Vikariat som fagarbeidar ved Elvebøen
Bu- og miljøtenesta, Stad kommune
Myroldhaugvegen 43, 6770 Nordfjordeid
Om jobben
Stillingstittel
Vikariat som fagarbeidar ved Elvebøen
Type ansettelse
Vikariat
Antall stillinger
2
UTVIDA SØKNADSFRIST TIL 16.06.
Vil du vere med og utvikle helsetenestene i Stad kommune? Då er dette stillinga for deg!
Bu -og miljøtenesta avd. Elvebøen har ledig 2 x vikariat i 100 % stilling som helsefagarbeidar eller barne- og ungdomsarbeidar.
Skriv gjerne i søknaden kva vikariat du søkjer på, eventuelt om du søkjer på begge.
Vikariat 1:
01.07.2024 - 31.01.2025 med moglegheit for forlenging.
Denne stillinga vil i stor grad vere knytt til nattarbeid.
Vikariat 2:
01.07.2024 - 31.05.2025 med moglegheit for forlenging.
Stillingane er inkludert 20% frie timar.
Eininga har tredelt turnus.
Elvebøen er ei avdeling i Bu- og miljøtenesta. Avdelinga ligg under teneste for funksjonshemma og har heildøgnsdrift for heimebuande brukarar. Brukargruppa er samansett av menneske med ulike funksjonsnedsettingar i ulik alder og livssituasjon. Det overordna målet for bu- og miljøtenesta er å bidra til at tenestemottakarane oppnår høgast mogleg grad av livskvalitet og livsmestring.
Stad kommune ønskjer å bli fleire. Vi treng deg som ønskjer å flytte til kommunen vår. Vi ønskjer å utvikle eit livskraftig og trygt samfunn der vi alle dreg i lag. Vi ønskjer deg med på laget!
Arbeidsoppgåver
- Ansvar for det faglege rundt dei brukarane ein er sekundærkontakt for
- Kartlegge og vurdere behov
- Følge opp og dokumentere tenesteytinga etter kvalitetskrav, lovverk og kommunale retningslinjer
- Tverrfagleg samarbeid og arbeid i team
- Rettleie studentar, lærlingar og andre
Kvalifikasjonar
- Fagbrev som helsefagarbeider eller barne- og ungdomsarbeidar gjerne med erfaring frå å jobbe med åtferd og miljøarbeid
- Andre med relevant erfaring og gode, personlege eigenskapar kan også søkje
- I tillegg er det ønskeleg med relevant vidareutdanning og kurs
- Gode språkkunnskapar i norsk både munnleg og skriftleg
- Aktuelle kandidatar må ha førarkort
Personlege eigenskapar
- Gode samarbeids- og kommunikasjonsevner
- Evne til å etablere god samhandling med fokus på ro, tryggleik og funksjonell kommunikasjon
- Likar utfordringar og varierte arbeidsoppgåver
- Er fleksibel og interessert i forbetringsarbeid
- Tek initiativ og ansvar
- Kan arbeide sjølvstendig og saman med andre
Vi tilbyr
- Godt tverrfagleg samarbeid og godt arbeidsmiljø
- Høve til fagleg utvikling
- Løn- og arbeidsvilkår i samsvar med gjeldande lov- og avtaleverk
- Gode pensjons- og forsikringsordningar
Vi ber om at du lastar opp vitnemål og attestar saman med søknaden. Vi ber om relevante referansar av nyare dato. Politiattest skal leggjast fram før start i stillinga
Stad kommune har 6 månader prøvetid.
Vi gjer merksam på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ta gjerne kontakt med avdelingsleiar Camilla Andersen for ein prat om stillinga, tlf. 45 87 74 17.
Kontaktinformasjon
Camilla Andersen, Avdelingsleiar Elvebøen, 45 87 74 17, camilla.andersen@stad.kommune.noArbeidsstad
Myroldhaugvegen 436770 Nordfjordeid
Nøkkelinformasjon:
Arbeidsgivar: Stad kommuneReferansenr.: 4810920909
Stillingsprosent: 100%
Vikar
Søknadsfrist: 16.06.2024
Om bedriften
Stad kommune har om lag 9 600 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!
https://www.nordfjord.no/stad
https://www.einstadistad.no/
Nettsted
Annonsedata
Rapporter annonse- Stillingsnummer
2658594
- Sist endret
17. juni 2024
- Hentet fra
talentech
- Referanse
7ffa98cab117430499f1ace1515e5c65