Funksjonsleiar
Org. nr: - Stillingsident: 4368312812 Presentasjon av stillingen:
Ønsker du å vera vår nye funksjonsleiar ved Helse Fonna HF sin spesialiserte rehabiliteringsdøgnpost? Vi har ledig fast funksjonsleiarstilling ved Seksjon fysikalsk medisin og rehabilitering. Ved rehabiliteringsdøgnposten har vi ni plassar, og tilbodet er ope 365 dagar i året. Vi har legespesialistar, sjukepleiarar, hjelpepleiarar, fysioterapeutar, ergoterapeutar, logoped og nevropsykolog. Seksjonen gir spesialisert tverrfagleg utreiing, behandling og rehabilitering til mange pasientgrupper.
Arbeidsoppgåver
Funksjonsleiar ved spesialisert rehabiliteringsdøgnpost er næraste leiar til pleiepersonalet i døgnposten. Funksjonsleiar rapporterer til seksjonsleiar og er del av seksjonen sitt leiarteam. Funksjonsleiar skal sikra at den daglege drifta i eininga er i samsvar med oppdraget vårt; å gje eit tverrfagleg spesialisert rehabiliteringstilbod til befolkninga til Helse Fonna HF. Ein viktig del av jobben er å leggja til rette for og stimulera til eit godt arbeidsmiljø og eit godt tverrfagleg samarbeid i seksjonen. Funksjonsleiar har ansvar for å sikra bemanning gjennom rett person/ kompetanse på rett plass til rett tid. Vidare skal funksjonsleiar ha oversikt på alle innlagte pasientar i eininga med tanke på plan for innlegging, logistikk og samhandling med kommune ved utskriving. Funksjonsleiar skal sjå til at eininga nyttar vedtekne retningslinjer og prosedyrar, og at eininga gir sjukepleiefagleg forsvarleg pasientbehandling. Det er funksjonsleiar som har ansvar for å leggja til rette for god praksisopplæring for studentar, elevar og lærlingar. Funksjonsleiar deltar i strategiarbeid og utviklingstiltak i samarbeid med seksjonsleiar og seksjonsoverlege.
Kvalifikasjonar
- Norsk autorisasjon som sjukepleiar.
- Beherska norsk språk både munnleg og skriftleg; for søkjarar med anna morsmål, må ein ha bestått aktuell norsk språktest; Bergenstesten.
- Det er ein fordel med klinisk erfaring frå sjukehus/ spesialisthelsetenesta.
- Det er ein fordel med klinisk erfaring innan tverrfagleg rehabilitering.
- Det er ein fordel om søkjar har relevant vidareutdanning innan tverrfagleg rehabilitering.
- Det er ein fordel om søkjar har leiarerfaring og/ eller leiarutdanning.
Personlege eigenskapar
Vi søkjer etter ein funksjonsleiar som:
- er engasjert og motivert for å gjera ein god jobb
- har gode kommunikasjons- og relasjonsferdigheit
- er god på tverrfagleg samarbeid
- er god til å arbeida sjølvstendig
- har høg arbeidskapasitet
- er god på å jobba effektivt, strukturert og målretta
- har omsorg for medarbeidarane og ser verdien av å oppretthalda eit godt arbeidsmiljø
Vi tilbyr
- Lønn i samsvar ned gjeldande overeinskomst
- Gode pensjons- og forsikringsordningar
- Arbeid i lag med dyktige medarbeidarar
- Godt arbeidsmiljø
Kontaktinformasjon
Marianne Hollund Espeland, Avdelingsleiar, 4795234329
Arbeidsstad
Tysevegen 64
5416 STORD
Søk på stillinga:Klikk her
Nøkkelinformasjon:
Arbeidsgivar:Helse Fonna HF
Referansenr.:4368312812
Stillingsprosent: 100%
Fast
Startdato: 01.06.2021
Søknadsfrist: 11.04.2021
Om bedriften
Helse Fonna har rundt 4000 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland. Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar. Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
For å bli betre kjend med oss, kan du sjå www.helse-fonna.no. Følg oss også gjerne på Facebook.