangsjon direkte om du tenker på å flytte til Vang!
  • Meir info om arbeids - og bumarkedet Valdres finn du på VelgValdres

 

 

Vang kommune er opptatt av mangfold og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn. 

Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det. 

 

Sektor

Offentlig

Annonsedata

Rapporter annonse
Stillingsnummer

2596845

Hentet fra

talentech

Referanse

ab5db8cb764a4fada6d0c1385fde78db