Ferievikarar i eining Meistring og psykisk helse sommaren 2025

Vi har ledige stillingar som ferievikarar i eining Meistring og psykisk helse frå 23.06. – 17.08.2025.

Vi søkjer studentar og offentleg godkjende:

•  sjukepleiarar, vernepleiarar, sosionomar og andre relevante helse- og sosialfaglege og pedagogiske høgskuleutdanningar 
•  helsefagarbeidarar eller anna relevant fagutdanning
•  sjukepleie- vernepleie og legestudentar
•  lærar- og førskulelærarstudentar
•  assistentar 

Aktuelle arbeidsplassar er bufellesskap for menneske med utfordingar innafor rus og psykisk helse, bufellesskap og ambulant teneste for menneske med funksjonsnedsettingar og barneavlastning. Eventuell prioritering av arbeidsstad må kome fram i søknaden. Det same gjeld kva tidsrom du kan arbeide. Hugs også å oppgi i søknaden om du ønskjer bonusordning.

Kommunen sine deltidstilsette kan også søkje om auka stilling opp til 100 % i periodar dei sjølve ikkje avvikler ferie.

Det er krav om gyldig politiattest av ny dato for alle stillingane i omsorg.

I tillegg til formell utdanning og praksis vil det bli lagt vekt på personlege eigenskapar og at ein er skikka for stillinga.

Det blir tilsett fortløpande i stillingane.Vitnemål og karakterutskrift må sendast som vedlegg til søknaden.

Kvalifikasjonar

• Det er ønskjeleg med erfaring frå liknande arbeid.
• God digital kompetanse.
• Det er ein fordel om søkjarane har førarkort for bil med manuell gir eller kan disponere eigen bil.
• Det er også ein fordel å kunne arbeide heile perioden utan avbrot.
• Søkjarar må beherske norsk godt, både munnleg og skriftleg.

Personlege eigenskapar

• Fleksibel og løysingsorientert.
• Gode samarbeidsevner.

Vi tilbyr

Løn blir endra i samsvar med tariffoppgjeret våren 2025, men per i dag gjeld følgjande:

Pleiemedarbeidarar/assistentar: årsløn i heil stilling frå kr 382 500,- til kr 479 700,- etter ansiennitet.
sjukepleie-, vernepleie- og legestudentar får slik årsløn i heil stilling: bestått 1. år: kr 20 000,- og bestått 2. år: kr 35 000,- over stigen for assistentløn etter ansiennitet. Dersom løn og tillegg overstig fagarbeidarløn med 16 års ansiennitet vert tillegget redusert tilsvarande maksimal løn på fagarbeidarstigen.
Legestudentar som har fullført 4. semester får løn etter fagarbeidarstigen, og dei som har bestått 6. semester, og har gjennomgått farmakologi, blir arbeidsoppgåver og løn som sjukepleiar vurdert. Legestudentar som er i siste studieår (påbegynt 5. året) får gjeldande sjukepleieløn, men minimum kr 300,- per time.
Høgskule-/universitetsstudentar innafor andre relevante utdanningar får årsløn kr 5 000,- i heil stilling over assistentløn etter ansiennitet. Det same gjeld andre vikarar som kjem tilbake for andre sommaren (eller meir) på rad.

Elles gjeld løn og tilsetjing på vanlege kommunale vilkår.

Bonusordning:
Sjukepleie-, vernepleie-, fysioterapi-, ergoterapi- og legestudentar og andre ferievikarar med fullført relevant fagutdanning som arbeider i 100 % stilling i minimum 6 veker innafor vekene 26 - 33 etter avtale med leiar, får ein ekstra bonus på kr 15 000,-. Opplæringsvakter kjem i tillegg. Ordninga gjeld også lærar- og førskulelærarstudentar i relevante stillingar innafor PU.
Dette gjeld for reelt utført arbeid. I praksis betyr det at bonusen blir avkorta eller fell vekk ved sjukefråvær eller ev. anna fråvær.

Dei som ønskjer slik bonusordning må opplyse om det i søknaden.

Kontaktinformasjon

Martin Solbjørg, avdelingsleiar, 40106605
Anne Marthe Busengdal, avdelingsleiar, 41702363
Kristine Finnøy, nestleiar, 90935279
Therese Nordheim Nesseth, einingsleiar, 47316717

Arbeidsstad

Gudmundvegen 14
6050 Valderøya

Nøkkelinformasjon:

Arbeidsgivar: Giske kommune

Referansenr.: 4904864655
Stillingsprosent: 100%
Vikar
Søknadsfrist: 03.03.2025