ID 926 Reinhaldsoperatør på kommunale bygg
Fitjar kommune søkjer reinhaldsoperatør til to stillingar:
- 50 % fast stilling
- 50 % vikariat til 31.august 2024 med mogleg forlenging
Stillinga høyrer til under etaten Samfunnsutvikling og drift, som har ansvaret for reinhald på skuler, barnehager, rådhus, brannstasjon og bygg knytt til teknisk drift. Arbeide foregår på dagtid og du må kunne starte kl. 06:00 om morgonen.
++Arbeidsoppgåver++
- Reinhald på dei aktuelle bygga, både dagleg og periodisk reinhald, golvbehandling og hovudreingjering.
++Kvalifikasjonar++
- Fagbrev som reinhaldsoperatør, eventuelt erfaring kan kompensera for fagbrev
- Sertifikat for bil, klasse B og disponera bil i jobb
- Kan arbeide sjølvstendig, men og kunne arbeide i team
- Me nyttar norsk som arbeidsspråk, og søkjarar bør ha gode skriftlege og munnlege norskkunnskapar
- Grunnleggjande datakunnskaper
++Personlege eigenskapar++
Våre reinhaldarar er nøyaktige, effektive og sjølvstendige. Dei er positive, fleksible og serviceinnstilte og saman med dei andre tilsette bidreg dei til at me har eit godt arbeidsmiljø.
Det vil bli stilt krav til gyldig politiattest ved tilsetting.
Kontaktperson for stillingen
Om bedriften
Fitjar er ein kommune i Sunnhordland i Vestland fylke ca 1,5 time sør frå Bergen sentrum, og er ein øykommune som ligg vakkert til nord på øya Stord. Her vil du framleis finne eit urørt kystlandskap, ein unik skjergard med idylliske vikar og om lag 380 øyar, holmar og skjær. Øya har også flotte fjellandskap med mange merka turstiar.
Fitjar er ein framtidsretta kommune med spanande moglegheitar. Kommunen har ca. 3200 innbyggjarar, gode buforhald, eit levande lokalsamfunn og eit næringsliv i utvikling.