Ledige sjåførstillingar
Renovest IKS har tre ledige sjåførstillingar som skal betene flg. bilar:
• Hytterenovasjonsbil (komprimatorbil for tøming av 10 m3 liftcontainer)
• Hytterenovasjonsbil (komprimatorbil m/kran – for tøming av botntømde containerar)
Stillingsstorleik: 100% - fast stilling
Frå 01.07.2020 skal Renovest IKS hente inn avfallet frå hyttereturpunkta i eigen regi. Hytterenovasjonsordninga er under endring. Vi er i gang med å innføre full kjeldesortering også hjå hytteabonnentane. Tal på returpunkt skal på sikt reduserast frå 120 til ca. 60, og 10 m3 liftcontainerar skal utfasast og erstattast med botnetømde containerar som tømast med kran.
Bilane skal hente inn følgjande fraksjonar:
• Papp/papir
• Plast• Glas-/metallemballasje
• Restavfall
Mengd avfall som blir henta inn varierer gjennom året. Høgsesongen er haustferie, jul- og nyttårshøgtid, vinterferie og påske. Det er viktig at arbeidstakar er tilgjengeleg i desse periodane. I rolegare periodar kan anna arbeid innanfor verksemda bli tillagt sjåførane.
Arbeidsoppgåver:
• Tøming og transport av avfall frå hyttecontainerar (lift- og botnetømde containerar).
• Daglig kontroll og vedlikehald av køyretøy og materiell
• Dokumentasjon av daglege utførte oppdrag
• Ved behov vil du og kunne bli pålagt andre arbeidsoppgåver
Krav til søkaren:
• Førarkort klasse C/CE for lastebil
• Kranførarbevis (G8) er ønskjeleg, og gjerne erfaring frå bruk av slikt utstyr
• Evne til å arbeide sjølvstendig og strukturert
• Gode samarbeidsevner
• Må beherske norsk språk skriftleg og munnleg
• Grunnleggande IT-ferdigheiter
• Gyldig yrkessjåførkompetansebevis (YSK-bevis)
Vi tilbyr:
• Løn etter avtale
• Ordna lønns- og arbeidsvilkår
• God pensjonsordning og andre obligatoriske personforsikringar
• Godt arbeidsmiljø og god opplæring
Tiltreding: 01.06.2020 Søknadsfrist: 24.02.2020
Spørsmål om stillingane kan rettast til dagleg leiar Toralf Orekåsa eller driftsleiar Elsa Ann G. Hauglid – sentralbord 35 06 80 00.
Skriftlig søknad med CV pr. epost til post@renovest.no ved å klikke på «Søk på stilling» knappen til høyre på siden, eller med post til Renovest IKS, Ordalsvegen 63, 3850 Kviteseid.
Om bedriften
Renovest IKS har sidan 1999 hatt ansvar for handtering av avfall og septik/slam i Vest-Telemarkregionen. Verksemda er lokalisert med hovudmottak i Brunkeberg, Kvitseid kommune. Renovest IKS tek årleg hand om meir ein 10 000 tonn avfall, og verksemda sin innsats er eit viktig bidrag i miljørekneskapet for regionen. Vi har mottaksstader spreidd over heile Vest-Telemark, og har tolv fast tilsette. Saman med våre underleverandørar, direkte knytt til aktiviteten vår, tel vi i overkant av 20 stillingar (avhengig av årstida). Renovest IKS er eit interkommunalt selskap eigd av kommunane; Seljord, Kviteseid, Fyresdal, Tokke og Vinje. Renovest tar pr. i dag hand om avfallet frå hytter og hushald i regionen. Hovudtyngda av hytteabonnentane ligg i Vinje kommune, med sine seks tusen hytter og resterande fire tusen fordelt på dei øvrige fire eigarkommunane. Hushaldsrenovasjonen tel nær seks tusen abonnentar. Vi vil årleg i neste femårsperiode omsetja for meir enn 40 mill. kr. Renovest AS har eit viktig samfunnsoppdrag og vi har ambisiøse målsettingar med m.a. hytterenovasjon i regionen. I den samanheng har vi viktige oppdrag og prosjekter som skal utførast, og vi søkjer difor etter erfarne og dyktige sjåførar til å ivareta / utføre transporttenestane.