Avdelingsleiar
Søre Bømlo omsorgsområde, Bømlo kommune
Bømlavegen 987, 5443 Bømlo
Om jobben
Stillingstittel
Avdelingsleiar
Type ansettelse
Fast
Antall stillinger
1
Me har ledig ei spanande stilling som avdelingsleiar ved Søre Bømlo omsorgsområde, og søkjer deg som ser etter nye utfordringar og vil vera med på å forme framtidas heimebaserte tenester. Du vil saman med ein dyktig stab ha ansvar for den daglege drifta ved avdelinga.
Søre Bømlo omsorgsområde er lokalisert på Langevåg, og består i dag av Bømlo omsorgstun for inntil 12 bebuarar (inkludert eige kjøken) og heimebaserte tenester i Lykling-Langevåg-området. I heimebaserte tenester tilbyr me helsehjelp i heimen, praktisk bistand/middagsombringing og dagsenter til heimebuande i området. Ved omsorgssenteret treng våre bebuarar tett oppfølging, der me legg vekt på høg kvalitet gjennom å skapa ein meiningsfull kvardag. Ute i heimetenesta gjev me heilskaplege tenester med målsetjing om at alle skal få bu heime lengst mogleg, der bruk av velferdsteknologi og heimerehabilitering er ein del av tilbodet.
Som avdelingsleiar skal du mellom anna følgje opp og implementere kommunen sine vedtekne planar, retningslinjer og arbeidsgjevarpolitikk. Me ønskjer ein leiar som kan bidra til fagleg utvikling og eit godt arbeidsmiljø.
Frå 2025 vil Søre Bømlo omsorgsområde bli samlokalisert med Bømlo heimetenester. Denne stillinga vil då bli organisert under Bømlo heimetenester, der ein del av stillinga vil vera å forme og drive den “nye” kommunedekkjande heimetenesta i lag med tilsette og dei andre leiarane i verksemda.
Er du klar for å ta på deg denne utfordringa? Søk no og bli ein del av vårt engasjerte team!
Arbeidsoppgåver
- Dagleg og overordna leiing av avdelinga
- Personalansvar og økonomiansvar
- Utvikling og koordinering av fagleg tilbod
- Turnusplanlegging
- Inngå i leiargruppa ved BBH (frå 2025 ved BHT)
- Sikra rekruttering og jobba mot ein heiltidskultur
Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast.
Dersom annan leiarstilling blir ledig under utlysingsperioden kan ein få tilbod om denne.
Kvalifikasjonar
- Bachelor i sjukepleie.
Det er ønskjeleg med leiarutdanning, men det er ikkje eit krav. Relevant erfaring kan vege opp for formell utdanning.
Personlege eigenskapar
Det vert lagt vekt på personalege eigenskapar, og viktige verdiar er rausheit og engasjement. Me legg vekt på medarbeidarskap, der tilsette vert gitt ansvar og tillit under trygge rammer og trygg/tydeleg leiing. Me ønskjer ein leiar med fellesskapstenking og gode haldningar, som er open for fleksible løysingar og er endringsviljug.
Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.
Me tilbyr
- Varierte og spennande arbeidsoppgåver i ein flott kommune
- Faglege og personlege utfordringar i eit godt og inspirerande arbeidsmiljø
- Gode offentlege pensjons- og forsikringsordningar
- Fleksibel arbeidstid
- Løn og arbeidsvilkår i samsvar med gjeldande lov. Løn etter avtale
- Stilling i ei inkluderande arbeidslivsverksemd (IA-verksemd)
- Medlemskap med tilsettegoder i velferdsklubben
Andre opplysingar
- Administrasjonsmålet i kommunen er nynorsk
- Tilbod om leiarutdanning (ta stilling til dersom leiarstilling)
- Det vert stilt krav om politiattest ved tilsetjing etter Helse og omsorgstenestelova § 5.4
- Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn
- Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25
Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med Monica Smedsrud eller Hilde Markhus.
Kontaktinformasjon
Monica Smedsrud, Verksemdsleiar BBH/SBO, 40485607, monica.smedsrud@bomlo.kommune.noHilde Markhus, Verksemdsleiar BHT, 909 49 278, hilde.markhus@bomlo.kommune.no
Arbeidsstad
Bømlavegen 9875443 Bømlo
Nøkkelinformasjon:
Arbeidsgivar: Bømlo kommuneReferansenr.: 4838123685
Stillingsprosent: 100%
Fast
Søknadsfrist: 24.08.2024
Om bedriften
Berekraftige Bømlo er vår visjon!
Bømlo kommune har 12 000 innbyggjarar og ligg plassert mellom Stavanger og Bergen, i regionen Sunnhordland. Me har eit aktivt næringsliv, med stort fokus på utvikling av grøn teknologi. Eit godt kulturtilbod saman med eit yrande lag- og organisasjonsliv gjer Bømlo til ein god plass å bu.
Kommunen med sine 1000 tilsette, er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Dei tilsette er vår viktigaste ressurs og me ynskjer oss rause, modige og engasjerte medarbeidarar.
Pensjon
I denne stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ein utbetaling som varer frå den dagen du sluttar i jobb og livet ut. Pensjon inkluderer og uføre- og etterlatnepensjon dersom noko uventa skulle skje. Med pensjonsrett i Bømlo kommune får du medlemspris og gunstige vilkår på ei rekkje bank, forsikring og spareprodukt.
Bømlo kommune har gode forsikringsordningar for tilsette. Ordninga omfattar forsikring knytt til yrkesskade, ulykke og fritid.
Sektor
Offentlig
Nettsted
Annonsedata
Rapporter annonse- Stillingsnummer
2703219
- Sist endret
25. august 2024
- Hentet fra
talentech
- Referanse
f743265b4c604cf7ba0a00851c6052d1