Lærar / kontaktlærar

Ein av våre dyktige lærarar skal i permisjon, og vi treng derfor ein lærar i 100% stilling frå 01.01.25.  Stillinga er i utgangspunktet eit vikariat, men om du har den utdanninga og kvalifikasjonane vi ser etter, kan du få fast stilling.
Kleppelunden skule åpna i august 2024, og er ein flott skule som ligg i sentrum av Klepp. Skulen ligg svært fint til med turområdet Kleppeloen som næraste nabo.
Dette området vert flittig brukt til uteskule. Vi har plass til 350 elevar, men er i år 277 elevar frå 1.-7.trinn. 
I Kleppskulen er kjernekomponentane den engasjerte eleven, profesjonelle læringsfellesskap og læreplanforståing.
På Kleppelunden skule skal me arbeida saman for at elevane skal få ein engasjerande, aktiv og lærerik kvardag. For å få til dette skal me mellom anna arbeid strukturert med Oracy, som handlar om å auka elevane sin kompetanse i å tenka, reflektera, kommunisera og forstå seg sjølv og andre, gjennom arbeid med språk.
Vi har flotte fasillitetar; mellom anna flott bibliotek, store og gode rom til kunst og handverk og sløyd, godt utstyrt musikkrom, god gymhall, fint personalrom og skaparverkstad med spennande utstyr. Godt utstyrte rom vil danna grunnlaget for å kunna arbeida kreativt med digitalisering og estetiske fag.
Me jobbar for å skape ein ny inkluderande og motiverande kultur der alle føler dei bidrar og er viktige for resultatet.

Arbeidsoppgåver

Arbeidsoppgåver:

• planlegga og gjennomføra ei variert undervisning med vekt på elevaktivitet, og som utviklar elevane sin faglege og sosiale kompetanse
• sørge for eit trygt, inkluderande  og godt skule- og klassemiljø for alle
• kontaklæraroppgåver 
• aktiv deltaking i ulike profesjonssfaglege læringsfellesskap på skulen
• heim-skule samarbeid

Kvalifikasjonar

• godkjent undervisningskompetanse 1.-7. trinn
• kompetanse innan matematikk, norsk, engelsk og musikk er ønskeleg.
• god kunnskap i norsk både munnleg og skriftleg
• du har god forståing og kjennskap til læreplanverket
• du har kompetanse i, interesse for og erfaring med bruk av ulike digitale læringsverktøy
• personlege eigenskapar vil bli vektlagt
• i tråd med opplæringslova er tilfredsstillande politiattest ei forutsetning før tilsetting

Personlege eigenskapar

Vi ønsker at du er:

• ein trygg vaksen som trivst i klasserommet
• ein dyktig relasjonsbyggar med eit inkluderande elevsyn
• strukturert
• ein robust klasseleiar
• fleksibel og sjølvstendig
• ein med godt humør
• god til å kommunisere og samarbeide
• positiv, fleksibel og har stå- på- vilje
  
  
  

Vi tilbyr

Vi tilbyr

Du får ein unik sjanse til å vere med å bygge ein ny kultur i ein heilt ny skule med flotte fasilitetar både inne og ute. 
Her får du ein spennande, variert og utviklande jobb der du får vera med å utgjer ein forskjell for elevane, saman med dyktige kollegaer. 
Du kan få bruke kreativiteten din på mange ulike område, og saman skal vi skape eit godt og inkluderande arbeidsmiljø. 
Rett utanfor skulen er det flotte ute- og turområde og jærstrendene er berre ein sykkeltur unna.
Klepp kommune har diverse velferdsordningar og gode pensjons- og forsikringsordningar. Tilsetting skjer forøvrig på dei vilkår og med dei plikter som fremgår av utlysing, og dei til ein kvar tid gjeldande lover, reglement og tariffavtalar. 

Kontaktinformasjon

Kariann F Leikanger, Rektor, +47 98434386

Arbeidsstad

Lunden 3
4350 Kleppe

Nøkkelinformasjon:

Arbeidsgivar: Klepp kommune

Referansenr.: 4874544279
Stillingsprosent: 100%
Vikar
Søknadsfrist: 03.11.2024