NAV Økonomiteneste søker HR-rådgjevar

Er du ein dyktig HR-rådgjevar som meistrar kunsten å balansere strategisk og operativt HR-arbeid? NAV Økonomiteneste ser etter deg som vil spele ei viktig rolle i arbeidet med nærversarbeid, helse, miljø og sikkeherheit (HMS) og etterleving av strategiane våre. I tillegg vil du jobbe med rekruttering, lønnsadministrasjon og andre HR-relaterte oppgåver. Dette er ei spennande rolle der du jobbar tett med leiargruppa og direktøren ved NAV Økonomiteneste.

Vi ser etter deg som likar å jobbe med menneske, er god på samarbeid og å bygge gode relasjonar. Du ser viktige detaljar, samstundes som du har eit heilskapsperspektiv i arbeidet. Vidare er du strukturert og kan jobbe sjølvstendig og levere med riktig kvalitet til fastsette fristar.  

Vi har no ei ledig fast stilling som HR-rådgjevar ved NAV Økonomiteneste, i seksjonen Fagstøtte. Nokre av arbeidsoppgåvene til seksjonen er: 

• Verksemdsstyring og organisasjonsutvikling
• Prosjektstøtte og utvikling
• Automatisering av prosessar ved bruk av RPA
• Opplæring i NAV på økonomiområdet
• 1. linje brukarstøtte for spørsmål om tid, lønn, reise og faktura internt i NAV

Arbeidsoppgåver

• Vere leiarstøtte og gje opplæring innan aktuelle område som til dømes samtaleteknikk, oppfølging av sjukmeldte
• Følgje opp IA-avtalen (inkluderande arbeidsliv)
• Utarbeide HMS-plan og sikre gjennomføring av planlagde tiltak
• Førebu og gjennomføre lønnsforhandlingar
• Praktiske oppgåver knytt til lønn og personaloppfølging
• Rekruttering og kompetansebygging i samsvar med strategien vår
• Lage statistikkar, rapportar og gjennomføre analyser innanfor fagområdet HR
• Delta i NAV sitt HR-nettverk
• Vere fagleg oppdatert på HR-området og følgje opp at leiarar og tilsette har naudsynt kompetanse
• Ivareta sekretariatfunksjon i Arbeidsmiljøutvalet (AMU) og Medbestemmelsesapparatet (MBA)

Kvalifikasjonar

• Høgare utdanning på minimum bachelor-nivå og/eller relevant arbeidserfaring
• Erfaring frå offentleg sektor
• Kunnskap om lov- og avtaleverk som Statens personalhandbok, Arbeidsmiljølova og Hovudtariffavtalen i Staten
• God på munnleg og skriftleg kommunikasjon på norsk
• Kjennskap til system som Webcruiter, Unit4, sak/arkiv-system og statistikkverktøy som Tableu er ein fordel
• Rettleiarkompetanse er ein fordel

Personlege eigenskapar

• Du likar å ta ansvar og er god til å drive prosessar
• Du er god på samarbeid
• Du likar å jobbe med menneske
• Du er profesjonell og kjenner rolla di

Personlege eigenskapar blir lagt stor vekt på.

Vi tilbyr

• Eit godt og inspirerande arbeidsmiljø med spanande oppgåver.
• Gode personlege og karrieremessige utviklingsmoglegheiter. 
• Familievenleg personalpolitikk med gode velferdsordningar. Gode arbeidstidsordningar med fleksitid og trening i arbeidstida.
• Lønn som rådgjevar/seniorrådgjevar i lønnspenn 565 900-692 400 kr brutto per år. For spesielt kvalifiserte søkarar kan høgare lønn vurderast. 
• God pensjonsordning gjennom Statens pensjonskasse.
• Arbeidsstad er Leikanger, og vi praktiserer hybrid arbeidsplass med moglegheit for heimekontor inntil to dagar i veka. 
  

Kontaktinformasjon

Andrea Paulsen, Fungerande seksjonsleiar Fagstøtte, 97 98 15 48

Arbeidssted

 

Nøkkelinformasjon:

Arbeidsgiver: NAV

Referansenr.: 4857978798
Stillingsprosent: 100%
Fast
Søknadsfrist: 26.09.2024