Vaktmeister
Kommunalområdet Utvikling og forvaltning er ei eining med om lag 35 tilsette og blir leia av kommunalsjefen. I denne eininga inngår servicekontor, kultur- og næring, folkehelse og frivilligarbeid, plan- og byggesak, FDV (forvaltning, drift og vedlikehald), brann/redning/beredskap , utbyggingsprosjekt og Austevollbadet.
Arbeidsstad
FDV har 9 tilsette og driv med forvaltning, drift og vedlikehald av kommunen sin eigedom; bygg, vegar, idrettsanlegg og kaiar. FDV har ansvar for oppfølging av teknisk tilsyn, forbruk av energi, dagleg reinhald og vedlikehald. FDV har base på Austevoll brannstasjon og det er eit tett samarbeid med brann/redning/beredskap. Eininga har eit godt arbeidsmiljø og er i utvikling for å møta nye utfordringar og oppgåver. For tida legg vi om til ny organisasjonsmodell der oppdrag blir varsla inn i eit system og fordelt vidare etter prioritet (bestillar/utførarmodell).
Ansvars- og arbeidsoppgåver
- vedlikehald- og reparasjonsarbeid på kommunen sine eigedommar, herunder drift av fyringsanlegg/varmegjenvinning og ventilasjonsanlegg.
- ansvar for utendørsanlegg og søppelhandtering
- rapporteringsansvar når det oppstår feil på kommunale bygg, installasjonar eller maskiner.
- oppgåver knytt til branntryggleik.
Kvalifikasjonar
- Fagbrev innan byggfag eller anna relevant fagbrev
- Erfaring som vaktmeister eller arbeid innan handverksfag
- Erfaring med bruk av ulike dataverkty er ein fordel
Vi søkjer deg som har gode samarbeidsevner, er løysningsorientert, har stor arbeidskapasitet og serviceretta. Du må ha fokus på tryggleik.
Vi tilbyr:
- Moglegheit for fagleg utvikling i eit godt og positivt fagmiljø
- Spanande utfordringar
- Løn etter kvalifikasjonar
- Gode pensjons- og forsikringsordningar
Det er ynskjeleg at ansatte i FDV kan vere med i brannvesenet som deltidspersonell.
Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort. Link til søknadsskjema: Send søknad For mer informasjon kontakt: , Olav Jarnes, Tlf: 55081020, Epost: olav.jarnes@austevoll.kommune.no
Om bedriften
Austevoll er ei øygruppe og ein kommune i Midthordland. Austevoll er landets største fiskerikommune, har svært høg næringsaktivitet, verdiskaping og byr på eit mangfald av spennande jobbar. Kommunen har eit folketal på 5.200 innbyggjarar. Nærleiken til Bergen gjer at rundt 700 bergensarar og andre naboar dagleg jobbpendlar til Austevoll. Vi har eit rikt kulturliv og kommunen har i dag omlag 240 fast tilsette som opptekne av å gje innbyggjarane våre gode kommunale tenester. Administrasjonsmålet i kommunen er nynorsk. Austevoll kommune byggjer på verdiane truverd, respekt, openheit, mot og profesjonalitet.