Rådgjevar for PPT og OT
Om arbeidsgiver:
Rettleiingstenesta er ei ny spanande brukarnær teneste i vidaregåande opplæring i Vestland fylkeskommune. Vi skal bidra til lærelyst og fremje læring for elevar og lærlingar. Dette gjer vi gjennom å følgje opp lærlingar, støtte ungdom utanfor opplæring, rettleie vaksne og yte pedagogisk psykologiske tenester.
Har du interesse for læring og lærelyst? Har du erfaring med rettleiing? Er du god til å samarbeide med andre ? Likar du ein hektisk kvardag? Då har vi ei interessant stilling til deg, som:
Om stillingen:
Rådgjevarar i rettleiingstenesta – Indre Vestland
Rådgjevar for PPT og OT - 100 % stilling
Nærare om oppgåvene til rettleiingstenesta
- tenesta skal hjelpe og samhandle med bedrifter og skular om å legge opplæringa til rette slik at den sikrar gjennomføring av vidaregåande opplæring
- den pedagogisk-psykologiske tenesta skal sørgje for at det blir utarbeidd sakkunnig vurdering der lova krev det
- delta for å skape eit tett samarbeid med arbeidsliv og andre offentlege instansar som t.d. NAV, grunnskulen, helsesøster, barnevern, BUP
- hjelpe skular og lærebedrifter med kompetanseheving og organisasjonsutvikling
- arbeide med pedagogisk rettleiing i bedrifter og skular
- arbeide førebyggande i bedrifter og skulane slik at ungdom gjennomfører vidaregåande opplæring
- hjelpe ungdom tilbake i vidaregåande opplæring
- etablere kontakt med og ha oversikt over ungdommar i målgruppa
- formidle tilbod om opplæring, arbeid eller kompetansefremjande tiltak, eller kombinasjonar av desse
Rådgjevaren sine oppgåver
Bidra til at rettleiingstenesta leverer tenester med høg fagleg kvalitet i elevane og lærlingane sine læringsmiljø ved å:
- hjelpe skular og lærebedrifter med kompetanseheving og organisasjonsutvikling for å legge opplæringa betre til rette for elevar og lærlingar med særlege behov
- arbeide førebyggande slik at ungdom gjennomfører vidaregåande opplæring
- utarbeide sakkunnige vurderingar ved hjelp av mellom anna kartlegging, observasjon og testing
- vere kontaktperson for lærebedrifter og skular
- samhandle tett med skular, opplæringskontor og lærebedrifter og andre offentlege instansar
- bidrar til å skape fleirfaglege kompetanse i rettleiingstenesta
- halde kontakt med og bruke tilgjengelege nettverk til å formidle tilbod til ungdom utanfor opplæring og arbeid
Kompetansekrav
Personlege eigenskapar
- lærevillig, fleksibel og evne til å tileigne seg ny kunnskap
- er reflektert og løysingsorientert
- er inkluderande og byggjer gode relasjonar
- har gode kommunikasjonsevner og evne til samarbeid
- har stort engasjement og evne til å motivere
- evne til å arbeide med og løyse problemstillingar i team
- arbeider strukturert, systematisk, sjølvstendig og målretta
Kvalifikasjonar
Masternivå frå universitet eller høgskule i relevante fag som pedagogikk, spesialpedagogikk, psykologi og:
- arbeidserfaring minimum 5 år
- kunnskap om lov, regelverk og offentleg forvalting
- god munnleg og skriftleg framstillingsevne i norsk
- evne til å tenke analytisk
- god systemforståing
- rettleiingskompetanse og erfaring frå vidaregåande opplæring/ungdomsskule
Den som vert tilsett må kunne nytte eigen bil i tenesta.
Den som vert tilsett må legge fram politiattest av nyare dato, jf. Opplæringslova §10-9.
Vi kan tilby:
- gode vilkår for fagleg utvikling
- eit spanande og breitt fagleg fellesskap
- løn etter avtale
- dekking av flytteutgifter
- gode forsikrings– og pensjonsvilkår
Vestland fylkeskommune nyttar nynorsk. Kontorstad er Høyanger 4 dagar i veka og Sogndal 1 daga i veka. Stillinga inneber ein del reiseverksemd, så søkar må ha førarkort kl. B.
Nærare opplysningar om stillinga får du ved å vende deg til områdeleiar Tor-Einar Holvik Skinlo tlf. 958 39 029 eller leiar for rettleiingstenesta Indre Vestland Frode Kristian Grøttebø tlf. 976 53 769
Meir informasjon om Vestland fylkeskommune finn du på http://www.vlfk.no
Søknad sender du ved å bruke elektronisk søknadsskjema du finn i søknadsbildet.
Opplysningar om søkarane kan bli offentleggjort sjølv om søkaren har bedt om å vere unnateke søkarlista. Søkar vil bli orientert om dette på førehand. Kopi av vitnemål og attestar tek du med deg til eit eventuelt intervju.
Om bedriften
Om Sogn og Fjordane
Sogn og Fjordane er fylket midt på Vestlandet i Noreg.
Det strekkjer seg frå kysten i vest og inn til langfjella i aust.
Geografien er variert og storslått og gjer fylket til ein turistattraksjon i seg sjølv.
Vi har kysten og storhavet, djupe fjordar, kalde brear og høge fjell.
Vi har den lengste fjorden og den største breen i landet.
Næringslivet i Sogn og Fjordane er i stor grad basert på ressursane naturen byr på, som landbruk, fruktdyrking, fiske, fiskeoppdrett, reiseliv, maritim verksemd og kraftproduksjon. Industri har også vore, og er svært viktig for fylket. Vi har næringsklynger innan blant anna høgteknologisk industri, maritim og offshore, finans og økonomi, design og energi og IKT. Fleire IKT-gründerar har etablert seg i fylket. Dette er ein bransje i vekst, og Sogn og Fjordane er eit lite fylke, der gründertankar kan realiserast raskt.
Sogn og Fjordane grensar mot Hordaland i sør, Møre og Romsdal i nord og Oppland og Buskerud i aust.