Vil du bli teaterlærar i Bømlo kulturskule?

Me ser etter deg som ynskjer å bidra til å utvikle elevane sine ferdigheiter og interesse for teater. 

Kulturskulen i Bømlo tilbyr eit bredt spekter av undervisning innan musikk, dans, teater og billedkunst. Har du ein sterk lidenskap for teater og undervisning, som smittar over på elevane? Då vil me gjerne at du søker stilling hos oss!

Kulturskulen er ein viktig del av eit rikt kulturliv i Bømlo kommune og står bl.a. bak Mostraspelet og andre store musikalar. Med ca. 500 elevar har me eit levande og aktivt miljø for kreativ utvikling. Me held til i flotte lokaler i Bømlo kulturhus. Her disponera me øvingsrom, konsertsal, blackbox, arbeidsrom, kontor for skulen sin administrasjon og dansesal. 

Undervisninga vil foregå på ettermiddag, kveld og i helgar. 

Tiltreding: 01.08.2025, eller etter avtale.

Arbeidsoppgåver

Me har ei 100 % teaterstilling fordelt på to lærarar i kulturskulen med til saman 70 elever. Stillinga me no lyser ut utgjer 30% av denne.
Teaterelevane er organisert i Bømlo barne – og ungdomsteater. Undervisninga er lagt til kulturskulens blackbox. 

• Planlegging av undervisningsplaner.
• Undervise, lede klasser, gi tilbakemelding og rettleiing.
• Organisere og regissere teaterforestillingar.
• Fremje lagånd og samarbeid blant elevane.
• Samarbeid med styret i Bømlo barne- og ungdomsteater.
• Andre administrative oppgåver og koordinering.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Relevant fagleg utdanning og pedagogisk kompetanse.
• Produksjonserfaring frå arbeid med barn og ungdom innan teater. Både små og store forestillingar.
• Gode munnlege og skriftlege norskkunnskapar.
• Erfaring frå tverrfaglege produksjonar innan teater, dans og musikk.
  

Den som vert tilsett må kunna leggja fram politiattest.

Personlege eigenskapar

• Du er kreativ og inspirerer elevar til å utforske nye idear.
• Du har gode kommunikasjons- og formidlingsevner.
• Du er tålmodig og støttande og viser forståelse for elevane sine behov. 
• Du motiverer og kan lede en gruppe, samt gjennomføre prosjekter.
• Du kan tilpasse deg ulike situasjonar og endringar.
  

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Aktuelle søkjarar vil bli kontakta for intervju og praktisk prøve, der personlege eigenskapar vert tillagt stor vekt. 

Vi tilbyr

• Varierte og spennande arbeidsoppgåver i ein flott kommune.
• Gode arbeidstilhøve i trivelege lokale.
• Løn og arbeidsvilkår i samsvar med gjeldande lov og avtaleverk, samt gode lokale særavtalar.
• Gode offentlege pensjons- og forsikringsordningar.
• Medlemskap med tilsettegoder i velferdsklubben.
  

Andre opplysingar

• Det vert stilt krav om politiattest ved tilsetjing etter Opplæringslova § 10-9.
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med rektor i Bømlo kulturskule Stein Høyland. 

Kontaktinformasjon

Stein Høyland, 928 65 283, stein.hoyland@bomlo.kommune.no

Nøkkelinformasjon:

Arbeidsgivar: Bømlo kommune

Referansenr.: 4920881563
Stillingsprosent: 30%
Fast
Søknadsfrist: 26.02.2025