Kantor/organist/kyrkjemusikar

Spennande stilling som kyrkjemusikar i Aukra soknVi søker kantor / organist / kyrkjemusikar i 60 % fast stilling

Aukra kyrkjelege fellesråd har ledig 60 % fast stilling som kantor/organist/kyrkjemusikar i Aukra sokn.

Aukra er ein eittsoknskommune med 3700 innbyggarar, der om lag 2550 personar bur på hovudøya Gossen og 1150 i fastlandsdelen Julsundet. Ferja mellom Gossen og Julsundet går jamleg og tek 12 minutt. Kommunen har godt utbygde servicetilbod, eit aktivt kultur- og idrettsliv og stor kristeleg aktivitet.

Aukra kyrkje er ei åttekantkyrkje i tømmer frå 1835 og ligg på Gossen. Kyrkja har eit 17 stemmers pipeorgel med to manualar og pedal frå frå 1995, levert av Th. Frobenius & Sønner,

Arbeidsoppgåver

• Leie det kyrkjemusikalske arbeidet ved gudstenester og andre kyrkjelege handlingar i
  Aukra kyrkje. I tillegg kjem inntil 10 gudstenester i året i Julsundet.
• Samarbeide med andre tilsette om trusopplærings-, konfirmant-, diakoni- og anna kyrkjelydsarbeid
• Rekruttere og legge til rette for at frivillige i alle aldrar kan ta del i song- og musikklivet i kyrkjelyden
• Ha ansvar for konsertar og andre musikalske arrangement i samarbeid med kollegaer, frivillige og sokneråd
• Følgje opp kyrkjelyden si kyrkjemusikalske verksemd i tråd med soknerådet sine planar og prioriteringar
• Vere rådgivar for sokne- og fellesrådet i kyrkjemusikalske spørsmål
• Ha ansvar for tilsyn med og vedlikehald av kyrkja sine instrument og øvrige musikkutstyr

Kvalifikasjonar

• Kvalifikasjonskrav i samsvar med tenesteordning for kantorar eller minimum 3 års utdanning innan kyrkjemusikk. Anna musikalsk utdanning og erfaring kan også bli vurdert
• Søkar må ha allsidig orgel- og pianoferdigheit
• Må kunne meistre fleire musikksjangrar, vere komfortabel med samspel og ha kunnskap og erfaring med korleiing
• Må ha evne til å organisere og gjennomføre prosjekt
• Må ha gode kunnskapar om norsk salme-, liturgi- og gudstenestetradisjon
• Må kunne norsk eller skandinavisk språk, munnleg og skriftleg
• Må være medlem av Den norske kyrkja

Personlege eigenskapar

• Engasjement for teamarbeid og å skape eit godt og inkluderande arbeidsmiljø
  
• Evne til å arbeide sjølvstendig
• Interessert i, og open for, musikalsk mangfald og tverrfagleg samarbeid
• Initiativrik, engasjert og inspirerande
• Gode pedagogiske evner
• God skriftleg og munnleg kommunikasjonsevne
• Grunnleggande datakunnskap
• Personlege eigenskapar vil bli vektlagt

Me tilbyr

• Godt arbeidsmiljø og stabsfellesskap
• Stort handlingsrom for skaping, samskaping og trivsel
• Kontor i kontorfellesskap på Aukra kyrkjelydshus
• Tilsetting og løn i samsvar med gjeldande avtaleverk for kyrkjeleg sektor
• Pensjonsordning i KLP

Søknad og kontaktinformasjon:

• Søknad med vitnemål og attestar sendast elektronisk via www.kirkejobb.no
• Søknadsfrist: 17.03.2025
• Prøvespel må påreknast
• Tilfredsstillande politiattest må kunne leggast fram ved tilsetting, jf. Trussamfunnslova § 20
• Prøvetid: 6 mnd.
• Kontaktpersonar: Leiar i Aukra sokne- og fellesråd Erlend Melby, e-post erlend.melby@korsvikbakken.com, tlf. 922 20 253 eller fung. kyrkjeverje Max Ingar Mørk, e-post max.mork@aukra.kommune.no, tlf. 951 85 921

Vi gjer merksam på at vi også har ledig 40 % stilling som kateket / kyrkjelydspedagog. Dersom søkaren er kompetent og interessert, kan ulike kombinasjonar av stillingane diskuterast.

Kontaktinformasjon

Erlend Melby, Leiar i Aukra kyrkjelege fellesråd, 922 20 253
Max Ingar Mørk, Fung. kyrkjeverje, 951 85 921

Arbeidsstad

Skogvegen 1a
6480 Aukra

Nøkkelinformasjon:

Arbeidsgivar: Aukra Sokn

Referansenr.: 4924685047
Stillingsprosent: 60%
Fast
Søknadsfrist: 17.03.2025