Tilkallingsvikar oppvekst
Om stillinga
Me treng tilkallingsvikarar i heile kommunalområde oppvekst. Er du student/skuleelev, pensjonist, eller ynskjer å jobbe litt meir enn det vanlege arbeidet ditt. Då håpar vi at du vil sende inn søknad. Det er fint om du skriv kor du ynskjer å jobbe.
Det er behov for vikarar ved Aurland barnehage, Flåm barnehage, Sfo og skuleassistentar ved Aurland barne- og ungdomsskule og Flåm skule, Aurland fritidsklubb, Aurland folkebibliotek og Aurland kulturskule.
Har du ynskje om å jobbe ved ein av arbeidsstadane over, er det fint om du spesifiserer dette i søknaden.
Aurland barnehage sto ferdigstilt i mars 2022, og er ein funksjonell og moderne barnehage. Barnehagen ligg fint til nær til bibliotek, grunnskule, fleirbrukshall og supre turområde. Der er fire avdelingar med 18 tilsette og 51 barn. Flåm barnehage ligg fint til på Lunden, med gode moglegheiter til å bruke naturen omkring. Der er to avdelingar med ni tilsette og 27 barn.
Aurland kulturskule er lokalisert i Aurland idretts- og samfunnshus (AIS) og ved Flåm skule. Me tilbyr mellom anna undervisning i musikkfag, dans og biletkunst. Der er seks tilsette, og om lag 65 elevar. Kulturskulen skal arbeide for å styrka den kulturelle fellesskapen i Aurland kommune. Føremålet er at elevane skal utvikle og presentere dei kunstnarlege og kreative evnene sine gjennom musikk- og kunstopplevingar, utan omsyn til alder eller funksjonsnivå.
Aurland folkebibliotek har fine lokale i første etasje ved Aurland barne- og ungdomsskule (Abu), og har tre tilsette. Me har eit godt utval med bøker, film og lydbøker for store og små. Her blir du godt kjent med elevane ved skulen, i tillegg til bygdefolk som anten vil låne seg ei bok, lese dagens avis eller nytte seg av andre tilbod. Me håpar at du brenn for å skape eit «levande» bibliotek.
Fritidsklubben held til i kjellaren i AIS, og har tre tilsette. For dei yngste frå 5. - 7. klasse har me aktivitetsklubb og leksehjelp. På klubben er det ulike aktivitetar knytt til natur og kultur. Der er eige rom med Tv og PC, ein kan spele mellom anna bordtennis og biljard. Dette er populært for dei eldste ungdomane.
Flåm skule er ein fådelt skule med elevar frå 1.-7. klassetrinn. Flåm skule er ein fådelt 1-7 skule som ligg flott til nedst i Flåmsdalen med Flåmsbana som god nabo. Elevane kjem frå Gudvangen, Undredal og Flåm.
Aurland barne- og ungdomsskule har om lag 125 elevar frå 1. til 10. klassetrinn. Skulen ligg sentralt til og har god tilgang på ulike idrettsanlegg, natur og lokale samarbeidspartnarar.
Arbeidsoppgåver
- vere til stades for borna
- vere engasjert i borna og ungdommen
- passe på så ingen fell utanfor
- sette deg godt inn i alle rutinar
- andre praktiske oppgåver
- ta del i utviklingsarbeidet og halde deg fagleg oppdatert
Bilettekst:
Barnehageborn, elevar ved skulane og musikk- og kulturskulen spela, song og dansa BliMedansen for kronprinsen, då han besøkte Aurland 26.09.23.
Me tilbyr
- Faglege og personlege utfordringar i eit godt og inspirerande arbeidsmiljø
- Individuell oppfølging
- Gode pensjons- og forsikringsordningar
- Løn etter tariff
- Gratis inngang til treningsrom i Aurlandshallen
- Gratis inngang til symjehallen
- Sjå gjerne informasjonsbrosjyre om kommunen vår her.
Kvalifikasjonar
- Erfaring frå arbeid med born er ein fordel.
- Du må gjennom kunnskap, erfaring og personlege eigenskapar kunne samarbeide med og skapa tillit og dialog med personale, barn og foreldre.
Personlege eigenskapar
Du må være ein påliteleg, open og ærleg person. Det er viktig at vi er tilstades for born og ungdom, men også har evne til å samarbeide med kollegaer.
Verdiane våre er: L-Æ-R, som står for Likeverd, Ærlegdom og Respekt.
Løns- og tilsetjingsvilkår
Tilsetting, løn og arbeidsvilkår er i samsvar med gjeldande lovverk, reglement og tariffavtale.
Gode pensjons- og forsikringsordningar.
Ved tilsetjing må det leggast fram politiattest.
Generell informasjon om søknadsprosessen
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg.
Kommunen sitt administrasjonsspråk er nynorsk.
Kontaktpersoner for stillingen
Om bedriften
Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1780 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng, musikkskule, klatring, handball, fotball, friidrett og boksing.
På kulturskulen kan ein få opplæring i gitar, trommer, bass og biletkunst m.m. Aurland er ei naturperle og ideelt for fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for det spektakulære fjell- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri.