Vaktmeister/driftsoperatør i UEKF
Ulstein Eigedomsselskap KF (UEKF) er Ulstein kommune sitt eigedomsføretak, og står som eigar av kommunen si totale eigedomsmasse. UEKF har ansvar for eigedomsforvaltning som drift, utbygging, reinhald og vedlikehald av alle kommunale bygg i Ulstein kommune. Drift, rehabilitering, utleige og innleige og kjøp og sal av eigedom er ein sentral del av UEKF si verksemd.
Avdeling bustad & utleige forvaltar meir en 200 utleigekontraktar, der vi koordinerer inn og utflytting, gjennomfører tilsyn, bistår leigetakar, samt utfører vedlikehald og utvikling av leigeobjekt. Vi søker ein vaktmeister/driftsoperatør som kan støtte avd. Bustad & Utleige i sitt arbeid. Lengd på vikariatet vil vere om lag eitt år, men behovet kan endre seg.
Arbeidsoppgåver
- Drift og vedlikehald av eigedom, herunder enkel service, handverksoppgåver og reparasjonar.
- Rapportere og legge planar i dataverktøy som Famac og Checkd.
- Bistå arbeid knytt til inn og utflytting (klargjere leigeobjekt).
- Utstrekt serviceinnstilt kontakt med leigetakar.
- Koordinere aktivitetar i lag med avd. bustad og utleige.
- Planlegge og gjennomføre tiltak på leigeobjekt.
- Andre oppgåver som naturleg vil falle inn under ansvarsområdet som vaktmeister/driftsoperatør.
Kvalifikasjonar
- Erfaring frå liknande driftsarbeid med kjennskap til FDV og teknisk anlegg er ein fordel, men søkarar med anna relevant erfaring er òg av interesse.
- Fagbrev innan automasjon, tømrar, vvs, byggdrifter eller tilsvarande er ønskeleg men ikkje eit krav.
- Teknisk kompetanse, utdanning innan byggfag.
- Førarkort klasse B.
- God kommunikasjonsevne på norsk, skriftleg og munnleg.
- Gode digitale evner.
Personlege eigenskapar
- Praktisk og allsidig.
- Påliteleg og strukturert.
- Løysingsorientert, fleksibel, energisk og engasjert.
- Nøyaktig og systematisk.
- Serviceinnstilt, samarbeidsvillig og likar utfordringar.
- Sjølvstendig, ser oppgåvene sine og set i verk tiltak.
Vi tilbyr
- Interessante og varierte arbeidsoppgåver i eit godt fagleg miljø.
- Hyggelege kollegaer og ein god arbeidsplass.
- Opplæring og kompetanseoppbygging.
- Pensjons og forsikringsordning i KLP.
- Lønn etter avtale.
Om bedriften
Ulsteinsamfunnet støttar innbyggarar, organisasjonar og næringsliv som viser visjonar, vilje og pågangsmot til beste for eiga utvikling, medmenneske og samfunn.