Dutkanráđđeaddi/ -seniorráđđeaddi
Bargoviidodat virggis
Sámi allaskuvlla lea gelddolaš áigodagas mas leat earret eará ovdánahttime ođđa strategiijaplána, digitaliseren lassána, ja bargame dan ovdii ahte nannet dutkan- ja oahppokvalitehta.
Oahppo- ja dutkanhálddahusas lea rabas bistevaš 100% virgi dutkanráđđeaddin/ -seniorráđđeaddin mas álgin lea farggamusat.
Virgái leat biddjon iešheanalaš ja viiddis barggut ja earenoamáš ovddasvástádus loktet ja ođasmahttit dutkanhálddahuslaš suorggi, kvalitehta ja doaimmaid Sámi allaskuvllas.
Barggut leat earát eará:
- Sámi allaskuvlla dutkanstrategiijaid čuovvulahttit hálddahuslaččat
- Ovdánahttit ja nannet ollislaš dutkanprošeaktavuogádaga, erenoamážit olggobeale ruhtagálduid ektui
- Dutkanhálddahuslaš áššemeannudeapmi
- Oassálastit dutkanhálddahuslaš kvalitehtavuogádaga ovdánahttimis
- Riikkaidgaskasaš dutkanfierpmádagaid ovdánahttit ja čuovvulahttit ovttas fágalaš jođiheddjiiguin
- Eará doaimmat maid lagamus hoavda bidjá
Sámi allaskuvlla oahppo- ja dutkanhálddahusa doaibma lea čatnon ja geatnegahtton čuovvut áiggis áigái gustovaš lágaid ja láhkaásahusaid dutkansuorggis. Ásahusa njuolggadusat ja rutiinnat leat muđui vuođđun ossodaga bargguide. Ossodat galgá doaibmat dutkanhálddahuslaš doarjjan Sámi allaskuvlla fágalaš jođiheapmái, fágagođiide, fágabirrasiidda ja eaŋkildutkiide. Virggis gáibiduvvo viiddis ovttasbarggu eará ossodagaiguin ja gođiiguin. Barggut leat dan sivas hui máŋggabealat ja gáibidit buori áddejumi ja bajilgova organisašuvnnas ja fágasurggiiguin.
Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.
Gelbbolašvuođagáibádusat
- Relevántta oahppu universitehta dahje allaskuvlla dásis mii unnimusat vástida bachelorgráda, muhto lea ovdamunni jus lea mastergráda. Duođaštus relevánta reálagelbbolašvuođas sáhttá buhtadit oahppogáibádusa
- Buorre čálalaš ja njálmmálaš máhttu sámegielas, skandinávalaš gielas ja eaŋgalasgielas
- Buorre IKT gealbu
- Dovdamuš allaskuvlla- ja universitehtasektorii lea ovdamunni
- Vásáhus almmolaš áššemeannudeamis ja áššemeannudanvuogádagain lea ovdamunni -
- Juridihkalaš ipmárdus lea ovdamunni
- Lea sávahahtti ahte dovdá Sámi allaskuvlla fágasurggiid ja lea beroštupmi sámi ja álgoálbmot dutkamii
- Attáldat kritihkalaččat smiehttat ja ođasmahttit hálddahuslaš proseassai
Persovnnalaš attáldagat:
Mii ohcat du guhte:
- leat veahkkái ja ovddasvástideaddji
- nagodat vuoruhit, bargat mearradiđolaččat ja struktuvrralaččat
- leat iešheanalaš bargguid čađaheamis
- válddát initiatiiva bargguide ja leat hutkái čovdosiidda
- loavttát bargat bargobirrasis gos alla leaktu ja olu iešguđetge barggut oktanaga
- leat dárkil ja nákcet gárvet áššiid maiddái oanehis áigemeriin
- bures gulahalat ja ovttasbarggat earáiguin
- sistemattalaččat ja analyhtalaččat barggat
- leat ovdánahttindiđolaš
Mii fállat
- Sámi- ja álgoálbmotvuđot oahppo- ja dutkanásahus gos alla fágalaš mihtut
- Vejolašvuođaid fágalaš ovdánahttimii, buori ja movttegis bargobirrasis gos alla gelbbolašvuohta ja áŋgiruššan sámi ja álgoálbmot servodaga ovdánahttimis
- Heivehahtti bargoáigi ja eará buriid čálgofálaldagaid
- Miellahttuvuođa stáda penšuvdnakássas
Bálká
Virgi bálkáhuvvo oahpu ja ánssu mielde Stáhta bálkáplána 90.500 vuođul, virgekoda 1434 ráđđeaddi. Virgekoda 1364 seniorráđđeaddi sáhttá árvvoštallojuvvot jus leat erenoamáš kvalifiserejuvvon ohccit.
Formála lassigelbbolašvuohta sámegielas unnimustá 60 oahppočuoggá bachelordásis lassin dan mii lea biddjon gelbbolašvuođagáibádussan virgealmmuhusas, addá unnimustá guokte bálkáceahki lassin vuođđobálkái vuosttášgeardde virgáibidjamis Sámi allaskuvllas.
Bálkkás gesso 2% geatnegahtton divat Stáda penšuvdnakássii.
Ohcan
Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:
- CVain
- Bargo- ja oahppoduođaštusaiguin
Bivdit du maiddái almmuhit unnimusat guokte referánsa.
Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: kundeservice@jobbnorge.no dahje riŋget telefovdnii: 75 54 22 20.
Ohcanáigemearri: 21.06.21
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. Sámi allaskuvla lea IA-ásahus ja deattuha bargodili heiveheami ovttaskas bargái.
Gelbbolaš ohccit sáhttet gohččot bargojearahallamii.
Dievdoolbmot ávžžuhuvvojit ohcat dásseárvo- ja vealahanlága § 9 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš ovddabeallái nissonolbmo dásseárvo- ja vealahanlága § 9 vuođul.
Fárrendoarjja máksojuvvo stáhta njuolggadusaid mielde. Finnmárkkus lea sierra ortnet geahpedit lohkanloana ja vearrogeahpádus.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Oktavuođadieđut
Eanet dieđuid virggi birra oažžu Oahppo- ja dutkanhoavddas Áilá Márge Varsi Balto tlf. +4778448503/ +47 994 09 096, eboasta: ailamvb@samas.no
Om bedriften
Sámi allaskuvla
Sámi allaskuvla lea stáda alitoahppo- ja dutkanásahus. Das lea sámi ja eamiálbmot vuolggasadji buot oahpahusas ja dutkamis mas sámegiella, árbevirolaš máhttu ja ođasmahttin leat guovddážis.
Sámi allaskuvllas leat sullii 200 studeantta ja sullii 100 bargi. Sámi lohkanguovddáš, mii lea nášunala gelbbolašvuođaguovddáš, lea maiddái oassin Sámi allaskuvllas.