Planleggingsleiar
Org. nr: 923723048 Stillingsident: 4198397425 Presentasjon av stillingen:
Vestland fylke skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylket skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Den nye fylkeskommunen skal bidra til å bygge ein sterkare felles kultur og identitet på tvers av dagens fylkesgrenser, samtidig som innbyggarane si tilknyting til lokalsamfunna vert tatt vare på.
Avdeling for infrastruktur og veg skal: - gjennomføre planlegging, utbygging, drift og vedlikehald av om lag 5600 km fylkesveg - ivareta fylkeskommunen sine forvaltningsoppgåver som vegeigar - samordne aktørar med ansvar for trafikksikring i fylket - ivareta heilskapleg utbygging av transportinfrastruktur i arbeidet med Nasjonal transportplan - ha naudsynt beredskap i samband med hendingar på vegnettet
Planlegging- og utbyggingsseksjonen har ansvar for planlegging og bygging av fylkesvegar, gang- og sykkelvegar, tunnelar og bruer i Vestland fylke. Seksjonen dekker alle fagområde knytt til dette arbeidet; planlegging, prosjektering, grunnerverv, landmåling, geologi, geoteknikk og utbygging/byggherre. Byggherre miljøet er delt i tre geografiske einingar, Prosjekt Nord (Sogn og Fjordane), Prosjekt Sør (Hordaland) og Prosjekt Bergen.
Vi søker etter planleggingsleiar ved seksjon planlegging og utbygging. Du kan velje arbeidsstad i Bergen, Leikanger, Voss, Isdalstø, eller Odda.
Arbeidsoppgåver
- Leie gjennomføring av planprosjekt etter plan- og bygningslova
- Vere prosjektleiars næraste medarbeidar i utarbeiding av kommunedelplanar og reguleringsplanar
- Styre prosjektgruppa samt levere rett kvalitet til rett tid i samsvar med prosjektbestilling
- Ved behov for konsulentbistand vil du blant anna bidra til å utarbeide kravspesifikasjonar, innhente og evaluere tilbod, følgje opp økonomien og styre og kvalitetssikre leveransar.
Kvalifikasjonskrav
- Relevant teknisk utdanning frå universitet eller høgskule, minimum 3 år. Dersom du har omfattande og relevant praksis eller gode personlege føresetnader for stillinga, kan vi sjå vekk frå kvalifikasjonskravet
- Relevant arbeidserfaring
- Du må ha førarkort klasse B, i særskilte tilfelle kan krav om førarkort fråvikast
Ønska kvalifikasjonar
- Det er ein fordel med erfaring frå prosjektleiing, erfaring frå samferdselssektoren og planlegging etter plan- og bygningslova
- God norsk munnleg og skriftleg framstilling
Personlege eigenskapar
- Evne til å styre, koordinere og samordne ulike bidrag i planprosjekt
- Gode kommunikasjons og samarbeidsevner
- Leveringsdyktig
Vi tilbyr
- Spanande arbeidsoppgåver og gode vilkår for fagleg utvikling
- Eit sterkt og inkluderande fagmiljø
- Løn etter avtale
- Gode forsikrings- og pensjonsvilkår
- Fleksibel arbeidstid
Anna informasjon
I søknadsprosessen blir du spurt om kva arbeidsstadar som er aktuelle for deg.
Administrasjonsmålet i fylkeskommunen er nynorsk.
Alle nytilsetjingar i fylkeskommunen blir gjort med ei prøvetid på 6 månader.
Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
Spørsmål om stillinga rettast til leiar. Dersom du har spørsmål knytt til søknadsprosessen, kontakt Ruben Nordvik ved HR-avdelinga.
Kontaktinformasjon
Ruben André Nordvik, Fagarbeider, 96943099
Wilhelm Lund, Leiar, 91623608
Arbeidsstad
Sandslihaugen 30
5254 Sandsli
Søk på stillinga:Klikk her
Nøkkelinformasjon:
Arbeidsgivar:Vestland fylkeskommune
Referansenr.:4198397425
Stillingsprosent: 100%
Fast
Søknadsfrist: 01.04.2020