Er du vår nye inndragingsspesialist?
FEFE - Avsnitt for etterforsking av økonomi-/miljøkrim., Møre og Romsdal politidistrikt
Nedre Strandgate 50, 6005 Ålesund
Om jobben
Stillingstittel
Er du vår nye inndragingsspesialist?
Type ansettelse
Fast
Arbeidsspråk
Norsk
Antall stillinger
1
Møre og Romsdal politidistrikt har oppretta ei ny stilling som inndragingsspesialist for å styrke politidistriktet sitt arbeid med å bekjempe profittmotivert kriminalitet.
I stillinga som inndragingsspesialist vil du vere ein ressurs og pådrivar i politidistriktet for å utnytte potensialet som ligg i å bruke inndragning aktivt til å ta ifrå kriminelle deira verktøy til kriminalitet. Arbeidskvardagen vil bestå av metodeutvikling, opplæring så vel som praktisk arbeid i saker retta mot inndragning av verdiar.
Som inndragingsspesialist tilhøyrer du eit profesjonelt fagmiljø ved avsnitt for etterforsking av økonomisk og miljøkriminalitet, og vil ha ansvar og arbeidsoppgåver i heile Møre og Romsdal politidistrikt. Ein viktig del av jobben blir å drive opplæring og rettleiing i politidistriktet. Du må pårekne noko reiseaktivitet, men evnen til å samhandle digitalt er viktig.
Vi søkjer deg som er initiativrik, sjølvstendig og som har god gjennomføringsevne.Du fungerer godt i eit travelt arbeidsmiljø, og har evne til omstille deg og vere allsidig for å kunne bistå med dei øvrige arbeidsoppgåvene ved seksjonen. Har du også interesse og evne til å utvikle og motivere andre medarbeidarar innan fagfeltet kan dette vere rette stillinga for deg. Personleg eignaheit, motivasjon for stillinga og fagleg kompetanse vil bli vektlagt.
Avsnitt for etterforsking av økonomisk og miljøkriminalitet er organisert ved seksjon for etterforsking, FEFE. Oppmøtestad for stillinga er ved politihuset i Molde eller i Ålesund. Annan arbeidsstad kan bli vurdert dersom du ønskjer det.
Arbeidsoppgåver
- Fag- og metodeansvar for inndraging
- Rettleiing og undervising innan etterforsking og fagområdet
- Gi praktisk støtte og bistand i etterforsking knytt til fagområdet
- Etablere og utvikle nettverk og samarbeidsrutinar internt og eksternt innan fagområdet
- Vere politidistriktet sin kontaktperson på fagområdet og delta i lokale og nasjonale fagnettverk
- Vere oppdatert på fagområdet, bidra aktivt til fag-/metodeutvikling og systematisk forbetringsarbeid
- Bidra til seksjonen si totale oppgåveløysing etter behov og kapasitet
Kvalifikasjonar
Nødvendig:
- Fullført Politi(høg)skule
- Brei etterforskarerfaring og minst tre års erfaring frå politiet
- God fenomenforståing og kunnskap om etterforsking og inndraging
- God munnleg og skriftleg framstillingsevne
- God kunnskap om og erfaring med bruk av politiet sine straffesaks- og etterretningssystem
- Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
For å kvalifisere til stilling som politioverbetjent må ein i tillegg ha minst tre års erfaring frå etterforsking innan fagfeltet økonomisk kriminalitet, og relevant vidareutdanning innan etterforsking og/eller erfaring frå tverretatleg samarbeid.
Ønskeleg:
- Erfaring frå etterforsking av økonomisk kriminalitet
- Erfaring frå samarbeid på tvers av etatar, distriktsgrenser og/eller profesjonar
- Erfaring frå opplæring- og undervising
- Relevant vidareutdanning i etterforsking, herunder PHS' "Inndragning og pengespor" og PHS' "Veiledningspedagogikk modul 1", "Videreutdanning innen etterforskning(VEF)"
- Kunnskap og forståing for politiet sin primærstrategi kriminalitetsførebygging
Personlege eigenskapar
- Initiativrik med god evne til å arbeide sjølvstendig
- Resultatorientert med god gjennomføringsevne
- Gode evner til samarbeid, kommunikasjon og relasjonsbygging
- Evne til og interesse for å motivere og drive utvikling
Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spennande arbeidsplass for deg som vil vere med på å forme politiet i framtida
- Fast stilling som politiførstebetjent 0285, brutto årslønn frå kr. 584 500 til kr. 679 700 eller som politioverbetjent 0287, brutto årslønn frå kr. 657 300 til kr. 720 100
- For særskilt kvalifiserte kandidatar kan noko høgare lønnsplassering bli vurdert
- Godtgjering etter gjeldande ATB
- Du vil bli medlem i Statens pensjonskasse som gir deg mange gode i tillegg til livsvarig alderspensjon og AFP. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du går bort, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsettgoda dine på www.spk.no/medlemskap-i-spk
- Møre og Romsdal politidistrikt er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.
Kontaktinformasjon
Linn Breivik Erstad, Fungerande driftseiningsleiar, 92813729Ole Ivar Nybø, Avsnittsleiar, 70118700
Arbeidsstad
Nedre Strandgate 506005 Ålesund
Nøkkelinformasjon:
Arbeidsgivar: Møre og Romsdal politidistriktReferansenr.: 4835573145
Stillingsprosent: 100%
Fast stilling
Søknadsfrist: 28.07.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Sektor
Offentlig
Nettsted
www.politiet.no/jobb
Annonsedata
Rapporter annonse- Stillingsnummer
2701265
- Sist endret
29. juli 2024
- Hentet fra
talentech
- Referanse
3869d390172f4670a4cb1e3d58843928