Førstekonsulent/rådgivar innan våpenforvaltning

Vil du bidra i politiet sitt viktige arbeid på forvaltningsområdet? Vi har no ledig to spennande stillingar som rådgivar/førstekonsulent i Møre og Romsdal politidistrikt, ei fast stilling og ei mellombels stilling tom 31.desember 2025.

Vi ser etter deg som har motivasjon og erfaring/interesse for forvaltning. Du er ein positiv miljøskapar, effektiv og har evne til å takle eit høgt arbeidstempo. Du kommuniserer godt, har lærevilje, er sjølvstendig og strukturert.

Stillinga er for tida organisert ved Seksjon for forvaltning som er ein av fire seksjonar under Felles eining for utlending, forvaltning og sivil rettspleie (FUFSR). Seksjonen har ansvaret for forvaltningsområda til politiet, under dette våpen, førarkort, køyresetlar, vedtakslinje pass/id-kort, vaktverksemd, brukthandel og hundesaker.

Forvaltningsseksjonen har elleve tilsette med variert bakgrunn, utdanning, erfaring og alder. Seksjonen har medarbeidarar lokalisert ved Kristiansund politistasjon og Hustadvika politistasjon. Arbeidsstad for begge dei ledige stillingane er Hustadvika politistasjon, der saksbehandlarstillingane på våpenforvaltninga er samlokalisert.

Medarbeidarane på seksjonen ivrar for forvaltningsoppgåvene til politiet og moglegheita forvaltningssporet gir til å førebyggje kriminalitet og ulykker. Vi jobbar etter prinsippa i medarbedeiderplattforma som er å vere modig, heilskapsorientert, vise respekt og vere tett på.

Arbeidsoppgåver

• Saksbehandling innan forvaltningsgjeremålet til politidistriktet, med hovudvekt på våpenforvaltninga til politiet
• Saksbehandling innan andre forvaltningsgjeremål må påreknast
• Kontrollar/saksbehandling i samband med forvaltningskontroll, mellom anna opp mot våpenforhandlarar, skyttarlag, våpeneigarar
• Bidra til kriminalitetsførebygging gjennom kontroll/saksbehandlingsoppgåver
• Legge til rette for kunnskapsbasert erfaringslæring – bidra til kompetansedeling innan forvaltningsområdet
• Eksterne foredrag og/eller rettleiing av samarbeidspartnarar
• Kan påleggast andre arbeidsoppgåver

Kvalifikasjonar

Nødvendig:

• Relevant høgare utdanning, minimum bachelorgrad. Særleg relevant praksis og realkompetanse kan erstatta kravet om utdanning
• Kjennskap til norsk offentleg forvaltning og saksbehandling
• God munnleg og skriftleg formidlingsevne på norsk
• God munnleg formidlingsevne på engelsk
• God digital kompetanse

For rådgivar gjeld følgande i tillegg:

• Minimum tre års relevant erfaring frå offentleg forvaltning og saksbehandling
• Særs god munnleg og skriftleg framstillingsevne på norsk

Ønskeleg:

• Kurs/studier innenfor forvaltning/juridiske fag
• Erfaring frå arbeid med forvaltningsoppgåvene til politiet
• Relevant arbeidserfaring frå offentleg forvaltning og saksbehandling
• God kjennskap til saksbehandlingssystema i politiet og registra til politet
• God skriftleg formidlingsevne på engelsk

Andre krav:

• EIn må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
• Utdanning frå utlandet må vere godkjent av Nasjonalt organ for kvalitet i utdanning (NOKUT) eller Direktoratet for høyere utdanning og kompetanse. Søknader som ikkje har vedlagt slik godkjenning vil ikkje bli behandla.

Personlege eigenskaper

• Du har evne til å ta sjølvstendige vurderingar, ta initiativ og ansvar
• Du er engasjert og fagleg nysgjerrig
• Du har evne til å kommunisere klart og tydeleg, både skriftleg og munnleg, og tilpasse deg ulike målgrupper
• Du har stor arbeidskapasitet og er god på å handtere stress, med evne til å prioritere og jobbe effektivt og strukturert
• Du er motivert og positiv, med evne til å bidra til et godt fag- og arbeidsmiljø

Personlege eigenskapar og motivasjon for stillinga vil bli tillagt stor vekt.

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjer våre og medarbeidarplattform her:  https://www.politiet.no/om-politiet/jobb-i-politiet/medarbeiderplattform/ 

Vi tilbyr

• En utfordrande og spennande arbeidsplass for deg som vil vere med og forme framtidas politi.
• Stillingane blir lønt som rådgivar (stillingskode 1434), frå kr. 548 600,- til 646 000,- brutto per år eller førstekonsulent (stillingskode 1408) frå kr. 495 200,- til 565 900,-
• Varigheit for mellombels stilling er til og med 31.12.2025.
• Endeleg plassering i stillingskode og lønn er avhengig av kompetanse og kvalifikasjonar.
• For særskilt kvalifiserte kan noko høgare lønnsplassering bli vurdert
• Endeleg plassering i stillingskode og lønn er avhengig av kompetanse og kvalifikasjonar.
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du går bort, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskasse.
• Fleksibel arbeidstid
• Moglegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Sissel Straume Brevik, Seksjonsleiar, 97140982

Arbeidsstad

Torget 8
6440 Elnesvågen

Nøkkelinformasjon:

Arbeidsgivar: Møre og Romsdal politidistrikt

Referansenr.: 4916300101
Stillingsprosent: 100%
Fast stilling, Førebels
Søknadsfrist: 27.02.2025